افضل 10 افكار لموضة الـ plus size فى الشتا

آية حسان
آية حسان
6082

فصل الشتاء خلاص قرب و ده معناه انه جه وقت تجديد دولابنا و تغيير ستايل لبسنا و نعمل لوك جديد و لو بطقم واحد على الاقل، ولانه الموضة و الازياء اتطورت بشكل كبير فى الفترة الاخيرة مابقاش لازم تكون اجسامنا زى الموديلز علشان نقدر نلبس حلو و نبقى شيك ، فى المقال ده هنقولك ازاى تقدرى تلبسي على الموضة ويبقى ستايلك تريندى ايا كان الـ size اللى بتلبسيه ومن غير ما تشيلى اى هم ، اعرفى معانا اجدد  نصايح و افكار لموضة الـ plus size ..

افضل 10 افكار لموضة الـ plus size فى الشتا 

1- البسي كاجوال:

تقريبا مفيش بنت فينا مابتقفش قدام دولابها كل يوم الصبح حيرانة هتلبس ايه النهاردة و بكرة و حتى بعد بكرة، لكن الفكرة كلها فى انك تحاولى تستمتعى و انتى بتختارى الطقم اللى هتخرجى بيه النهاردة ، البسي دايما الطقم او الستايل اللى يناسب الموود اللى انت فيه و سيبى بكرة لبكرة. و اول حاجه هنقولهالك من افكار لموضة الـ plus size هى انك تحاولى تعتمدى على الكاجوال فى ستايلك  لخروجاتك العادية او وانتى رايحة الشغل او الجامعة، جربى تلبسي بنطلون جينز بتحبيه بأى لون تفضليه او بلون ابيض زى الصورة مع تيشيرت اسود سادة و كارديجان طويل مع قطعة اكسسوار مناسبة تدى حياة للوك بتاعك زى necklace او حلق ، اما الشوز فالبسي اى شوز يكون مريح بالنسبة ليكى و ممكن تلبسي شوز منقوش علشان يخلى ستايلك تريندى اكتر.

البسي كاجوال
البسي كاجوال

2- البسي الـ poncho :

البونشو – poncho كان من قطع الملابس الاساسية فى موسم ملابس الشتاء السنة اللى فاتت و المميز فيه انه مهما كان مقاسك او شكل جسمك بتقدرى تلبسيه و يفضل شكله حلو لانه بيناسب ستايلات كتيرة جدا، خصوصا لو لبستيه مع boots سوداء برقبة عالية و شنطة و ساعة مناسبين. ولو قدرتى توفقى الالوان مع بعضها هتطلعى بلوك مميز جدا و على الموضة و هتلفتى الانظار ليكى . الستايل ده هيخلى شكلك حلو و يديكى ثقة فى ستايلك .

البسي الـ poncho
البسي الـ poncho

3- البسي hat :

الـ hat بتعتبر من الـ classics و بتقدر تحول اى طقم مهما كان شكله عادى او موضته قديمة لطقم على الموضة و stylish و فى طرق كتيرة ممكن تدخلى بيها الـ hat فى لبسك ، ممكن تلبسيها مع بلوفر او jumper و انتى خارجة مع اصحابك ، وممكن تلبسيها مع الـ boots المفضلة عندك و جينز و شنطة بلون مناسب .

البسي hat
البسي hat

4- البسي جيبة منقوشة midi :

الفكرة دى من افكار لموضة الـ plus size  هى للمناسبات الخاصة زى حفلة او ميتنج مهم على العشاء، جربى تلبسي جيبة ميدى لانها بتعتبر قطعة ملابس اليجانت و بتدى لوك شيك جدا و كمان مريحة وبتناسب اشكال مختلفة من الاجسام وبترجعنا لستايلات الخمسينات المعروفة بشياكتها و اناقتها، و علشان تخلى اللوك بتاعك شيك اكتر البسي جيبة midi منفوشة بنقشات الورد ، النقط او الخطوط حسب اختيارك انتى ، ومعاها اكسسوار مناسب علشان تحسنى بيه الستايل بتاعك.

البسي جيبة منقوشة midi
البسي جيبة منقوشة midi

5- البسي دريس: 

جربى تعملى لوك بسيط وشيك زى اللى فى الصورة، البسي فستان قصير مع جاكت وبوت ، المميز فى الستايل ده انه سهل تنفذيه بقطع ملابس متوفرة عندك اصلا من غير ما تحتاجى تشترى هدوم جديدة، الستايل ده ممكن تلبسيه فى خروجاتك مع اصحابك او الخروجات بالنهار عموما.

البسي دريس
البسي دريس

6- ستايل لكل يوم :

مين قال انك لو plus sized ماتقدريش تلبسي زى النجوم و تعملى ستايل تريندى لكل يوم؟ الفكرة دى من افكار لموضة الـ plus size شيك جدا و مريحة لدرجة انك هتحبى تلبسيها كل يوم و سهل تنفذيها، كل اللى هتحتاجيه هو جينز اسود و تيشيرت سادة مع جاكت جلد قصير و كده خلاص بقيتى جاهزة !
الـ 3 قطع دول بيمشوا مع بعض بشكل حلو و هيغيروا من ستايلك بشكل كبير، البسي معاهم شوز بكعب عالى و ممكن يكون منقوش بنقشة التايجر مثلا .

ستايل لكل يوم
ستايل لكل يوم

7- البسى بلايزر :

الخدعه كلها فى الستايل ده  انك تختارى البلايزر المناسب ليكى بالمقاس الصح، البسي بلايزر ابيض أو ملون مع بنطلون اسود أو جينز و شوز دهبى ، و البسي معاه  ساعه و حلق مناسبين علشان تكملى بيهم اللوك بتاعك.

البسى بلايزر
البسى بلايزر

8- اعملى ستايل بألوان الخريف :

الخريف و الشتاء دايما ليهم الوانهم المميزة  و الدافية ، حاولى تعتمدى فى ستايلك على الوان الخريف زى البنى، الاخضر، الاحمر الهادى و الدرجات اللى بين الالوان دى، لما تجربى تلبسي الالوان دى هتحسيها مختلفة و بتديكى افكار كتيرة لتنسيقات لملابسك ، درجات اللون البنى بتعتبر شيك حتى لو اعتمدتى فى اللوك بتاعك على قطع ملابس بسيطة مافيهاش تفاصيل كتيرة، جربى تلبسي البنى الغامق مع البيج و الكراميل و حتى لون البرونز.

اعملى ستايل بألوان الخريف
اعملى ستايل بألوان الخريف

9- كله ابيض ؟

دايما بنسمع انه الستات او البنات اللى وزنهم  زايد او الـ over sized لازم يبعدوا عن الالوان الفاتحة زى الابيض و البينك مثلا، لكن مين قال اننا لازم نمشى وراء القاعدة دى ، ايا كان شكل جسمك ممكن يبقى شكلك حلو فى الابيض خصوصا فى قطع الملابس زى الى فى الصورة لانهم تريندى و هيخلوا شكلك stylish جدا ، اختارى قطع بلون ابيض و البسيهم مع بعض و هتتفاجئى بالنتيجة !

كله ابيض
كله ابيض

10- street style :

لو بتحبى تجربى ستايلات مختلفة و مطرقعه يبقى جربى تعملى street style ، اللوك ده مش محتاج منك قطع ملابس معينة ، ببساطة كل اللى هتحتاجيه هو بنطلون جينز و ممكن يكون boyfriend jeans مع تيشيرت سادة أو بنقشة زى اللى فى الصورة وممكن تزودي عليه سكارف مطرقع علشان تعملى لوك مختلف و جرئ مع سلسلة مناسبة .

street style
street style

بكده تكونى عرفتى معانا  افضل 10 افكار لموضة الـ plus size، شوفى كمان اعرفى معانا طرق تحسين اى لوك فى ثوانى و بسهولة

مقالات متعلقه

نصايح للبس الملابس المطبوعة مع الجسم المليان

نصايح للبس الملابس المطبوعة مع الجسم المليان

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي