خدعة عبقرية هتخليكي تحطي المانيكير الجليتر بطريقة سهلة
المانيكير الجليتر من الحاجات اللي بتدي شكل حلو اوي للضوافر لكن في بنات كتير مش بيعرفوا يظبطوه او يحطوه صح وبيطلع مش متساوي او في فراغات واماكن فيها واماكن لا وبنلاقي صعوبة انه يطلع بشكل مثالي على الضوافر, والغلطة اللي احنا دايما بنعملها اننا بنحطه بالفرشة بنفس طريقة المانيكير العادي عشا كده بيطلع مش مطبوط معانا, لكن احنا النهاردة جايبين لكل بنات حوا خدعة عبقرية هتخليكي تحطي المانيكير الجليتر بأسهل طريقة ويطلع شكله مثالي جدا من غير ولا غلطة.
طريقة وضع المانيكير الجليتر:
– الحاجات اللي محتاجينها:
1- القاعدة الاساسية ال Base Coat.
2- سائل حماية الجلد من التلطيخ “اختياري”.
3- لون الجليتر المفضل.
4- سفنجة.
5- Top Coat.
– الخطوات:
1- اول خطوة هنعملها هنحط طبقة ال Base Coat على الضوافر كلها.
2- الخطوة التانية هنحط سائل حماية الجلد اللي حوالين الضوافر الخطوة دي اختيارية بس يفضل اننا نستخدمه عشان نحمي الجلد من تلطيخ المانيكير, وهنلاقي السايل ده باسم المانيكير الاسلامي او ممكن نستخدم غرا ابيض هنجيبه من المكتبة وندهنه حوالين الضوافر هيقوم بنفس المهمة.
3- الخطوة التالتة هنجيب المانيكير الجليتر اللي احنا اخترناه ونحط منه على السفنجة.
4- الخطوة الرابعة هنحط الجليتر بالسفنجة على الضوافر, ونحطه بطريقة الطبطبة هنلاقي كل اللون نزل بسهولة جدا وبشكل متساوي ومن غير فراغات على الضوافر.
5- الخطوة الخامسة بعد ما نخلص الضوافر كلها هنقشر السايل اللي احنا حطناه حوالين الضوافر.
6- في الخطوة السادسة والاخيرة هنحط طبقة من ال Top Coat على الجليتر عشان نثبته فترة اطول وميتقشرش بسرعة.
النتيجة النهائية.
وده فيديو بيوضح الخطوات اللي احنا شرحناها:
8 اسرار لوضع المانيكير من غير ولا غلطة
