7 نصايح تعملى بيهم كونتور سريع لمكياجك الصبح

آية حسان
آية حسان
في
مكياج
4847

سمعنا عن الكونتور كتير جدا في الفترة الاخيرة وبقى كل خبراء التجميل والفيديوهات اللي بنشوفها للمكياج لازم يكون فيها الكونتور خطوة اساسيه فى روتين تطبيق المكياج ، لانه مفيش حاجه فى جمال انه يبقى تقسيمة الوش مظبوطة ومتحدده عشان تبرز جمالك و ده اللى بيعمله الكونتور فبيبين عضمة الخدود او يجمل من شكل الانف و بيخليكى مستعدة تبدأى يومك باشراقة وثقة، وعلشان الوقت الصبح دايما بيبقى ضيق ومش بنقدر نعمل فول ماكيوب خصوصا إن خطوات الكونتور بتاخد وقت ومش سهلة جدا فى المقال ده هنقولك على 7 نصايح تعملى بيهم كونتور سريع علشان توفرى وقت الصبح و تبقى جاهزة تبدأى يومك ..

7 نصايح تعملى بيهم كونتور سريع علشان مكياجك الصبح

 1- طريقة الـ E+3 للكونتور و الهايلايت:

باستخدام اداة الكونتور “اللون الغامق” ارسمى شكل حرف الـ E على وشك،ابدأى خطوط الوش الاساسية على الجبهة و كملى لحد عظمتين الخد و بعدين ارسمى خط على حدود عظمة الفك . بعد كده استخدمى الهايلايتر “اللون الفاتح” فى رسم 3 معكوسة بتبدأ من الزاوية الداخلية للحاجب و فوق عظمة الخد بحاجة بسيطة و كملية لحد فوق عظمة الفك بحاجة بسيطة. الـ E و الـ 3 اللى رسمتيهم المفروض يبقوا عاملين زى قطع الـ puzzle كده متناسين مع بعض و بيكملوا بعض، دلوقتى انتى جاهزة علشان تدمجى الخطوط دى مع بعضها.. شوفي الصورة للتوضيح, لو طبقتي الكونتور والهايلايت بالطريقة البسيطة ديه مش هياخد منك أي وقت تماما.

طريقة الـ E+3 للكونتور و الهايلايت
طريقة الـ E+3 للكونتور و الهايلايت

طريقة الـ E+3 للكونتور و الهايلايت

2- استخدمى contouring kit : 

بدل ما تضيعى وقت كتير الصبح فى انك تختارى الالوان المختلفة علشان تعملى الكونتور، اشترى contouring kit و ريحى نفسك، لانها بيبقى فيها كل الالوان بكل الدرجات اللى ممكن تحتاجيها علشان تحددى وحشك و تبرزى جماله.

contouring-kit
contouring-kit

3- أستخدمى الوان الـ Neapolitan palette :

اخلطى الوان البنى، البينك، و لون الايس كريم فانيليا و حددى بيهم خدودك ، استخدمى اللون الافتح كـ highlighter و البنى لعمل الكونتور و البينك استخدميه كأحمر خدود او blusher، الالوان دى اسمها Neapolitan و بتعتبر من اسهل الالوان فى عمل الكونتور البسيط .

أستخدمى الوان الـ Neapolitan palette
أستخدمى الوان الـ Neapolitan palette

4- استعملي السبونج لدمج الكونتور بدل الفرشة : 

لو عندك وقت ، يفضل انك تستخدمى فرشة مكياج مختلفة لكل حاجه، يعنى فرشة للـhighlighter و فرشة للكونتور و هكذا، لكن علشان احنا هنا بنتكلم عن كونتور سريع، استتخدمى الحل السحرى اللى هيوفر عليكى كل ده و هو سفنجة المكياج علشان تدمجى بيها الكونتور بتاعك.

استعملي السبونج لدمج الكونتور بدل الفرشة
استعملي السبونج لدمج الكونتور بدل الفرشة

5- ممكن كمان تستعملي صوابعك لدمج الكونتور : 

ممكن كمان تستخدمى صوابعك علشان تدمجى الوان الكونتور مع بعضها اسرع و بشكل افضل من غير ما يكلكع او يبقى مش متساوى، و كده هتوفرى وقت اكتر.

ممكن كمان تستعملي صوابعك لدمج الكونتور
ممكن كمان تستعملي صوابعك لدمج الكونتور

6- استخدمى اللزق فى عمل كونتور سريع : 

واحدة من الخدع اللى ممكن تعملى بيها كونتور سريع و توفرى وقت بشكل كبير، هى انك تستخدمى اللزق فى تحديد الاماكن اللى هتعملى عليها كونتور فى وشك بشكل ادق، استخدمى اللزق لتحديد الانف، عظمة الخديد، و الجبهة علشان تعملى كونتور مظبوط اكتر.

استخدمى اللزق فى عمل كونتور سريع
استخدمى اللزق فى عمل كونتور سريع

7- جربى تعملى مكياج مضئ ستروبنج strobing :

لو معندكيش تعملى كونتور كامل الصبح ممكن تستبدليه بأنك تعملى مكياج مضئ ستروبنج strobing لوشك وهتطلعى بنفس النتيجة تقريبا، الستروبنج تكنيك جديد وبنستعمل فيه الهايلايتر بس “اللون الفاتح” وممكن يكون مناسب للوك الصبح أكتر من الكونتور خصوصا عشان هو معمول انه يدي ضي وحيوية للوش وهنتكلم عنه بالتفصيل في موضوع لوحده, استخدمى الهايلايتر السائل او ال stick ، ابدأى برسم خط على الانف للأخر ، عظمة الحاجب و عظمة الخد وخط الشفايف العلوي عند المنتصف, ادمجيهم كويس علشان تعملى لوك مشرق و محدد وجهك و بيبرز جماله.

مكياج مضئ ستروبنج strobing
مكياج مضئ ستروبنج strobing

مكياج مضئ ستروبنج strobing

نتمني تكون النصايح عجبتكم وتفيدكم فعلا انكم تظبطوا ماكيوب الصبح وتجربوا تكنيك وحيل جديدة عشان تعملوا احلي لوك في اقل وقت.

اعرفى كمان طرق كونتور أشكال الوجوه المختلفة

كونتور أشكال الوجوه المختلفة
كونتور أشكال الوجوه المختلفة

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

ازاي تعملي كونتور وهايلايت باستخدام الكونسيلر في 3 خطوات بس

ازاي تعملي كونتور وهايلايت باستخدام الكونسيلر في 3 خطوات بس

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي