اعرفى معانا طرق تحسين اى لوك فى ثوانى و بسهولة

آية حسان
آية حسان
10460

كتير مننا مبنحضرش لبسنا و نجهز طقم لكل يوم و نبقى عارفين هنلبس ايه قبل ما ننزل الكلية او الشغل ، و يمكن الاوقات الوحيدة اللى بنفكر فيها هنلبس ايه و نجهز كل حاجه قبلها هى قبل المناسبات او الخروجات المهمة ، علشان كده فى المقال ده احنا هنساعدك تخلى كل طقم تلبسيه فى كل خروجه جاهز و شيك و كأنك محضراه من قبل و زى ما يكون عندك ستايلست يهتم بلبسك و اللوك بتاعك بظبط  ، هنقولك على طرق تحسين اى لوك فى ثوانى و بسهولة و فى خطوات بسيطة ..

طرق تحسين اى لوك فى ثوانى و بسهولة

الموضوع بسيط جدا ، كل اللى عليكى تعمليه هو انه تعتمدى فى اللوك بتاعك على قطعة ملابس واحدة او مثلا قطعة اكسسوار تكون هى الرئيسية فى اللوك بتاعك و باقى القطع تكون هادية و بسيطة جنبها ، ممكن القطعة الاساسية دى تبقى عقد او كوليه ، شنطة ، بلوزة او شوز و ممكن حتى تبقى لون روج مميز و مختلف عن اللى متعودة تستعمليه .

النصيحة الاولى فى طريقة تحسين اى لوك فى ثوانى و بسهولة :

جربى تلبسي هدوم بنقشات وخطوط مختلفة ، وعشان تعملي لوك جريء وتبقي واثقة انه متناسق جربي إنك تلبسي قطعة واحدة بلون تريندي وعليها قطعة تانية سادة  زي مثلا أنك تلبسي جيبة منقوشة بنقشة التايجر و تلبسي معاها و جاكت جلد سادة زى ما باين فى الصورة .

البسي جيبة منقوشة مع جاكت و توب سادة
البسي جيبة منقوشة مع جاكت و توب سادة

النصيحة الثانية :

الشوز بيعتبر من اهم القطع الرئيسية فى اى لوك و بتعتبر طريقة تحسين اى لوك مميزة جدا ، البسي شوز بلون جديد و واضح مع فستان او جيبة سادة بلون هادى و غيرى اللوك بتاعك و خليه مميز .

البسي شوز بلون مميز
البسي شوز بلون مميز

النصيحة الثالثة :

ممكن كمان تبقى الشنطة هى القطعة الاساسية فى اللوك بتاعك، لو مبتحبيش تلبسي الهدوم المنقوشة او بالوان واضحة البسي شنطة بتصميم ولون مميز و هتحسن من اللوك بتاعك بشكل كبير .

البسي شنطة بلون مميز
البسي شنطة بلون مميز

النصيحة الرابعة :

الاكسسوارات بتعتبر من اسهل طرق تحسين اى لوك و اقلها فى التكلفة ، جربى تلبسي كوليه او عقد مميز وحجمه كبير .هتلاقي اللوك النهائي اتغير واتحسن تماما.

استخدمى الاكسسوارات
استخدمى الاكسسوارات

المميز فى الطرق دى لتحسين اى لوك هى انك بتحددى لأي درجة إنتي عايزة اللوك ي POP ويبان ..

 و مش لازم كل الالوان فى الطقم بتاعك تبقى فاقعة يعني ممكن تلبسي طقم هادى جدا و تلبسي معاه سكارف مثير وهتحسي بتغيير كبير فى شكلك النهائي ، جربى تتحدى نفسك كل يوم إنك تطبقى النصايح دى و ادى لنفسك كل يوم درجة من 5 ، فى خلال خمس ايام هتلاقى الدرجات اللى بتديها لنفسك على اللوك بتاعك بتزيد و هتلاقى انه اصحابك و قرايبك ملاحظين اننه ستايلك اتحسن و اتغير للافضل ، شوفى كمان 17 طريقة مبتكرة تغيري بيهم شكل الشوز بتاعك

مقالات متعلقه

14 قاعدة ملابس اساسية محتاجة تعرفيها

14 قاعدة ملابس اساسية محتاجة تعرفيها

7 طرق لتحسين الستايل بتاعك, وايه الحاجات اللي بتعمليها بشكل غلط

7 طرق لتحسين الستايل بتاعك, وايه الحاجات اللي بتعمليها بشكل غلط

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير