BB كريم وكريم الاساس .. الفرق بينهم وايه الانسب لبشرتك ؟

بقلمريهام محمود فيمكياج visibility34912

كلنا عارفين دلوقتي انه ظهر انواع كتير غير كريم الاساس بتقوم بنفس الدور للبشرة منها ال BB كريم وال CC وفي كمان ال DD, بس كلنا بنبقى حيرانين نستخدم كريم الاساس ولا ال BB وايه الفرق ما بينهم ؟ وايه فايدة ال BB او بيعمل ايه للبشرة ؟ كل ده هنعرفه النهاردة مع بعض من خلال مقالنا.

– ايه هو ال BB كريم ؟

احنا اتكلمنا عليه قبل كده عن فوايد ال BB كريم للبشرة وهو يعتبر كريم للجمال الطبيعي, بيدي تغطية متوسطة والميزة فيه انه بيبان طبيعي على البشرة, لكن هو مش بس بيعمل تغطيه هو كمان ليه فوايد تانية انه بيحتوي على عامل حماية من الشمس, ومضادات للاكسدة, فيتامينات, عناصر مرطبة للبشرة, بيتحكم في لمعان البشرة وفي نفس الوقت بيديها لوك مشرق طبيعي.

– ايه الفرق بين BB كريم وكريم الاساس ؟

لو بتدوري على حاجة فيها الكل في واحد يعني تغطية وبيداري عيوب البشرة وفي نفس الوقت بيرطب الجلد يبقى ال BB كريم هو افضل اختيار ليكي خصوصا لصاحبات البشرة الحساسة يعني هو بيبقى زي كريم الاساس ولكن الفرق انه اخف على البشرة وبيدي لوك طبيعي اكتر, وبيبقى نازل منه تقريبا 3 درجات ما بين الفاتح والمتوسط والغامق, وغير ميزة التغطية هو كمان مرطب للبشرة, وبيطفي لمعة البشرة وبيحمي الجلد في مقابل التركيز على التغطية, ومن افضل الماركات اللي بنشرحها لكم بي بي مايبيلين, لوريال باريس.

الفرق بين BB كريم وكريم الاساس
الفرق بين BB كريم وكريم الاساس

ممكن تشوفوا من هنا افضل ماركات ال BB كريم.

– لتغطية البثور والبقع:

لو عندك بثور وبقع على بشرتك ومحتاجة تغطية عالية اوي يبقى افضل اختيار ليكي هو كريم الاساس, ولكن في بعض انواع من ال BB بتعمل تغطية وبتخفي البثور والندبات وفي نفس الوقت معالجة للبشرة ومناسبة للبشرة المعرضة لحب الشباب زي BB غارنييه Miracle skin perfector الخالي من الزيوت ده بيساعد على تغذية البشرة وبيلطف من الالتهاب والاحمرار.

BB غارنييه Miracle skin perfector
BB غارنييه Miracle skin perfector

– لحماية البشرة من الشمس:

لو عايزة حماية من الشمس يبقى الاختيار لل BB كريم على الرغم ان في بعض انواع كريم الاساس فيها عامل حماية من الشمس SPF لكن ال BB بيوفر حماية اكتر للبشرة وبيحميها من الاشعة الضارة ومن الاثار اللي ممكن تسببها الشمس على البشرة في المستقبل.

– لو بشرتك جافة ؟

لو بشرتك جافة يبقى الاختيار الانسب ليكي هو ال BB كريم لانه بيدي ترطيب عالي للبشرة, بالاضافة للمواد المضادة للاكسدة, والفيتامينات, وعامل الحماية من الشمس, والتغطية.

الفرق بين BB كريم وكريم الاساس
الفرق بين BB كريم وكريم الاساس

الخلاصة الاختيار ما بين ال BB وكريم الاساس بيعتمد على احتياج البشرة والتغطية اللي انتي محتاجاها, لو عايزة منتج بفوايد كتير وفي نفس الوقت بتغطية خفيفة وطبيعية يبقى اختيارك هيكون لل BB كريم, لكن لو قلقانة من موضوع التغطية وعندك عيوب كتير في بشرتك ومحتاجة تغطية عالية يبقى الاختيار هيكون لكريم الاساس.

اعرفي كمان افضل انواع وماركات كريم الاساس

انواع وماركات كريم الاساس والكونسيلر
انواع وماركات كريم الاساس والكونسيلر