28 تنسيق رائع لموضة شتاء 2017 متفوتيهمش
كلنا تقريبا بنستنى فصل الشتا عشان شياكتة واناقتة ومن الحاجات اللي بتبقى شيك اوي وتعتبر من اهم الحاجات اللي بنحتاجها في الشتا هي القطع اللي برقبة عالية او رقبة السلحفة “Turtleneckes” والستايل ده ممكن ننوع في لبسه ونلبسه باكتر من ستايل.
ممكن تلبسيه بطريقة كاجوال على الجينز السكيني او البوي فريند, او تلبسيه بستايل كلاسيك على جيبة Pencil skirt او A-Line skirt او بنطلون كلاسيك بيبقى شيك جدا, ولكل البنات اللي بيحبوا الفساتين ممكن يلبسوا الفستان اللي برقبة عالية.
وممكن بقى يتلبس فوقيه بالطو طويل او قصير, او كاب, او جاكيت جينز, وطبعا هنكمل اللوك بتاعنا بالشوز المناسب سواء بوت او شوز فلات او بكعب عالي او سنيكرز حسب الستايل اللي احنا لابسينه ونختار الشنطة والاكسسوارات المناسبين.
بالنسبة للألوان زي ما دايما متعودين في الشتا الالوان الدافية والالوان المحايدة بتكون دايما واخدة نصيب كبير من موضة الشتا زي الاسود, الرصاصي, البيج, البني, وممكن عشان ندي اللوك حياة اكتر نضيف بعض الالوان الجريئة زي التركواز ممكن ندخله في اللبس او نكتفي بيه في الاكسسوار.