19 طريقة مبتكرة و غير مكلفة علشان تخلى بيتك مريح اكتر

آية حسان
آية حسان
3692

كل ما الجو يبقى برد بره البيت، بنميل لاننا نقعد فى البيت وقت اطول، و علشان كده بتحتاجى دايما يكون بيتك مريح اكتر و بتحبي تجددى فيه و تغيرى فى الديكورات و الالوان، ولان التغيير ده ممكن يبقى مكلف و مجهد جدا، علشان كده فى المقال ده هنقولك على افكار كتيرة و مختلفة تقدرى تجددي بيها بيتك  و تخليه مريح اكتر وبمجهود بسيط ..

19 طريقة مبتكرة و غير مكلفة علشان تخلى بيتك مريح اكتر

1-استخدمى الابواب القديمة مساحة للتخزين :

واحده من الافكار المبتكرة جدا و المختلفة هى انك تستخدمى الابواب القديمة كمساحة للتخزين فى بيتك، ممكن تستخدمى اى باب قديم و تغيرى لونه و تحطيه فى اى زاوية عندك فى البيت تكون فاضية و تستخدميه كمساحه تحطى عليها كتب او تحف تكملى بيها ديكور البيت.

استخدمى الابواب القديمة مساحة للتخزين
استخدمى الابواب القديمة مساحة للتخزين

2- ورق حائط بصفحة من كتابك المفضل : 

ممكن كمان لو انتى لسه بتجهزى شقتك او بتجددى الديكورات فيها تعملى ديزاين جديد من ورق الحائط، اعملى ورق حائط بصفحة من كتابك المفضل !

ورق حائط بصفحة من كتابك المفضل
ورق حائط بصفحة من كتابك المفضل

3- مشاية بالوان مبهجة : 

متقلليش من قدرة الالوان المبهجة على انها تخلى يومك حلو و تغير من المود بتاعك، اعملى مشاية صغيرة من بقايا القماش اللى عندك او اشترى مشاية بألوان مبهجة علشان تكملى بيها الديكور الداخلى لاى اوضة عندك فى البيت.

مشاية بالوان مبهجة
مشاية بالوان مبهجة

4- لمسة سحرية للزرع :

علب الزرع العادية شكلها بقى تقليدى و ممل! غيرى شكل الزرع بتاعك و خلى شكله حلو بأنك تجددى قصارى الزرع بتاعتك و تخلى شكلها مختلف بانك تلونيها او تزينيها بخيوط الوانها مختلفة .

لمسة سحرية للزرع
لمسة سحرية للزرع

5- صوانى باشكال جديدة للاكل :

صوانى الاكل بتعتبر من اقل الحاجات اللى بنهتم بيها فى البيت، لكن انتى ممكن تستخدمى صوانى الاكل فى انها تخلى بيتك مريح اكتر و يبقى شكلها مبهج للعين، حاولى تشترى صوانى اكل شكلها مختلف او بتصاميم جديدة و حلوة.

صوانى باشكال جديدة للاكل
صوانى باشكال جديدة للاكل

6- بطانية علشان لما الجو يسقع : 

مفيش احلى من بطانية معمولة بايدك فى البيت تدفى بيها لما الجو يسقع، و لو مبتعرفيش تعمليها بايدك اشترى بطانية صغيرة بلون هادى تدفيكى لما الجو يبقى برد.

بطانية علشان لما الجو يسقع
بطانية علشان لما الجو يسقع

7- شكل جديد للحيطة اللى عند المكتب : 

المساحة فوق مكتبك ممكن تعملى بيها حاجات كتيرة و تنفذى عليها افكار مختلفة، علشان كده فكرى ازاى تغير شكلها و تخليها اضافة لديكور بيتك، جربى تستخدمى الصور و الشماعات و الالوان المختلفة علشان تستغلى المساحة دى.

شكل جديد للحيطة عند المكتب
شكل جديد للحيطة عند المكتب

8- مخدات بألوان الباستيل :

مخدات زى دى هتدى حياة للمكان اللى محطوطة فيه بألوانها المختلفة، و الحلو فى الموضوع انك مش مضطرة تشترى اكياس جديدة للمخدات دى، كل اللى عليكى تعمليه تستخدمى صبغات قماش بألوان مختلفة و تسيبى نفسك تلونى .

مخدات بألوان الباستيل
مخدات بألوان الباستيل

9- مكاتب موفرة للمساحات : 

حتى اصغر مساحة فى بيتك ممكن تبقى مكتب و توفرى بيه مساحة و يبقى مكان مناسب جدا تخلصى فيه شغلك، جربى تستخدمى مكاتب بحجم صغير علشان توفرى بيها مساحة.

مكاتب موفرة للمساحات
مكاتب موفرة للمساحات

10- اعملى ديكور للرف بالمساطر : 

حتى المسطرة ممكن تستخدميها علشان تخلى بيتك مريح اكتر ، جربى تزينى اى رف او شماعه عندك فى البيت بالمساطر !

اعملى ديكور للرف بالمساطر
اعملى ديكور للرف بالمساطر

11- ساعه مختلفة :

ساعه بشكل مختلف هتخلى شكل اى اوضة اشيك و احلى، المهم تختارى ديزاين يناسب الديكور.

ساعه مختلفة
ساعه مختلفة

12- رفوف هندسية : 

جربى تستبدلى الشكل المعتاد للرفوف بأنك تعملى رفوف بأشكال و تصاميم هندسية، الاشكال و التصميمات دى مبتنتهيش و حلوة جدا و ممكن كمان تغيرى فى الالوان .

رفوف هندسية
رفوف هندسية

13- باسكت بشكل جديد :

بتكلفة قليلة جدا ممكن تغيرى شكل اى باسكت عندك فى البيت بانك تستخدمى خيوط ملونة و تغيرى فى شكل الباسكت، الطريقة دى بتثبت انه الشكل الحلو مش لازم يبقى مكلف .

باسكت بشكل جديد
باسكت بشكل جديد

14- ستاير للسرير :

انك تضيفى ستاير للسرير بتاعك مش حاجه صعبة و هتحلى اوضة نومك و هتخليها رومانسية اكتر! جربى تضيفى ستاير بألوان مختلفة لسريرك و شوفى الفرق . 

ستاير للسرير
ستاير للسرير

15- طقم شاى تبهرى بيه ضيوفك :

حتى المانيكير القديم ممكن نستخدمه فى تغيير ديكور البيت، استخدمى المانيكير بتاعك فى انك تضيفى الوان و اشكال مختلفة على طقم الشاي الابيض بتاعك و ابهرى بيه ضيوفك .

طقم شاى تبهرى بيه ضيوفك
طقم شاى تبهرى بيه ضيوفك

16- شماعات من الطبيعة لهدومك :

ممكن تستخدمى اجزاء من فروع الاشجار المتكسرة فى انك تعملى منها شماعه من الطبيعه لهدومك، هيبقى شكلها مختلف جدا و كمان مريح لعينيكى.

شماعات من الطبيعة لهدومك
شماعات من الطبيعة لهدومك

17- ستاير بشكل جديد :

جه الوقت انك تغيرى من الشكل و الالوان التقليدية للستاير اللى احنا متعودين عليها، جربى تعملى ستاير بتصاميم بسيطة لكن كمان بشكل مختلف و جديد و الوان دافية، الستاير من الحاجات الاساسية فى اى ديكور و هتساعدك تخلى بيتك مريح اكتر .

ستاير بشكل جديد
ستاير بشكل جديد

18- اباجورة باضاءة دهبية :

سبراى دهبى هيساعدك تحولى اضاءة اى اباجورة عندك فى البيت تماما، استخدمى السبراى الدهبى فى انك تلونى بيه الاباجورة من جوه و تعملى اضاءة بلون دهبى مختلف .

اباجورة باضاءة دهبية
اباجورة باضاءة دهبية

19- background بفكرة جديدة :

ممكن تعلقى صور كتيرة جدا على الحيطة، لكن الفكرة كلها فى ترتيب الصور دى. اعملى background بفكرة جديدة بأنك ترتبى صور ذكرياتك و اللى بتحبيهم بشكل مختلف و جديد.

background بفكرة جديدة
background بفكرة جديدة

background بفكرة جديدة

مقالات متعلقه

تغيير وتطوير.. اعرفي إزاي تجددي بيتك من غير فلوس كتير

تغيير وتطوير.. اعرفي إزاي تجددي بيتك من غير فلوس كتير

55 نصيحة ديكور من الخبراء..اعرفيها معانا

55 نصيحة ديكور من الخبراء..اعرفيها معانا

نصايح وأفكار ازاي تختاري لون الحوائط المناسب لغرفة النوم.. لتأثير أفضل على مودك وصحتك النفسية

نصايح وأفكار ازاي تختاري لون الحوائط المناسب لغرفة النوم.. لتأثير أفضل على مودك وصحتك النفسية