7 طرق لعمل عصير لتفتيح البشرة والحفاظ على نضارتها

بقلمريهام محمود فيبشرة visibility7378

احنا قولنا قبل كده ان جمال البشرة مش بيكون بس بالماسكات لكن بيبدأ من جوه الجسم بالحاجات اللي احنا بناكلها او بنشربها بتأثر على بشرتنا بشكل سلبي او ايجابي على حسب احنا بناكل او بنشرب ايه, والنهاردة احنا هنقولكم طرق لعمل العصير شربها هيساعد على تفتيح البشرة والحفاظ على نضارتها وعلى رطوبة الجسم وصحة الجلد, لانها بتحتوي على كتير من انواع المغذيات النباتية اللي بتساعد على تنشيط الدم وانسجة الجسم واستعادة توازن الجسم, ومش بس كده لكن المفاجأة كمان ان الوان العصير ليها دور في الجسم, اللون الاحمر بيحمي من التهابات المسالك البولية وامراض السرطان, واللون البنفسجي مفيد جدا للبشرة والقلب والمخ والعظام والاوعية الدموية وبتحمي من الشيخوخة, الاخضر مفيد للعين والجلد والرئتين والكبد واللثة, الابيض مفيد للعظام والجهاز الدوري “وده اللي بيتكون من القلب والاوعية الدموية والدم ووظيفتة نقل الغذاء المهضوم والاكسجين والماء لجميع خلايا الجسم”, اللون الاصفر مفيد لتقوية المناعة وللنمو, وتقريبا اغلب الناس بنسبة 80% مش بيستهلكوا كل المغذيات النباتية اللي بيحتاجها الجسم بشكل يومي وبالتالي ده بيأثر على صحة الجلد, عشان كده العصاير دي هتعوض نقص المغذيات النباتية في الجسم.

ولازم نتأكد اننا دخلنا فيها معظم المغذيات النباتية زي الاخضر والبنفسجي والاحمر عشان نوصل للنتيجة اللي احنا عايزينها وتبقى بشرتنا صحية ومتوهجة, ولما نحضر عصير الخضروات نضيف له فاكهة بشكل كافي عشان نعمل توازن في الطعم ويبقى طعمها حلو ومقبول للشرب وممنساش نضيف لها المكسرات اللي لونها اصفر زي عين الجمل واللوز والكاجو لانها بتزود فايدة العصير وبتقوي تأثيرها الايجابي على البشرة.

7 طرق لعمل عصير لتفتيح البشرة والحفاظ على نضارتها:

طرق لعمل عصير لتفتيح البشرة والحفاظ على نضارتها
طرق لعمل عصير لتفتيح البشرة والحفاظ على نضارتها

1- عصير الخيار والتفاح:

قطعي خيارة وضيفي لها تفاحة متقطعة و ½ عصير ليمونة وبرتقانة و ½ رمانة حطي كل المكونات في الخلاط واضربيهم كويس مع بعض واشربيه.

المشروب ده بيحافظ على شباب البشرة وبيساعد على تفتيحها وبيخلي البشرة متوهجة ومنورة و الجلد شكله صحي جدا وبيرطب الجسم, بيساعد في عملية الهضم وبيطرد السموم من الجسم, وبيقي من امراض الروماتيزوم والترسبات الملحية في الجسم, وكمان يعتبر مشروب مهديء.

عصير الخيار والتفاح
عصير الخيار والتفاح

2- عصير الطماطم والجزر:

اخلطي 2 ثمرة طماطم مع 2 ثمرة جزر وضيفي لهم شوية مية واضربيهم في الخلاط وممكن تضيفي لهم اي نوع فاكهة مفضلة عندك ولو انتي حابه الطعم من غير فاكهة ممكن تستغني عنها.

 المشروب بيساعد على تنقية البشرة, بيمنع ظهور حب الشباب, بيجدد خلايا البشرة, ترطيب البشرة والجسم, وبيخلص الجسم من التعب والارهاق وبيديه طاقة وبالتالي ده بينعكس بشكل ايجابي على البشرة وبيخليها نضرة وصحية, وكمان مفيد للنظر لانه غني بفيتامين أ الموجود في الجزر, بيمنع ظهور التجاعيد المبكرة.

عصير الطماطم والجزر
عصير الطماطم والجزر

3- العصير الاخضر والاحمر “الفراولة – السبانخ – البنجر”:

اخلطي كميات بنسب حسب اختيارك من الفراولة والسبانخ والبنجر واضربيهم في الخلاط وممكن تشربيه قبل الغدا.

المشروب ده يعتبر طريقة سريعة جدا وفعالة للحصول على كل المواد المغذية للبشرة اللي بتساعد على توهجها ونضارتها, ده غير انه غني جدا بالمواد المضادة للاكسدة اللي بتساعد على مكافحة الشيخوخة, بينقي وبيطهر الجسم, يعتبر مقشر للبشرة بيساعد على تفتيحها, وكمان مفيد ومريح جدا للمعدة.

العصير الاخضر والاحمر
العصير الاخضر والاحمر

4- عصير مية جوز الهند والسبانخ والموز:

اخلطي مية جوز الهند “المية الموجودة جوه ثمرة جوز الهند” مع كرفس وسبانخ و ½ موزة وزنجبيل وريحان وتين, اضربيهم مع بعض في الخلاط واشربيه, وممكن تضيفي اضافات تانية من الخضار والفاكهة حسب اختيارك>

المشروب ده مش بس مفيد للبشرة وبيساعد على توهجها لكن كمان ليه فوايد صحية كتير جدا.

عصير مية جوز الهند والسبانخ والموز
عصير مية جوز الهند والسبانخ والموز

5- العصير الاخضر:

اخلطي الخيار مع سبانخ ولفت وبقدونس وعصير ليمون وكزبرة وزنجبيل وجل صبار الالوفيرا وطماطم وممكن تضيفي اي خضار تاني متوفر عندك في البيت واضربيهم مع بعض في الخلاط.

العصير ده بيدي بشرتك كل المغذيات النباتية اللي محتاجها وبالتالي ده بينعكس بشكل ايجابي جدا على البشرة وصحة الجلد.

العصير الاخضر
العصير الاخضر

6- عصير البنجر والجزر والبروكلي والثوم والكرفس:

هنخلط البنجر مع الجزر والبروكلي والثوم والكرفس ونضربهم مع بعض في الخلاط, وممكن لو مش متوفر عندك بروكلي ممكن تستبدله باي نوع خضار تاني لونه اخضر, وممكن تضيفي له عنب او موز او اي نوع فاكهة من اختيارك.

عصير البنجر والجزر والبروكلي والثوم والكرفس
عصير البنجر والجزر والبروكلي والثوم والكرفس

7- عصير الجزر والسبانخ:

اخلطي الجزر مع السبانخ واضربيهم مع بعض في الخلاط وممكن تضيفي اضافات تانية من المغذيات النباتية من الخضار والفاكهة حسب اختيارك.

العصير ده بيخلي البشرة منورة وبيحافظ جدا على صحة الجلد, وكمان مفيد جدا لصحة العين.

عصير الجزر والسبانخ
عصير الجزر والسبانخ

في كل العصاير اضافة المية بكمية بسيطة حسب نوع كل عصير في عصاير يمكن متحتاجش مية لان فيها انواع خضار وفاكهة هتنزل المية بتاعتها, لكن اللي هيحتاج مية نحط كمية بسيطة على حسب ما يحتاج والمفروض انه ميكونش خفيف يكون سميك شوية.

شوفي كمان 11 وصفة مختلفة من مشروب السموزي تساعدك على التخسيس

14 وصفة مختلفة من مشروب السموزى تساعدك على التخسيس
14 وصفة مختلفة من مشروب السموزى تساعدك على التخسيس