كل اللي محتاجة تعرفيه عن تقنية الميكرو بليدنج Microblading لتكثيف الحواجب بشكل طبيعي

ريهام محمود
ريهام محمود
في
مكياج
114399

تقنية الميكرو بليدنج Microblading هي احدث تريند لتصحيح شكل الحواجب وتكثيفها بشكل طبيعي, وهي بتكون بتعبئة الحاجب شعرة شعرة عن طريق اداة يدوية, وتعتبر الميكرو بليدنج  شكل من اشكال التاتو ولكن بيكون بطرييقة سطحية جدا تحت الجلد على طول مش بشكل عميق زي التاتو العادي وكمان بيكثف الحواجب بشكل طبيعي جدا مش رسمها بالكامل زي التاتو, والطريقة دي مش بتأذي البشرة لانها بتترسم على الحاجب بطريقة صحية, ومتوفر منها جميع الالوان عشان تناسب كل الوان البشرة والوان شعر الحاجب الطبيعي, تعالوا نعرف مع بعض تفاصيل اكتر عنها.

تقنية الميكرو بليدنج Microblading لتكثيف الحواجب:

– الاعداد قبل الرسم:

لو بتاخدي اي اسبرين او بتحطي اي علاجات للبشرة وخصوصا اللي داخل فيها الريتينول وقفيها قبل الرسم باسبوع عشان متبقاش بشرتك رقيقة اوي وحساسة وتتأذي.

– هل بتسبب الم ؟

هي مش بتسبب الم غير بسيط جدا لا يذكر وبردو الالم نسبي بيختلف على حسب البشرة ممكن حد يحس بألم اكتر من حد تاني بس في االنهاية هو بيكون بسيط جدا, وممكن يتحط قبلها كريم موضعي عشان متحسيش بألم خالص.

– بتاخد وقت قد ايه ؟

لو اول مرة بتعمليها ومش تجديد الجلسة هتاخد تقريبا ساعتين.

– العناية بالحواجب بعد الرسم:

اكيد بعد عملية الرسم الحواجب بتحتاج عناية, المفروض بعد الرسم على طول متجبيش عليهم مية او كريم مرطب, احيانا في بعض الحالات ممكن يحصل احمرار وحكه وتورم  بسيط جدا في الاسبوع الاول وده طبيعي مش حاجة مقلقة يعني ممكن تدهنيهم فازلين عشان تخففي من الاعراض دي وممكن المتخصصة تكتب مراهم او كريمات لتفادي اي اعراض ممكن تحصل, بالنسبة للون في البداية هتحسي انه تقيل اوي وغامق لكن هيبدأ يخف بنسبة من 30 – 40% وياخد شكل طبيعي اكتر خلال كام يوم.

– بيستمر مدة قد ايه ؟

استمراره بيعتمد على طبيعة الجلد واسلوب الحياة عموما يعني بيختلف من حد للتاني, بس هو ممكن يدوم من 1 – 3  سنين, وممكن تجددي كل 6 شهور.

– تكلفته:

ده فيديو بيوضح طريقة الرسم والنتيجة النهائية ليه:

شوفي كمان رسمة الحواجب المناسبة لشكل كل وش

رسمة الحواجب المناسبة لشكل كل الوش
رسمة الحواجب المناسبة لشكل كل الوش

مقالات متعلقه

سيروم البصل لتكثيف الحواجب في اسبوع واحد بس

سيروم البصل لتكثيف الحواجب في اسبوع واحد بس

افضل 8 علاجات للحواجب: اي واحد منهم مناسب ليكي؟

افضل 8 علاجات للحواجب: اي واحد منهم مناسب ليكي؟

4 طرق لعمل تينت الحواجب في البيت بمكونات طبيعية..وازاي ترسميه زي المحترفين

4 طرق لعمل تينت الحواجب في البيت بمكونات طبيعية..وازاي ترسميه زي المحترفين