ستايل سويتر الكتف الساقط لخريف 2016

بقلمريهام محمود فيموضة وأزياء visibility1126

سويتر الكتف الساقط “Off-the-shoulder sweater” من الستايلات اللي نازلة موضة لموسم الخريف ومناسب اوي للفترة دي اللي بيكون فيها الجو لسه مش برد اوي ولا حر.

ممكن تختاري موديل الرقبة الBoat neckline بيبقى حلو وشيك اوي في اللبس, ولازم نخلي بالنا لما نيجي ننسق اللي هنلبسه معاه عشان نكمل اللوك بتاعنا ويطلع حلو نختار البنطلون الجينز او الجيبة اللي هنلبسها عليه تكون مش واسعة لان ستايل الكتف الساقط بيكون واسع فلازم ننسق معاه حاجة تكون على قد الجسم يعني نلبس بنطلون جينز سكيني او ليجينج ولو جيبة ممكن تلبسي عليه موديل الجيبات A-line جينز او جلد او Pencil skirt.

 لما نيجي نختار الالوان نعمل تناسق ما بينهم يعني لو هتلبسي جينز بلون غامق البسي معاه سويتر بلون فاتح والعكس لو هتلبسي جينز بلون فاتح البسي سويتر بلون غامق.

وعشان نكمل اللوك بتاعنا منسساش الاكسسوارت العقد, والحلق, ممكن نختار عقد طويل مع حلق كبير, وممكن تعملي لوك مميز وتلبسي عليها الاكسسوار اللي على قد الرقبة او تربطي باندانا حوالين الرقبة هيطلع شكلها كول اوي مع الكتف الساقط.

والمحجبات اكيد هيفكروا انهم مش ممكن يلبسوا الستايل ده لكن احنا بنقولكم اكيد ممكن تلبسوه على الجيبة او البنطلون وتنسقوا تحته قميص او بدي يمشي معاه.

تعالوا نشوف مع بعض مجموعة من ستايلات سويتر الكتف الساقط Off-the-shoulder sweater:

شوفي كمان ازاي تلبسي السويتر دريس بطرق شيك ومختلفة

إزاي تلبسي السويتر دريس بطرق شيك ومختلفة
إزاي تلبسي السويتر دريس بطرق شيك ومختلفة