17 طريقة مبتكرة تغيري بيهم شكل الشوز بتاعك

بقلمريهام محمود فيموضة وأزياء visibility10961

البنات كلهم تقريبا مهما كان عندهم لبس او شوزات كتير دايما الكلمة المشتركة بينا “مش لاقية حاجة البسها” لكن الحقيقة ان احنا بيبقى عندنا حاجات كتير بس ملينا من لبسها وبنبقى عايزين حاجات جديدة بس اكيد مش كل يوم هنشتري جديد احنا ممكن نجدد القديم اللي عندنا ونغير في شكله خالص ويبقى كانه جديد, واحنا النهاردة هنساعد كل بنات حوا في المهمة دي وجايبنلكم افكار لتجديد الشوز القديم بحاجات بسيطة ومش مكلفة.

افكار لتجديد الشوز القديم:

1- تصميم فيونكة:

لو عندك مناسبة ومعندكيش شوز مناسب ليها ممكن بدل ما تشتري شوز جديد تعملي الفكرة دي سهلة وبسيطة جدا.

  • – الادوات : اي شوز بكعب عالي عندك, 2 ½  متر شريط ساتان حسب لون الشوز بتاعك, وشريط لاصق الخاص بالكوتشيهات.

– الطريقة : هنقص الشريط الساتان قطعتين, قطعة تكون على قد ما تلف حوالين الرجل من تحت والتانية هنعملها فيونكة بالطريقة العادية جدا بعد كده هنجيب اللاصق الخاص بالكوتشيهات نخيطه على حرف الشريط اللي هنلفه حوالين الرجل عشان نقفله بيه ونخيط واحد على الشريط  من بره وواحد تاني على الفيونكة من ورا عشان نلزقهم في بعض, وكده يبقى الاكسسوار بتاعنا جاهز هتلبسي الشوز بتاعك عادي وتلبسي عليه الفيونكة.

تصميم فيونكة
تصميم فيونكة
تصميم فيونكة
تصميم فيونكة

2- تلوين جزء من الشوز:

لو عندك شوز فلات زهقتي من شكلها ممكن تغيريها وتديها لوك جديد, هنجيب شريط لاصق نلفه حوالين الشوز من قدام ونسيب الجزء اللي من قدام اللي عند الصوابع ونرش الجزء ده باسبراي ملون اي لون يمشي مع الشوز بتاعك.

تلوين جزء من الشوز
تلوين جزء من الشوز

3- تزيين الشوز بالقماش:

لو عندك شوز سادة وزهقتي منه وعايزة تجدديه ممكن تجربي الفكرة دي.

  • – الادوات: اي قطعة قماش عندك, غرا ابيض, اي اكسسوار متوفر عندك, فرشة او سفنجة.

– الطريقة: هنجيب القماش نقص منه قطعة للكعب هندهنه غرا بالفرشة ونلزق عليه حتة القماش ونقص الزيادة ونخليه على قد شكل الكعب, وبعدين ندهن الشوز كلها بالغرا ونجيب باقي القماش اللي عندنا نحطه على الشوز كله من فوق ونبدأ نقصه على شكل الشوز ونضغط عليه عشان يلزق كويس ونخلي عند حروف الشوز حتة قماش صغيرة زيادة عشان ندخلها على الحرف من جوه ونلزقه بالغرا, بعد كده من بواقي القماش اللي فاضلة عندنا هنعمل شريطين رفيعين نلزقهم على الشوز من ورا على الكعب من فوق عكس بعض نعمل بيهم حرف اكس, وممكن تكتفي بالتصميم كده او ممكن تضيفي عليه اي اكسسوار من متوفر عندك تلزقيه على بوز الشوز من قدام.

تزيين الشوز بالقماش
تزيين الشوز بالقماش
تزيين الشوز بالقماش
تزيين الشوز بالقماش
تزيين الشوز بالقماش
تزيين الشوز بالقماش

4- تزيين السنيكرز بالاكسسوارات:

هنستخدم اكسسوار نحاس لو عندك حاجة فيها الاكسسوار ده وبطلتي تستخدميها ممكن تاخديه منها او هتلاقيها موجودة في محلات الاكسسوارت.

  • – الادوات: اكسسوارت نحاس, انبوبة امير, خلة سنان, ستيك خشب.

– الطريقة: هنجيب الستيك الخشب ممكن نستخدم الستيك بتاع الايس كريم نحط عليه حتة من الامير عشان نسهل على نفسنا وبخلة السنان ناخد من الامير ونحط على الاكسسوار ونلزقها على السنيكرز صفوف فوق بعض ممكن تلزقي من قدام بس وممكن تضيفي اكسسوارات في الجزء اللي ورا حسب اللي تفضليه.

تزيين السنيكرز بالاكسسوارات
تزيين السنيكرز بالاكسسوارات
تزيين السنيكرز بالاكسسوارات
تزيين السنيكرز بالاكسسوارات

5- تزيين البوت بالاكسسوارات:

لو عندك حلقان بطلتي تلبسيها ممكن تستغليها بطريقة سهلة جدا انك تلزقيها على البوت بتاعك من قدام عشان تغيري شكله وتجدديه, وممكن كمان تستخدمي زراير القمصان او البلوزات, يعني اي اكسسوارات صغيرة عندك مبقتيش تستخدميها ممكن تستغليها بالطريقة دي.

تزيين البوت بالاكسسوارات
تزيين البوت بالاكسسوارات
تزيين البوت بالاكسسوارات
تزيين البوت بالاكسسوارات

6- تزيين الشوز بالدانتيل والترتر:

ممكن تحولي اي شوز عادي عندك لشوز سوارية بطريقة سهلة جدا.

  • – الادوات: قطعة دانتيل, ترتر واحجار باشكال مختلفة حسب ما تفضلي, غرا ابيض.

– الطريقة: هنجيب قطعة دانتيل نقصها على قد الشوز بتاعنا وبعدين نجيب الترتر نخيطه على الدانتيل بشكل عشوائي مش شرط بشكل معين وبعد ما نحط الترتر على قطعة الدانتيل كلها لو عندك احجار عايزة تضيفيها ممكن تلزقيها بالامير بين الترتر وجنبه في الاماكن الفاضية وبعد كده هنلزق قطعة الداتيل بعد ما نخلصها خالص على الشوز بالغرا ولو في اي زيادات نقصها ونخليه على قد الشوز بالظبط, وفي الاخر ندهن الكعب بالغرا ونلزق عليه ترتر.

تزيين الشوز بالدانتيل والترتر
تزيين الشوز بالدانتيل والترتر
تزيين الشوز بالدانتيل والترتر
تزيين الشوز بالدانتيل والترتر
تزيين الشوز بالدانتيل والترتر
تزيين الشوز بالدانتيل والترتر

7- تلوين السنيكرز اومبري:

لو عندك سنيكرز ابيض وعايزة تغيري لونه او لونه اصفر وشكله مبقاش حلو بدل ما ترميه او تجيبي واحد غيره ممكن تجدديه بالطريقة دي.

  • – الادوات: سنيكرز ابيض, شريط لاصق,  لون للصبغ سايل, ازازة ببخاخ, ورق جرايد.

– الطريقة: هنجيب ورق الجرايد نحطه جوه السنيكرز ونلزق جناب السنيكرز بالشريط اللاصق عشان لما نيجي نرش اللون ميبوظش السنيكرز من جوه ومن الجناب, نحط اللون في ازازة ببخاخ ونرش الجزء اللي قدام باللون ونخليه تقيل وواضح, وبعدين نبدأ نخفف اللون في الجزء اللي ورا يعني نعمله درجات غامق في فاتح.

تلوين السنيكرز اومبري
تلوين السنيكرز اومبري
تلوين السنيكرز اومبري
تلوين السنيكرز اومبري

8- تزيين الانكل بوت بالسلاسل:

الطريقة دي سهلة جدا, جيبي اي سلسلة نحاس قديمة عندك او هاتيها من محلات الاكسسوارات وخيطيها على البوت من قدام ممكن تحطي اتنين فوق بعض.

 تزيين الانكل بوت بالسلاسل
تزيين الانكل بوت بالسلاسل

9- تزيين الشوز بالسلسلة:

الطريقة دي هنستخدم فيها سلسلة زي الطريقة اللي فاتت بس على الشوز مش هنعمل حاجة غير اننا هنلبس الشوز ونجيب السلسلة نحط لها قفل من اللي بنستخدمه في السلاسل ونلفها حوال الرجل على شكل حرف اكس من قدام ونلفها على الشوز ونقفلها بالقفل.

تزيين الشوز بالسلسلة
تزيين الشوز بالسلسلة

10- تزيين السنيكرز بالجليتر:

الطريقة سهلة جدا والستايل ده كمان طالع موضة اوي الفترة دي, هنجيب السنيكرز نشيل منه الرباط وندهنيه بالغرا ونرش عليه كله جيلتر فضي هيلزق فيه على طول, وممكن نخلي الجزء اللي من قدام عند الصوابع من غير جيلتر ونحط عليها اكسسوار نحاس زي ما عملنا في الطريقة اللي قبل كده, والرباط ممكن نصبغه برصاصي غامق عشان يمشي مع الفضي.

 تزيين السنيكرز بالجليتر
تزيين السنيكرز بالجليتر

11- تزيين الشوز بفيونكة تُل:

ممكن تغيري شكل الشوز بطريقة سهلة لخروج بالليل او مناسبة, هاتي قطعة تل واعمليها على شكل فيونكة والزقيها على الشوز من ورا.

تزيين الشوز بفيونكة تُل
تزيين الشوز بفيونكة تُل

12- تزيين الشوز بفيونكات ساتان:

جيبي شرايط  ساتان باحجام والوان مختلف حطيهم فوق بعض, وبعدين هاتي ابزيم حزام صغير او اي اكسسوار عندك والزقيه عليهم, وبعدين الزقيه على الشوز من قدام.

تزيين الشوز بفيونكات ساتان
تزيين الشوز بفيونكات ساتان

13- تزيين الشوز من تحت بالاكسسوار:

طبعا الطريقة دي متنفعش غير في الشوز اللي بكعب بس, هنجيب اكسسوار نحاس ونلزقه على الشوز من تحت بالغرا او بالامير.

تزيين الشوز من تحت بالاكسسوار
تزيين الشوز من تحت بالاكسسوار

14- تزيين الشوز بشرابات صغيرة:

الشرابات الصغيرة اللي بتبقى في الستاير والمفارش ممكن تستغليها في تزيين الشوز لو عندك  شوز بحزام حوالين الرجل ممكن تستخدمي الشرابات دي وتربطيها في الحزام.

تزيين الشوز بشرابات صغيرة
تزيين الشوز بشرابات صغيرة

15- تزيين الانكل شوز بالشراشيب:

لو عندك انكل شوز ممكن تزينيه بشراشيب نقص منها على قد الرجل ونخيط فيها كبسونة عشان نقفلها بيها حوالين الرجل, البسي الشوز والبسيها فوقيه.

تزيين الانكل شوز بالشراشيب
تزيين الانكل شوز بالشراشيب

16- تزيين السنيكرز بالجلد:

لو عندك سنيكرز او شوز قماش سادة حابة تغيري شكله بطريقة سهلة هنجيب قطعة جلد ونقصها شرايط جنب بعض لحد النص او ¾ قطعة الجلد وبالخرامة نعمل خرمين في الجزء اللي فوق عشان ندخل فيهم رباط السنيكرز ونثبتها عليه ولو الشوز من غير رباط نلزقها عليه بالغرا.

تزيين السنيكرز بالجلد
تزيين السنيكرز بالجلد

17- استايل الكشكشة “برادشو ستايل”:

موديل البرادشو ده موضة اوي ومش بيبطل ممكن انتي تعمليه بنفسك بطريقة سهلة على الانكل شوز او الصندل او الشوز والصنادل الفلات او اللي بكعب, هاتي قطعة قماش ستان بلون الشوز بتاعك او بلون يمشي معاه وابدأي كشكشيها في بعضها وخيطي الكشكشة وبعدين هاتي قطعة ساتان رفيعة خيطيها عليها من ورا, وثبتيها على الشوز من قدام عن جزء الصوابع والجزء بتاع الحزام اللي حوالين الرجل.

استايل الكشكشة "برادشو ستايل"
استايل الكشكشة “برادشو ستايل”
استايل الكشكشة "برادشو ستايل"
استايل الكشكشة “برادشو ستايل”

شوفي 14 طريقة مبتكرة عشان تجددي بنطلونك الجينز

14 طريقة مبتكرة عشان تجددي بنطلونك الجينز
14 طريقة مبتكرة عشان تجددي بنطلونك الجينز