15 لوك للبس الشراب الاسود الطويل مع الفستان أو السكرت

بقلمآية حسان فيموضة وأزياء visibility12639

الجو البارد فى الشتاء مش معناه انك تبطلى تلبسي جيب او فستان ، الستايلات دى من اللبس تقدرى تخليها جزء من ستايلك فى الخريف و الشتاء بس كل اللى هتحتاجيه انك تلبسي تحتهم شراب اسود طويل و ده بتقدرى تلاقيه فى نقشات و الوان مختلفة غير الاسود، لكن بيفضل اللون الاسود هو اللون اللى مش هتقدرى تستغنى عنه فى ستايلك لموضة شتاء و خريف 2017 ! 

خبراء الموضة و الازياء بيعتبروا وجود شراب اسود طويل فى دولابك حاجه مهمة جدا لستايلك فى خريف و شتاء 2017 ، وبيعتبروه قطعة اكسسوار اساسية لستايلات كتيرة موجودة فى موضة السنة دى، و كمان الشراب الاسود الطويل هيخليكى تبانى اطول لو لبستيه مع بوت اسود سواء كان ankle boot او بوت بطول الرجل لحد الركبة  و فى قاعدة اساسية للبس الشراب الطويل ، كل ما كان لون الفستان او الجيب فاتح كل ما كان افضل انه يكون الشراب رقيق و مش معمول من قماش سميك ، فى المقال ده بنات حوا هتعرفك على 15 فكرة لستايلات مختلفة تلبسي فيها الشراب الاسود الطويل سواء مع جيب قصيرة او طويلة ، او مع فستان علشان تختارى منهم الستايل اللى يناسبك ….