7 طرق تلبسي بيهم الجاكيت الجينز لخريف وشتاء 2017

بقلمريهام محمود فيموضة وأزياء visibility18470

مع دخول الخريف والشتا بنبدأ ندور على الحاجات المناسبة للوقت ده ومن القطع المناسبة والمميزة اوي اللي ممكن نلبسها في الخريف وكمان للشتا وفي الايام البرد هو الجاكيت الجينز نقدر ننوع في لبسه باكتر من استايل عشان منملش منه وكل مره نلبسه نطلع بلوك مختلف وشيك في نفس الوقت, واحنا النهاردة جايبين لكل بنات حوا 7 طرق مختلفين تقدري تلبسي بيهم الجاكيت الجينز خلال فترة الخريف والشتا.

7 طرق تلبسي بيهم الجاكيت الجينز:

1- جاكيت جينز بزراير وحزام:

من اللوك الشيك اوي للجاكيت الجينز هو استايل الجاكيت اللي بيكون بزراير وحزام, ونازل منه الموديل القصير والطويل ودرجات الفاتح والغامق وتقدري الستايل القصير منه على البنطلون الجينز او على فستان, وممكن لو خارجة بيه الصبح تلبسيه مع الحزام بتاعه اللي بيكون نفس لون الجاكيت, ولو خارجة بيه بالليل ممكن تغيري في اللوك بتاعه شوية وتلبسي عليه حزام عريض بلون مختلف غامق.

جاكيت جينز بزراير وحزام
جاكيت جينز بزراير وحزام

جاكيت جينز بزراير وحزام

جاكيت جينز بزراير وحزام

2- جاكيت جينز بلياقة واكمام مختلفة:

من الموديلات المختلفة كمان للجاكيت الجينز اللي بتكون اللياقة والاكمام بتاعته من خامة مختلفة غير الجينز, نازل منه اللياقة والاكمام الجلد والفرو والتريكو, ممكن تلبسيه على بنطلون جينز وتحتيه توب مقلم او بلون زاهي عشان تظهري اللوك اكتر.

جاكيت جينز بلياقة واكمام مختلفة
جاكيت جينز بلياقة واكمام مختلفة

جاكيت جينز بلياقة واكمام مختلفة

3- الجاكيت الجينز مع الفستان:

للبنات اللي بيحبوا لبس الفساتين كمان تقدري تنسقي الجاكيت الجينز مع الفستان القصير او الميدي او الطويل الماكسي يعني تقدري تلبسيه على اي استايل فستان انتي بتحبيه.

الجاكيت الجينز مع الفستان
الجاكيت الجينز مع الفستان

الجاكيت الجينز مع الفستان

الجاكيت الجينز مع الفستان

الجاكيت الجينز مع الفستان

الجاكيت الجينز مع الفستان

4- جاكيت جينز مع القميص الجينز:

لو انتي لابسه قميص جينز هل ينفع تلبسي عليه جاكيت جينز ؟ اكيد ينفع يتلبس عليه جاكيت جينز, ممكن تلبسي الجاكيت لون القميص واللوك هيبقى احلى واحلى لو لبستي لون الجاكيت اغمق من لون القميص بدرجتين هيظهر اللوك بتاعك اكتر, وممكن تلبسي القميص الجينز تحت السالوبيت الجينز Overall وفوقيهم الجاكيت الجينز.

الجاكيت الجينز مع القميص الجينز
الجاكيت الجينز مع القميص الجينز

الجاكيت الجينز مع القميص الجينز

الجاكيت الجينز مع القميص الجينز

5- جاكيت جينز تحت جاكيت تاني:

اللوك ده مناسب اوي للايام الشتا والبرد اوي, البسي الجاكيت الجينز تحت جاكيت تاني, ممكن تنسقيه تحت جاكيت قصير او بالطو او حتى تحت الجاكيت الجلد, ممكن تسحبي كم الجاكيت الجينز وتتنيه فوق الجاكيت اللي فوق بحيث تبقى اسورة الجاكيت الجينز باينة فوق الجاكيت التاني بيطلع اللوك حلو اوي.

الجاكيت الجينز تحت جاكت تاني
الجاكيت الجينز تحت جاكت تاني

الجاكيت الجينز تحت جاكت تاني

6- الجاكيت الجينز مع الجيبة:

كمان للي بيفضلوا لبس الجيبات اكتر تقدري تلبسي الجاكيت الجينز مع الجيبة القصيرة او الميدي او الطويلة وتنسقي تحتيه توب مناسب, ممكن تلبسي توب ابيض او مقلم او توب بلون زاهي وتدي حياة للوك بتاعك, ولو انتي مليانة من تحت وحابة تداري الجزء ده ممكن تلبسي بلوزة وخليها بره الجيبة وعليها الجاكيت, وممكن تلبسيه مفتوح او تقفليه تقدري تنوعي حسب الستايل اللي تحبيه اكتر.

الجاكيت الجينز مع الجيبة
الجاكيت الجينز مع الجيبة

الجاكيت الجينز مع الجيبة

الجاكيت الجينز مع الجيبة
الجاكيت الجينز مع الجيبة
الجاكيت الجينز مع الجيبة
الجاكيت الجينز مع الجيبة

7- جاكيت جينز مع بنطلون نيون:

البنات اللي بيحبوا الاختلاف والستايلات المميزة اللوك ده هيبقى مناسب اوي ليهم, البسي جاكيت جينز مع بنطلون باللون النيون بيطلع اللوك حلو جدا وكله حياة, ممكن تنسقي تحتيه توب ابيض او بلون زاهي بردو هيطلع حلو اوي.

الجاكيت الجينز مع البنطلون النيون
الجاكيت الجينز مع البنطلون النيون

شوفي كمان القميص الكاروه من القطع المميزة لدولابك في خريف وشتاء 2017

القميص الكاروه
القميص الكاروه