ازاى تخلى يومك حلو و تقللى من التوتر و الضغط بخطوات بسيطة ؟!

بقلمآية حسان فيمنوعات visibility3512

مفيش واحدة من بنات حوا يومها مش مشغول ومضغوط بحاجات كتيرة سواء كانت الشغل و الاولاد والبيت او الجامعه والمذاكرة والتزاماتك ناحية اصحابك و قرايبك . انك تكونى مشغولة و يومك مليان نشاطات بتعتبر حاجه حلوة لكن لحد معين ، لان كل حاجه لو زادت عن حدها بتبقى مضرة ، علشان كده هنعرف مع بعض ازاى تخلى يومك حلو وتقللى من التوتر والضغط بخطوات بسيطة ؟!

ازاى تخلى يومك حلو و تقللى من التوتر و الضغط بخطوات بسيطة ؟!

اول نصيحة : نظمى يومك حسب قايمة مهام او TO-DO List  :

نصيحة فعالة و هتساعدك جدا تقللى من التوتر تحت ضغوطات كل يوم و تحافظى على يومك من غير اى وقت ضايع هى انك كل يوم بالليل قبل ما تنامى تمسكى ورقة و قلم و تعملى قايمة بالمهام و كل الحاجات اللى المفروض تعمليها بكرة او TO-DO List ، القايمة دى هتساعك تعملى كل المطلوب منك فى وقته و هتخليكى متنسيش تعملى حاجه و بالتالى هتوفرلك وقت لبكرة تعملى فيه مهام جديدة او تقضى شوية وقت لنفسك و بكده هيبقى ليها تأثير ايجابى كبير على يومك .

ازاى تعملى قايمة مهام ؟

1- فضى دماغك على الورق ، اى حاجه و كل حاجه مطلوب منك تعمليها اقعدى و اكتبيها على الورق .

2-  شوفى الحاجات اللى مهم تتعمل بكرة و رتبيهم على الورقة .

3-لو حسيتى انه المهام كتير او متعبة و اليوم هيبقى تقيل، قسمي المهام الكبيرة لمهام اصغر ، يعنى لو مثلا فى ملف مهم فى الشغل عايز يخلص و هيحتاج 4 ساعات شغل ، قسميه بحيث تشتغلى ساعه و تاخدى بعدها 15 دقية راحة .

4- افضل طريقة هى انك تعمل اكتر من TO-DO List حسب نوع المهام ، يعنى تعملى قايمة لشغل البيت ، وقامية للشغل و قايمه للاهتمام بنفسك و هكذا .

5- ابداى رتبى المهام و نفذيها حسب اهميتها ، يعنى المهمة جدا الاول و بعدين المهمة و بعدين متوسطة الاهمية و هكذا.

ازاى تعملى قايمة مهام
ازاى تعملى قايمة مهام

تعملى ايه لو كل حاجه على القايمة مهمة ؟

غالبا المهام المستعجلة او المهمة اوى بتبقى تخص حد تانى غيرك و دى هى المهام اللى بنميل لتنفيذها الاول علشان نسعد الناس من حوالينا، خصوصا لو كانت تخص حد بنحبه او قريب منك مثلا ، علشان كده لازم تعرفى الفرق بين المهم و المستعجل و الفرق ده هو اللى هيساعدك تتغلبى على رغبتك فى انك تسعدى غيرك على حساب راحتك ، لانه لما تركزى على النشاطات اللى تهمك او تسعدك ده هيخليكى مرتاحة اكتر و بالتالى هيزود من قدرتك على مساعدة اللى بيتحبيهم .

ساعدى نفسك الاول !

مهم انك تساعدى نفس الاول قبل ما تساعدى اى حد تانى ، لانه لما تبقى  مرتاحة و مبسوطة بنفسك ده هيزود من طاقتك ورغبتك فى انك تساعدى غيرك ، لكن لما تبقى مضغوطة و متوترة ده هيخلىكى زهقانة و اعصابك مشدودة و بالتالى هيخلى ليكى تأثير سئ و مش هتقدرى تساعدى اللى محتاجينك .

ازاى تستخدمى الـ TO-DO List بالطريقة الافضل ؟

استخدام القايمة دى سهل ، نفذى المهام اللى كتبتيها بالترتيب و متنسيش ترتبيها حسب اهميتها ، وكل مهمة تكمليها اشطبى عليها فى القايمة ، الحركة دى هتحسسك انك بتنجزى و بتتقدمى فى يومك. مهم كمان فى اخر كل يوم تاخدى شوية وقت لنفسك تسترخى فيهم و تبدأى ترتبى مهام اليوم التانى علشان تريحى عقلك ويبقى يومك الجديد مترتب ، ده هيساعدك كمان تنامى بشكل افضل لانك already عارفه انتى محتاجة تعملى ايه بكرة و هتعمليه ازاى .

 النصيحة الثانية : اتعلمى تقولى لا !

اتعلمى تقولى لا
اتعلمى تقولى لا

تانى حاجه مهمة علشان تعرفى ازاى تخلى يومك حلو و تقللى  من التوتر و الضغوطات هى انك تتعلمى تقولى لا ! ، كلة ” لا” قوية جدا و ممكن تبقى كلمة ايجابية . خصوصا لو انتى بتهتمى بمشاعر الناس و بتتحرجى تقوليلهم لا يبقى لازم تعرفى ازاى وامتى تقوليها . كلمة ” لا “اوقات كتير بتبين انك عندك رؤية و رأى و خطة معينة ملتزمة بيها علشان كده ممكن تقولى لا لاى خدمة او حاجه بتتطلب منك و ممكن تبوظ الخطة دى، لما ترفضى الحاجات اللى ممكن تشكل ضغط عليكى هتوفرلك وقت اكتر وهتحسي انك بتنجز اكتر لانك اتخلصتى من المهمات الزيادة عن يومك .

تانى حاجه مهمة علشان تعرفى ازاى تخلى يومك حلو و تقللى  من التوتر و الضغوطات هى انك تتعلمى تقولى لا ! ، كلة ” لا” قوية جدا و ممكن تبقى كلمة ايجابية . خصوصا لو انتى بتهتمى بمشاعر الناس و بتتحرجى تقوليلهم لا يبقى لازم تعرفى ازاى وامتى تقوليها . كلمة ” لا “اوقات كتير بتبين انك عندك رؤية و رأى و خطة معينة ملتزمة بيها علشان كده ممكن تقولى لا لاى خدمة او حاجه بتتطلب منك و ممكن تبوظ الخطة دى، لما ترفضى الحاجات اللى ممكن تشكل ضغط عليكى هتوفرلك وقت اكتر وهتحسي انك بتنجز اكتر لانك اتخلصتى من المهمات الزيادة عن يومك .

ازاى تقولى ” لا” بطريقة لطيفة ؟

قبل ما تقولى ” لا” اعرفى فعلا ان كانت الخدمة او الطلب ده هيشكل ضغط عليكى ، لو اه يبقى اشرحى للشخص ليه بترفضى طلبه وخليكى لطيفة ومش حادة فى ردك عليه ، وبينيله انك مقدره طلبه وثقته فيكى بأنه طلب منك الخدمة دى لكن للاسف وقتك ميسمحش او الطلب ده فوق قدرتك ومش هتقدرى تنفذيه ، وافتكرى دايما انه الناس بتطلب منك الحاجات دى لانهم واثقين فيكى علشان كده بيطلبوا مساعدتك و بيثقوا فى قدراتك ، علشان كده بصى لطلبهم بطريقة ايجابية

و خدى بالك دايما انك بترفضى الطلب مش الشخص اللى بيطلب ، و وضحى ده لما تيجى ترفضى و عرفى الشخص انك بتحترميه وتقدريه لطلبه مساعدتك و خليكى دايما صادقة فى سبب رفضك للطلب .

بكده تكونى عرفتى معانا ازاى تخلى يومك حلو و تقللى من التوتر والضغط ، جربى النصايح دى وقوليلنا ازاى فرقت فى يومك .