افكار ازاى تلبسي هدوم بألوان الباستيل فى شتاء 2017
انك تجربى تلبسي هدوم بألوان الباستيل خصوصا فى الشتاء بيعتبر اختيار ممتاز جدا للالوان وتغيير مبهج لجو الشتاء وستايل الهدوم فيه ، خصوصا انه الوان الباستيل منتشرة جدا فى الموضة خصوصا فى ملابس الصيف اللى فات ، علشان كده فى المقال ده افكار ازاى تلبسي هدوم بألوان الباستيل فى شتاء 2017 ..
بدل ما احنا متعودين نلبس دايما البالطو بلون غامق زى البني, الاسود او الكحلى ، فى الشتاء ده لازم يبقى فى دولابك بالطو بلون مشرق من الوان الباستيل ، ممكن تلبسى مثلا بالطو بلون البينك الكريمى او الـ powdery pink او اللبنى الفاتح baby blue اللى اتعودنا نشوفه بس فى التوب أوالبنطلون ! شوفى معانا صور لافكار بألوان و ستايلات مختلفة و اختارى منها اللى يناسبك ..
افكار ازاى تلبسي هدوم بألوان الباستيل فى شتاء 2017
ممكن كمان تلبسي اكتر من طبقة بأكتر من لون من الوان الباستيل ، او درجات مختلفة من اللون الواحد مع و تنسقيهم مع بالطو بالون الابيض او بلايزر بلون فاتح يكمل اللوك بتاعك . و ممكن كمن تختارى البلايز او البالطو بلون اللافندر . او كاب باللون المشمشى الفاتح مع بنطلون بيج و بلوزة بلون العاج او البينك .. الافكار و تنسيق هدوم بألوان الباستيل مع بعضها مبينتهيش !
شوفى كمان إزاي تلبسي السويتر دريس بطرق شيك ومختلفة !