القميص الكاروه من القطع المميزة لدولابك في خريف وشتاء 2017

بقلمريهام محمود فيموضة وأزياء visibility7552

 القميص الكاروه “Plaid Shirt” من القطع اللي منتشرة في موضة شتا وخريف 2017 وهو يعتبر من الاستايلات المناسبة اوي لفصل الخريف بشكل خاص لو لبستيه لوحده او لبستيه مع قطع تانية زي الكارديجان أو الفيست وممكن تكملي بيه لفصل الشتا وفي الايام البرد تلبسي عليه بلوفر, او بالطو.

ومتوفر منه الوان كتير اوي بداية من الالوان الحيوية والزاهية زي الاحمر, والاخضر, والازرق لحد الالوان المحايدة والهادية, والميزة في القميص انه ممكن يتلبس كاجوال او يتلبس Semi-formal.

ممكن تلبسيه باكتر من طريقة على الجينز, او على الجيبة, او على فستان, ونازل منه موديلات مختلفة ما بين الموديل الضيق والواسع عشان كده هيبقى قدامك اختيار وتنويع في طريقة لبسه يعني ممكن تدخليه جوه البنطلون الجينز او الجيبة او ممكن تلبسيه الستايل الواسع الفضفاض من بره, ممكن تلبسيه على الجينز السكيني او البنطلونات الكلاسيك الواسعة شوية.

وفي وقت الخريف اللي بنكون دايما محتارين فيه نلبس ايه القميص الكاروه هيبقى مناسب جدا للوقت ده ممكن تلبسيه لوحده او عليه كارديجان, او تلبسي عليه فيست, وممكن تلبسي عليه بليزر, او ممكن تلبسيه بطريقة تانية تسيبيه مفتوح وتنسقي تحته اندر شيرت يمشي معاه يعني لو مثلا لابسة كارو احمر في اسود ممكن تلبسي تحته اندر شيرت اسود.

يلا نشوف سوا ستايلات مختلفة إزاي تلبسي القميص الكاروه: