طرق رائعة عشان تطلعي بلوك احلى باستخدام السكارف

ريهام محمود
ريهام محمود
9232

السكارف يعتبر قطعة مهمة جدا في فصل الخريف والشتا بتكمل اللوك بتاعنا وبتدي شكل شيك جدا, واحنا ممكن ننوع في لبسها باكتر من شكل عشان نخلي اللوك بتاعنا شكله احلى, وده اللي هنشوفه في الموضوع بتاعنا النهاردة هنشوف مع بعض طرق مختلفة للبس السكارف.

طرق للبس السكارف عشان تطلعي بلوك احلى:

الطرق كلها بسكارف من الطويل الكبير عشان نقدر نشكله زي ما احنا عايزين.

1- الستايل الاوروبي:

الطريقة دي سهلة جدا, هتجيبي السكارف تحطيه على الرقبة وتلفيه على بعضه لفتين من قدام وبعدين ترجعي بقيته ورا وتفرديه على الكتف.

الستايل الاوروبي
الستايل الاوروبي

2- لفة على الصدر:

الطريقة دي في بنات كتير بيفضلوها بتدي شكل حلو اوي, جيبي السكارف خلي ناحية طويلة وناحية اقصر منها شوية, لفي الناحية الطويلة حوالين الرقبة وبعدين امسكيها من الطرف وافرديها على الصدر ودخليها في الناحية التانية.

لفة على الصدر
لفة على الصدر

3- العقدة الايطالية:

هنخلي طرف اطول من التاني هنلف السكارف لفتين حوالين الرقبة وبعدين نجيب الجزء اللي فاضل من الطرف الطويل نعديه جوه اللفة اللي حوالين الرقبة والطرف التاني القصير ندخله جوه اللفة.

العقدة الايطالية
العقدة الايطالية

4- العقدة الفرنسية:

هنتني السكارف على اتنين ونحطه على الرقبة, وندخل كل طرف في ناحية من السكارف.

العقدة الفرنسية
العقدة الفرنسية

5- الضفيرة:

هنحط السكارف على الرقبة بس هنخلي الطرفين ناحية ورا وبعدين نلفة على الرقبة لفة على واسع ونجيب الطرفين قدام, هنمسك الجزء اللي في النص نبرمه مرة واحدة وناخد طرف من الطرفين ندخله جواه, وندخل الطرف التاني عكسه.

الضفيرة
الضفيرة

6- عقدة خفية:

هنحط السكارف زي الطريقة اللي فاتت بالعكس يعني هنخلي الطرفين ورا ونلفة على الرقبة نجيب الطرفين قدام بس اللفة على ضيق شوية, ونمسك الطرفين نربطهم في بعض, ونفرد الجزء اللي فوق من السكارف بحيث اننا نداري بيه العقدة اللي عملناها.

عقدة خفية
عقدة خفية

7- بوهيمي ستايل:

هنربط طرفين السكارف في بعض نعمل بيهم عقدة, هندخل السكارف في الرقبة ونخلي العقدة من قدام, ونبرمة مرة واحدة وندخله في الرقبة مرة تانية بحيث العقدة تبقى من ورا, ونفرده على كتف واحد, او ممكن نخليه كله على قدام على الصدر.

بوهيمي ستايل
بوهيمي ستايل

8- اوفر سايز Oversized سكارف:

الطريقة دي بتتحط على اللبس بتبقى موديل لوحدها وسهلة جدا وفي نفس الوقت شكلها حلو ومختلف بس بتحتاج سكارف من الحجم الكبير اللي ممكن يتلبس كسكارف او شال, هتفردي السكارف خالص وتحطيه على كتفك وتجيبي الناحيتين قصاد بعض وتلبسي عليه حزام بلون يمشي مع لبسك ومع الوان السكارف.

اوفر سايز Oversized سكارف
اوفر سايز Oversized سكارف

9- فلاي اواي فيست Fly away Vest:

الطريقة دي حلوة اوي هتعملي بيها فيست بالسكارف, هنجيب سكارف كبير نتنيه نصين, ونربط الطرفين من الزاوية اللي فوق بس نعملهم عقدة, وبعدين ناخد النص التاني من السكارف المتني في ايدنا التانية ونربطه مع العقدة اللي عملناها وخليها عقدة واحدة كبيرة, ونفتحه هيبقى عندنا فتحتين اللي هندخل منهم ايدينا ونلبسه زي الفيست بيبقى حلو اوي في اللبس.

فلاي اواي فيست Fly away Vest
فلاي اواي فيست Fly away Vest

10- هاف تايد Half Tied:

هنحط السكارف على الرقبة بالعكس يعني هنخلي الطرفين ورا وبعدين نلفه لفة على الرقبة ونجيب الطرفين قدام ونربطهم في بعض نعملهم عقدة نخليها تحت الجزء اللي فوق من السكارف, يعني هتبقى العقدة تحت الجزء اللي نازل على الصدر.

هاف تايد Half Tied
هاف تايد Half Tied

11- استخدام الاكسسوار مع السكارف:

في طريقة حلوة اوي بقى وجديدة ممكن نعمل بيها السكارف باستخدام الاكسسوارات طبعا كلنا معندناش اكتر من الخواتم ممكن تستغليها بطريقة تانية كأكسسوار مع السكارف بأكتر من طريقة.

  • – هنجيب السكارف نلفه حوالين الرقبة بالطريقة العادية وبعدين تجيبي الخاتم اللي هتستخدميه وتدخلي طرفين السكارف فيه وتطلعي الخاتم لفوق.
طرق للبس السكارف مع الاكسسوار 1
طرق للبس السكارف مع الاكسسوار 1
  • – ممكن تعمليه بطريقة تانية هتلفي السكارف بردو بالطريقة العادية حوالين الرقبة بس المرة دي هنستخدم خاتمين لو عندك اتنين شبه بعض ممكن تستخدميهم وهتدخلي كل طرف من السكارف في خاتم.
  • طرق للبس السكارف مع الاكسسوار 2
    طرق للبس السكارف مع الاكسسوار 2
  • – في طريقة كمان حلوة وشيك اوي, لفي السكارف لفتين حوالين رقبتك وبعدين هاتي الطرفين على جنب واحد ودخليهم في الخاتم, ممكن لو عندك خاتم بحجر كبير هيبقى حلو اوي مع الطريقة دي.
  • طرق للبس السكارف مع الاكسسوار 3
    طرق للبس السكارف مع الاكسسوار 3

    اعرفي كمان ازاي تلبسي السكارف في الشتا

  • السكارف
    السكارف

مقالات متعلقه

طرق مختلفة تلبسي بيهم البلانكيت سكارف Blanket Scarf

طرق مختلفة تلبسي بيهم البلانكيت سكارف Blanket Scarf

تشكيلة رائعة من الـ Infinity scarf لموضة الشتا..وازاي تعمليها بنفسك بطريقة سهلة

تشكيلة رائعة من الـ Infinity scarf لموضة الشتا..وازاي تعمليها بنفسك بطريقة سهلة

7 طرق مختلفين تلبسي بيهم السكارف في الشتا

7 طرق مختلفين تلبسي بيهم السكارف في الشتا