انواع الكريمات المرطبة المناسبة لكل نوع بشرة

بقلمريهام محمود فيبشرة visibility37976

كلنا عارفين ان البشرة محتاجة عناية مستمرة عشان نحافظ عليها صحية ومن ضمن خطوات العناية بالبشرة المهمة جدا هي الترطيب, استخدام الكريمات المرطبة مهم عشان نحافظ على رطوبة البشرة ونحميها من الجفاف, وكل انواع البشرة بتحتاج الترطيب من اول الجافة لحد البشرة الدهنية بس المهم اننا نختار نوع كريم الترطيب المناسب لبشرتنا واللي يدي كل بشرة اللي محتاجاه وده اللي هنعرفه النهاردة مع بعض, هنتعرف على انواع كريمات الترطيب المناسبة لكل نوع بشرة بالاسعار. 

انواع الكريمات المرطبة المناسبة لكل نوع بشرة:

– البشرة الدهنية:

انواع الكريمات المرطبة للبشرة الدهنية
انواع الكريمات المرطبة للبشرة الدهنية

1- كريم نيتروجينا Neutrogena Oil Free Moisture:

كريم نيتروجينا يعتبر من اهم وافضل الكريمات المرطبة المناسبة للبشرة الدهنية  لانه خالي من اي زيوت ومش بيتسبب في لمعانها وبيغذي البشرة وبينعمها, وكمان فيه عامل حماية من الشمس 35, كمان في ميزة حلوة اوي انه بيساعد على تثبيت المكياج فترة اطول عشان كده ممكن نحطه قبل المكياج بتاعنا عشان نثبته ونخليه ميسحش.

السعر: 161 جنية.

كريم نيتروجينا Neutrogena Oil Free Moisture
كريم نيتروجينا Neutrogena Oil Free Moisture

2- كريم غارنييه Garnier Essential Care:

كريم غارنييه خالي تماما من الزيوت عشان كده يعتبر مناسب جدا للبشرة الدهنية, بينعم البشرة وبيغذيها, كمان غارنييه من الكريمات اللي ممكن تتحط قبل المكياج بيساعد انه يثبته فترة اطول وبيمتص الدهون الزيادة من البشرة.

السعر: 44 جنية.

كريم غارنييه Garnier Essential Care
كريم غارنييه Garnier Essential Care

3- كريم كلين آند كلير Clean and Clear Skin:

كلين آند كلير من الكريمات الممتازة جدا للبشرة الدهنية, خالي من الزيوت ومش بيسبب لمعان للبشرة, بيغذي البشرة وينعمها, ومناسب جدا بشكل خاص للبشرة الدهنية اللي بتعاني من حب الشباب والبثور.

السعر: 40 جنية.

كريم كلين آند كلير Clean and Clear Skin
كريم كلين آند كلير Clean and Clear Skin

– البشرة الجافة:

انواع الكريمات المرطبة للبشرة الجافة
انواع الكريمات المرطبة للبشرة الجافة

1- كريم غارنييه Garnier Light Moisturizer:

كريم غارنييه لايت مناسب للبشرة الجافة بيغذيها وبيديها المعادن اللي محتاجاها, وكمان بيساعد على تفتيح البشرة وده مفيد جدا للي بيعانوا من الكلف او البقع او الندبات لانه بيفتح البشرة بالتدريج مع الاستخدام, وفيه عامل حماية من الشمس 15.

السعر: 40 جنية.

كريم غارنييه Garnier Light Moisturizer
كريم غارنييه Garnier Light Moisturizer

2- كريم لوريال L’Oreal Youth Code Day/Night Cream:

كريم مناسب جدا للبشرة الجافة, وممكن تستخدميه بالليل والصبح, فيه فيتامينات فعالة بتغذي البشرة وبيديها لمعة طبيعية وبيخلي شكلها صحي وحيوي.

السعر: 200 جنية.

كريم لوريال L’Oreal Youth Code Day/Night Cream
كريم لوريال L’Oreal Youth Code Day/Night Cream

3- كريم بوندس Pond’s Dry Skin Cream:

كريم بوندس تركيبته غنية جدا بتتغلل في مسام البشرة بتساعد على ترطيبها وبتغذيها, والكريم مناسب للبشرة الجافة بشكل خاص بس كمان يناسب كل انواع البشرة حتى البشرة الحساسة.

السعر: 72 جنية.

كريم بوندس Pond’s Dry Skin Cream
كريم بوندس Pond’s Dry Skin Cream

4- كريم نيفيا Nivea Nourishing Day Care Cream:

كريم نيفيا مناسب للبشرة الجافة والحساسة, مغذي للبشرة وبيرطبها بعمق, سريع الامتصاص على البشرة, فيه عامل حماية من الشمس 15.

السعر: 58 جنية.

كريم نيفيا Nivea Nourishing Day Care Cream
كريم نيفيا Nivea Nourishing Day Care Cream

5- كريم دوف Dove Essential Nourishment:

مناسب للبشرة الجافة, بيرطبها بعمق وبيغذيها.

السعر: 55 جنية.

كريم دوف Dove Essential Nourishment
كريم دوف Dove Essential Nourishment

6- كريم جونسون Johnson 24 Hour Moisture:

بيحتوي على زبدة الشيا اللي بتساعد على ترطيب للبشرة, تأثيره بيدوم 24 ساعة, بيحمي البشرة من الجفاف, بيقلل مشكلة تقشر البشرة اللي بيعني منها صاحبات البشرة الجافة, وبيقلل من شد البشرة اللي بيحصل بسبب الجفاف.

السعر: 45 جنية.

كريم جونسون Johnson 24 Hour Moisture
كريم جونسون Johnson 24 Hour Moisture

– البشرة الحساسة:

انواع الكريمات المرطبة للبشرة الحساسة
انواع الكريمات المرطبة للبشرة الحساسة

1- كريم نيفيا Nivea Nourishing Day Care Cream:

كريم نيفيا مناسب للبشرة الحساسة والجافة, مغذي للبشرة وبيرطبها بعمق, سريع الامتصاص على البشرة, فيه عامل حماية من الشمس 15.

السعر: 58 جنية.

كريم نيفيا Nivea Nourishing Day Care Cream
كريم نيفيا Nivea Nourishing Day Care Cream

3- كريم فاتيكا ديرموفيفا Dermoviva Hydrate Plus Skin Cream:

مناسب جدا للبشرة الحساسة لانه بيحتوي على الصبار والعسل واللوز والالوفيرا اللي بتوفر الترطيب للبشرة وفي نفس الوقت مش بتسبب تهيج البشرة.

السعر: 25 جنية.

كريم فاتيكا ديرموفيفا Dermoviva Hydrate Plus Skin Cream
كريم فاتيكا ديرموفيفا Dermoviva Hydrate Plus Skin Cream

4- كريم بيوديرما Bioderma Sensibio Light:

كريم مرطب خفيف على البشرة مناسب للبشرة الحساسة ضعيفة التحمل او اللي بتتأثر بأقل حاجة, بيحمي البشرة من التهيج والحساسية, وبيعزز درجة تحمل البشرة الحساسة لانه بيحتوي على حمض الجليسيرينتك الملطف للبشرة, ويناسب كمان البشرة المختلطة والعادية.

السعر: 92 جنية.

كريم بيوديرما Bioderma Sensibio Light
كريم بيوديرما Bioderma Sensibio Light

– البشرة المختلطة:

انواع الكريمات المرطبة للبشرة المختلطة
انواع الكريمات المرطبة للبشرة المختلطة

البشرة المختلطة بتكون جامعة ما بين البشرة الدهنية في منطقة التي زون T-Zone اللي هي الجبهة والانف والدقن وباقي البشرة بتكون جافة, عشان كده اصحاب البشرة المختلطة ممكن يستخدموا نوعين كريم على منطقة التي زون يستخدموا اي نوع كريم للبشرة الدهنية من اللي قولناهم فوق, وباقي البشرة يستخدموا نوع كريم من المناسب للبشرة الجافة.

شوفي من هنا الطريقة والوقت الصح لاستخدام الكريم المرطب

استخدام الكريم المرطب
استخدام الكريم المرطب