استخدامات مذهلة للأسبرين مكنتيش تعرفيهم قبل كده !

ريهام محمود
ريهام محمود
13162

الأسبرين من اسهل العلاجات اللي ممكن ناخدها لو عندنا صداع او برد او لتخفيف الالم ودرجة الحرارة, لكن هل نعرف ان الاسبرين ليه استخدامات تانية مفيدة غير علاج الحاجات دي ؟ هو ده اللي هنكتشفه النهاردة مع بعض من خلال موضوعنا هنتعرف على استخدامات كتير مفيدة للأسبرين. 

فوايد واستخدامات الأسبرين:

1- يساعد على علاج وحماية البشرة من حب الشباب:

  • – الأسبرين من الحاجات الفعالة جدا في علاج حب الشباب وكمان بيحمي البشرة من ظهوره مرة تانية لان في خصائص مضادة للالتهابات, هنجيب من 2- 3 اقراص اي نوع اسبرين ابيض “ممكن نستخدم ريفو بتاع الصداع او هنلاقي في الصيدلية نوع اسمه اسبرين” هنطحنه ونضيف عليه شوية عصير ليمون لحد ما يبقى الخليط قوامه معقول ونحطه على اماكن الحبوب ونسيبها 20 دقيقة وبعدين نغسله, بس نتجنب استخدام الماسك ده قبل التعرض للشمس يعني لما نعمله نكون مش هنخرج في الشمس, والماسك ده مفيد جدا للبشرة الدهنية, ولو بشرتك حساسة من الليمون ممكن تعجني الاسبرين بالمية.
  • – بالنسبة للبشرة الجافة اللي بتعاني من الحبوب اعجني الاسبرين مع معلقة صغيرة مية ومعلقة صغيرة عسل وكام نقطة من زيت الزيتون اخلطيهم كويس وحطيهم على البشرة 20 دقيقة وبعدين اغسليه, والماسك غير انه بيعالج الحبوب كمان يعتبر مرطب طبيعي للبشرة, كرري الوصفات مرتين في الاسبوع.

2- تونر منظف للوجه:

التونر ده بيقلل من حجم المسام الواسعة, وبيقلل انتفاخات الوجه والتصبغات, ويعتبر مطهر للبشرة.

هنطحن 8 اقراص اسبرين ونحطهم في نص كوباية مية ونضيف عليهم 4 معالق صغيرة خل ابيض وتخلطيهم كويس مع بعض اغسلي وشك وادهني بشرتك بالخليط بقطنة وتسيبيه 10 دقايق وبعدين تغسليه بمية دافية, ممكن تحتفظي بيه ازازة وتحطيه في التلاجة وتستخدميه يوميا كتونر.

3- لعلاج اثار وحروق الشمس وتفتيح البشرة:

الأسبرين بيساعد على علاج اثار وحروق الشمس, وبيساعد على حماية البشرة من علامات الشيخوخة والتجاعيد, بينعم البشرة وبيفتحها وبيوحد لونها, مقشر للبشرة.

هنطحن من 5 – 6 اقراص اسبرين ونضيف لهم معلقة صغيرة لبن رايب ومعلقة صغيرة عصير ليمون ونضيف للخليط كام نقطة زيت زيتون ونمزجهم مع بعض كويس, هنحطه على البشرة ونسيبه 20 دقيقة وبعدين نغسله بمية باردة, كرري الوصفة مرتين في الاسبوع.

4- علاج بقع الجلد:

الأسبرين فيه عنصر بيدخل تقريبا في معظم كريمات التفتيح ومنظفات البشرة, هنطحن 7 اقراص اسبرين ونضيف لهم 3 معالق كبيرة لبن ومعلقة كبيرة عسل نحل, ونحط الخليط على البشرة ونسيبه 15 دقيقة, الماسك ده بيعمل تقشير خفيف للبشرة وبيعالج البقع والندبات وفي نفس الوقت مش بيسد مسام البشرة.

5- تقشير البشرة:

الأسبرين ممتاز جدا في ازالة خلايا الجلد الميتة من البشرة, وبيساعد في التخلص من الدهون الزيادة, وتقليل حجم المسامات الواسعة, اطحني اقراص الاسبرين واعجنيها بالمية وحطيها على البشرة لمدة من 10 – 20 دقيقة وبعدين اغسليه.

فوايد واستخدامات الأسبرين 1
فوايد واستخدامات الأسبرين 1

6- بيخفف من لدغات الحشرات:

الأسبرين بيساعد على تخفيف التورم او تهيج البشرة اللي ممكن تحصل لنا من قرص الناموس, دوبي قرص اسبرين في معلقة كبيرة مية وحطيه على المنطقة اللي فيها القرصة وسيبيه 10 دقايق وبعدين اغسليه.

فوايد واستخدامات الأسبرين 2
فوايد واستخدامات الأسبرين 2

7- علاج قشرة الشعر:

لو بتعاني من قشرة الشعر الحل بسيط جدا باستخدام الأسبرين, هنطحن قرصين اسبرين ونضيفهم على كمية الشامبو اللي هنغسلها بيها شعرنا ونغسله بالطريقة العادية ونكرر الوصفة في غسيل الشعر كل مرة.

فوايد واستخدامات الأسبرين 3
فوايد واستخدامات الأسبرين 3

شوفي من هنا 4 وصفات لعلاج قشرة الشعر.

8- اصلاح الشعر التالف:

الأسبرين بيساعد على علاج تلف الشعر وبيخليه صحي وبيلمع, دوبي شريط اسبرين في كوباية مية دافية وحطيها على شعرك وسيبيه 15 دقيقة وبعدين اغسليه بالمية.

فوايد واستخدامات الأسبرين 4
فوايد واستخدامات الأسبرين 4

شوفي من هنا كورس تجديد الشعر التالف في اسبوع.

9- تنعيم وتقشير الرجل:

الأسبرين من الحاجات الفعالة اوي لازالة الجلد الميت من الرجل, هنجيب 7 اقراص اسبرين نطحنهم ونضيف لهم نص معلقة صغيرة عصير ليمون ونخلطهم كويس ونحط الخليط على القدم من تحت ولفي الرجل يقطعة قماش مبلولة بمية دافية وسيبيها 10 دقايق وبعدين افركي الرجل بحجر خفاف.

فوايد واستخدامات الأسبرين 5
فوايد واستخدامات الأسبرين 5

ممكن تشوفوا من هنا وصفة سريعة تنعم رجلك وتبقى حرير.

10- ازالة بقع العرق من الملابس:

اللي بيعانوا دايما من مشكلة بقع العرق على الهدوم الحل بسيط جدا, هندوب قرص اسبرين في شوية مية دافية ونحط الخليط ده على البقعة ونسيبها من بالليل للصبح وبعدين نغسلها بالطريقة العادية هتلاقي البقعة اختفت.

فوايد واستخدامات الأسبرين 6
فوايد واستخدامات الأسبرين 6

شوفي من هنا وصفات وحيل ازاي ممكن تعرقي اقل.

11- ازالة بقع الصابون من البانيو:

بقع الصابون اللي بتتراكم في البانيو من كتر الاستخدام ممكن نتخلص منها بسهولة اننا نطحن 5 اقراص اسبرين ونضيفهم لسائل التنضيف العادي اللي بتنضفي بيه الحمام وترشي منه في البانيو كله وتسيبيه نص ساعة وبعدين تمسحيه بقماشة وتشطفيه بالمية هتلاقي البقع راحت.

فوايد واستخدامات الأسبرين 7
فوايد واستخدامات الأسبرين 7

شوفي من هنا 24 حيلة ذكية هتساعدك على تنضيف البيت بسرعة وسهولة.

12- بيطول عمر الورد:

يمكن تكون المعلومة دي معروفة لناس كتير لو بتحبي الورد وبتحبي دايما يكون في البيت ورد بس بتقابلك دايما مشكلة ان بيدبل بسرعة, الاسبرين من الحاجات المفيدة جدا اللي ممكن تستخدميها عشان تطولي عمر الورد ويقعد معاكي فترة اكتر من غير ما يدبل, اطحني قرص اسبرين وحطيه مع المية اللي في الفازة اللي فيها الورد هتلاحظي انه هيقعد معاكي فترة اطول بكتير وهيفضل محتفظ بشكله وريحته.

فوايد واستخدامات الأسبرين 8
فوايد واستخدامات الأسبرين 8

شوفوا كمان 7 استخدامات مفيدة لاكياس الشاي المستعملة

7 استخدامات مفيدة لاكياس الشاى المستعملة
7 استخدامات مفيدة لاكياس الشاى المستعملة

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024