ايه هى فوايد الـ stress ball وازاى تعملها بنفسك فى البيت بالفيديو و الخطوات
لو مضغوطة من شغل البيت و مسؤولية الاولاد او حتى مضغوطة فى شغلك أو في دراستك والضغوطات دى مخليكى متوترة معظم الوقت و اعصابك مشدودة ، فى المقال ده اخترنالك واحده من اسهل و احلى طرق التخفيف من التوتر و القلق و هى الـstress ball أو كرة الضغط ، هنقولك ايه هى و ايه هى انواعها و فوايد الـ stress ball و كمان هتعرفى ازاى تعمليها بنفسك البيت في خطوات سريعة ..
ايه هى فوايد الـ stress ball وازاى تعملها بنفسك فى البيت بالفيديو و الخطوات
Stress Ball هي الكرة الصغيرة المطاطية اللي بنلعب فيها واحنا متوترين ومش بنبقي فهمين ليه بنميل للعب بيها أو ليه هي بتريحنا وبتخلصنا من التوتر النفسي اللي بنبقي حسين بيه.
فوايد الـ stress ball :
تقليل التوتر:
لما بتمسكى stress ball فى ايدك و تضغطى عليها العضلات اللى فى كف ايدك و معصمك بتتشد ولما بتفكى عنها الضغط العضلات بتسترخى وده بيخلصك من الضغط والتوتر، حجم الـ stress ball بيخليها مثالية علشان تستخدميها فى مكتبك اوالكلية بعد اجتماع او محاضرة تقيلة .
تحفيز الاعصاب :
لما بتلعبى بالـ stress ball حركة الضغط و الفك دى بتحفز الاعصاب اللى فى كف ايدك ، الاعصاب دى متصلة بالمخ خصوصا الـ limbic region اللى بتتحكم فى المشاعر، التحفيز ده له تأثير زى تأثير العلاج بالابر بالضبط فبيحفز وينشط مجموعة الاعصاب دى اللى بالتالى بتؤثر على مناطق تانية من جسمك .
تحويل الانتباه :
لما تركزى انتباهك فى انك تضغطى على الـ stress ball تلقائيا هتبطلى تفكرى فى مصدر ازعاجك و بالتالى جسمك و عقلك هيسترخوا و ده بيعتبر شبه اللى بيحصل لما بتعملى جلسة تأمل او meditation .
تحسين المود :
تحفيز المخ اللى بيحصل لما بتضغطى على الـ stress ball بيساعد على افراز مادة الـ endorphin اللى بتتحكم فى الاحساس بالسعادة و تخدير الالم و و ده بيحسن مودك .
فوايد الـ stress ball للجسم :
التقليل من الاصابات الناتجه عن التوتر و الاجهاد :
الاستخدام المنتظم للـ stress ball بيقوى عضلات الايد و الاصابع و ده بيقلل من الاصابات اللى ممكن تحصل فى عضلات ايدك ، جربى معانا التمرينات دى :
لتقوية عضلات الرسغ : اضغطى على الـ stress ball 3 ثوانى و بعدين فكى ايدك ، كررى الحركة 20 مرة .
لتقوية الاصابع: اضغطى الكورة بين الابهام وكل صابع على حدا و اما تخلصى كررى التمرين تانى .
لتقوية الايد كلها : احدفى الـstress ball بين ايديكى الاتنين فترة من الوقت على قد ما تقدرى .
علاج اصابات الايد :
الضغط على الـstress ball بيساعج فى علاج حالات زى التهاب المفاصل و التهاب المفاصل الروماتويدى و بتقلل من زيادتها .
تحسين الدورة الدموية :
حركة الاصابع اثناء الضغط على الـstress ball بتساعد فى تقوية تدفق الدم لمنطقة الكف و الرسغ، والتخلص من السموم فى مجرى الدم وبتحسن من اداء الدورة الدموية .
العلاج الطبيعى :
دكاترة العلاج الطبيعى بيستخدموها لتقوية الايد و اعادة تأهيل عضلات الايد المصابة .
علاج التوحد :
بيستخدموها الاطباء المتخصصين فى التحكم فى تنبيه الاطفال المصابين بالتوحد بالمكان من حواليهم، فبيعلموا الاطفال انهم يغضطوا على الكورة بدل ما يفضلوا يحركوا جسمهم او يلفوا او يكرروا كلمات معينة و كمان بتقلل عندهم التوتر و بتعتبر محفز مفيد جدا للحركة .
الـ stress ball الصينية :
النوع ده من الكور بتتعمل من مادة ناشفة شوية عن الـstress ball العادية اللى بنشوفها و بيدخل فىتكوينها معاددن وبتعمل صوت لما بتتحرك ، وبتستخدك بانه بيكون فى ايدك 2 من الكوة دى و تبدأى تحركيهم مع بعض ف ايدك الصوت اللى هتعمله الكور دى هو اللى هيساعدك تقللى من التوتر و يخليكى تسترخى .
