10 حاجات مهمة عن عملية الليزك محتاجة تعرفيهم قبل ما تعملى العمليه
عملية الليزك بتعتبر اشهر عمليات تصحيح الابصار و اتعملت حوالى 20 مليون مرة فى امريكا لوحدها، و تم اعتمدها طبيا سنة 1995 كحل لعلاج و تصحيح ضعف النظر بدرجاته المختلفة ، و العملية دى بتعالج كمان الاستجماتيزم ، قصر و طول النظر . لو قررتى انك هتعملى عملية الليزك يبقى لازم تقرى المقال ده الاول، هنقولك على 10 حاجات مهمة لازم تعرفيهم عن عملية الليزك .
10 حاجات مهمة عن عملية الليزك محتاجة تعرفيهم قبل ما تعملى العمليه
1- ايه هى خطوات عملية الليزك ؟
العملية بتتعمل باستخدام اشعة الليزر ، بيخدر الجراح العين باستخدام قطرة تخدير و بعدين بيقوم الجراح بابعاد الجفون علشان تفضل العين مفتوحة باستخدام اداة معينة ، و بيحط قطعة دائرية معينة بيستخدمها قاعدة لجهاز اسمه الميكروكيراتوم بيستخدمه فى ازالة طبقة سطحية رقيقة من القرنية ، بعد كده بيطلب الدكتور من المريض انه يبص لاشعة حمراء متقطعة و كده بيكون تصحيح النظر بدأ ، بعد ما بيخلص الدكتور بيقوم باغلاق القرنية مرة تانية و بكده تكون العملية انتهت . و العملية بتاخد حوالى 30 دقيقة .
2- بتعتبر العملية مفيدة ؟
عملية الليزك بتعتبر فعاله و مفيدة جدا ، و من العمليات اللى نتايجها مضمونة لكن فى حالات نادرة بيضطر بعض المرضى بعد مرور الوقت انهم يرجعوا يلبسوا النضارة او العدسات مرة تانية .
3- ايه هى الاثار الجانبية للعملية ؟
من الاثار الجانبية الطبيعية للعملة هى انه فى اول 24 لـ 48 ساعه بيبقى فى الم خفيف و شعور بعدم الراحة فى العين و الحرقان ، الرؤية المشوشة و بعض المرضى ممكن يشوفوا زى دايرة او هالة حوالين الصورة لكن الاعراض ده مبتستمرش و بتضيع بعد فترة قليلة .
4- اى حد يقدر يعمل الليزك ؟
العملية رغم انها مناسبة تقريبا لكل الناس، لكن فى بعض الحالات ممكن مينفعش تتعمل ليهم العملية و هما المرضى اللى بيعانوا من الجفاف الشديد فى العين، او امراض معينة فى القرنية لانه النتايج معاهم ممكن متبقاش 100 % .
5- اختيار الجراح مهم
مهم تختارى الدكتور صح و تتأكدى انه عمل العمليه دى قبل كده و نتايجه كويسة ، و قبل العملية اقعدى معاه و اساليه عن مضاعفات العملية او ايه هى الاثار الجانبية اللى ممكن تتعرضى ليها فى حالتك .
6- فى خطورة من العملية ؟
عملية الليزك بتتعمل من سنة 1995 و بتعتبر اجراء طبى مشهور جدا فى كل العالم ، فى سنة 2011 اتعملت حوالى 11 مليون عملية ليزك فى امريكا ، و اكتر من 28 مليون عملية فى العالم ، معظم الحالات بتتتعافى بسرعه بعد العملية و بيقدروا يشوفوا بشكل طبيعى بعد ايام قليلة او اسبوع بالكتير ، و التعقيدات فى العملية بتحصل لنسبة قليلة جدا من المرضى مبتعديش 5% وبكده بتعتبر العملية آمنة جدا و مفيش منها خطورة .
7- هل العملية مؤلمة ؟
قبل العملية بيحطلك الدكتور قطرة مخدرة و دى بتعتبر مخدر موضعى للعين فمبتحسيش بأى الم اثناء العملية .
8- ايه هى الاجراءات اللى المفروض تتعمل بعد العملية ؟
بعد العملية الدكتور هيكتبلك على مضاد حيوى و مضاد للالتهابات على شكل قطرة و هتستخدميها لاسبوعين بعد العملية او حسب المدة اللى بيحددها الدكتور، و مهم انك تريحى عينيكى و تبعديها عن اى مصدر قوى للضوء و كمان مصادر الضوء القريبة من العين زى الموبايل او التليفزيون ، و عادة بعد العملية الدكتور بيغطى العين و بتشيلى الغطاء بعد حوالى 3 او 4 ايام .
9- فى طرق تانية لتصحيح النظر ؟
فى طرق تانية زى الانتاكس او الفيمتوليزك و الفيمتوسمايل ، الدكتور بعد ما يفحص عينك و يحدد حالتها هيقدر ينصحك بالاجراء الافضل لحالتك .