طريقتين تعملى بيهم الايشادو eye shadow بنفسك فى البيت

آية حسان
آية حسان
في
مكياج
11997

علشان البنات يهمهم دايما جمالهم طول الوقت بنحاول نحافظ على صحة و رشاقة جسمنا من خلال الرياضة و الدايت و كمان بنحاول نحافظ و نحسن من جمالنا الخارجى باستخدام الماكياج و الهدوم والاهتمام ببشرتنا و شعرنا .والحقيقة انه المكياج بيساعد البنات فى انهم يظهروا جمالهم و يبرزوه ، و زى ما بتشترى المكياج تقدرى كمان تعمليه فى البيت يعنى ممكن تعملى الفاونديشن ، البودرة ، الروج و كمان الايشادو  لو عرفتى تستخدمى المكونات المطلوبة كويس و هو ده اللى هتعرفيه فى المقال ده ، هنقولك على طريقتين تعملى بيهم الايشادو بنفسك فى البيت بخطوات و مكونات بسيطة وسهلة 

طريقتين تعملى بيهم الايشادو بنفسك فى البيت .. 

الطريقة الاولى :

واحدة من طريقتين تعملى بيهم الايشادو  فى البيت هى طرييقة بودرة الاروروت او نشا الدرة ، ودى بتعتبر الطريقة الاصعب لكنها اكتر طريقة مشهورة و نتيجتها حلوة جدا ..

المكونات اللى هتحتاجيها : 

كمية من مسحوق نبات الاروروت الهندى ” موجود عند محلات العطارة الكبيرة ” . او ممكن تستخدمى نشا الذرة كبديل .
كمية من زبدة الشيا .
مقدار من جوزة الطيب المطحونة .
مقدار من البنجر الناشف و المطحون .
مقدار من الكركرم .

طريقة التحضير :

ابدأى بكمية قليلة من بودرة الاروروت ، حوالى ربع او نص معلقة لانه لو زودتى الكمية هتتخلى الايشادو قوامه خفيف جدا و مش هيثبت ، ضيفى كميات متساوية من باقى المكونات و قلبى كويس اوى لحد ما يتمزجوا و توصلى للون المطلوب. فى الخطوة الثانية هتضيفى حوالى ربع او نص معلقة من زبدة الشيا و امزجى زبدة الشيا مع باقى المكونات بضهر المعلقة لحد ما توصلى لقوام كريمى ، زبدة الشيا هتخلى الايشادو يرطب بشرتك و ميبقاش ناشف عليها او يسببلها جفاف ، بعد ما تقلبى المكونات كويس سيبيها ترتاح و تمسك فى بعضها و بكده يكون اتكون عندك ايادو طبيعى تماما و بدرجة اللون اللى تحبيها . 

ايشادو طبيعى فى البيت
ايشادو طبيعى فى البيت

الطريقة الثانية :

المكونات اللى هتحتاجيها : 

علبة ايشادو فاضية .
الوان طبيعية .
كحول مركز بنسبة 91% .
معلقة صغيرة .
قطعة قماش قطنية .
كتاب تقيل .
ربع جنيه  فضة.

طريقة التحضير : 

حطى من 4 لخمس معالق من اى لون طبيعى تفضليه فى طبق صغير و بعدين ضيفى حوالى 4/3 كمية اللون اللى استخدمتيه كحول مركز بنسبة 91 % و قلبى لحد ما يمتزجوا و يبقى قوامهم متوسط ، ضيفى لخليط فى علبة ايشادو نضيفة و معقمة من قبل كده وسيبيه ينشف لحوالى ساعه . بعد مرور الوقت و اما تتأكدى انه خليط اللون و الكحول بقى جاف حطى عليه قطعة قماش قطنية و اضغطى فوقيها بربع جنيه فضة او اى عملة معدنية حجمها مناسب و حطى فوقيهم كتاب تقيل و سيبيه حوالى 4 ساعات علشان يضغط الايشادو كويس ويخليه  يتماسك .

اعملى الايشادو بنفسك فى البيت
اعملى الايشادو بنفسك فى البيت

علشان تغيرى فى الوان الايشادو اللى بتحضريه، استخدمى المكونات دى : 

للبنى الفاتح : استخدمى نص معلقة من بودرة الاروروت او نشا الدرة مع معلقة من زبدة الكاكاو و ربع معلقة من زبدة الشيا.

البنى الدهبى : استخدمى نص معلقة من بودرة الاروروت اونشا الدرة مع 4/3 معلقة شاى من جوزة الطبيب و نص معلقة من الكركم وزبدة الشيا .

اللون الموف : استخدمى نص معلقة من بودرة الاروروت اونشا الدرة مع 4/3 معلقة من مسحوق البنجر المجفف وربع معلقة شاى من زبدة الشيا .

البينك الفاتح : ستخدمى نص معلقة من بودرة الاروروت اونشا الدرة و مسحوق البنجر المجفف و 8/1 معلقة من بودرة الكاكاو ونص معلقة من زبدة الشيا .

مقالات متعلقه

اعرفي ازاي تختاري محدد الشفاة Lip liner  لاستخدام كل يوم، وايه هي الانواع الموضة دلوقتي

اعرفي ازاي تختاري محدد الشفاة Lip liner لاستخدام كل يوم، وايه هي الانواع الموضة دلوقتي

7 استخدامات مذهلة لمحلول العدسات في المكياج

7 استخدامات مذهلة لمحلول العدسات في المكياج

اعرفي إزاي تعملي مكياج الشفايف زي المحترفين بخطوات بسيطة وسهلة

اعرفي إزاي تعملي مكياج الشفايف زي المحترفين بخطوات بسيطة وسهلة