ازاي تلبسي السنيكرز بطريقة شيك وانيقة ؟ وشوفي احدث تريند للسنيكرز

بقلمريهام محمود فيموضة وأزياء visibility6596

كتير مننا عندنا من السنيكرز او الاحذية الرياضية اكتر من شكل واكتر من موديل لان معظمنا ميقدرش يستغنى عنها سواء في الجامعة او خروجاتنا مع اصحابنا او حتى في الشغل .. لوك كاجوال ومريح جدا وعملي وفي نفس الوقت ستايلش وموضته مش بتبطل ابدا, احنا النهاردة هنقولك لكل بنات حوا الفاشونيستات ازاي يلبسوا السنيكرز بطريقة شيك وانيقة.

1- البسي سنيكرز بألوان فاقعة:

ممكن تغيري الالوان التقليدية زي الابيض والاسود وتجربي تجددي شوية وتلبسي الوان فاقعة وزاهية زي الاورانج, والارزق الزهري.

والالوان دي هتبقى حلوة بشكل خاص لو انتي لابسة الوان محايدة زي الاسود والرمادي لما تنسقي معاها سنيكر بألوان زاهية هتظهر اللوك بتاعك اوي, ولو انتي لسه مترددة انك تلبسي الالوان دي ممكن تجربي اللون الارزق الفاتح, او البيج, او الرمادي.

البسي سنيكرز بألوان فاقعة
البسي سنيكرز بألوان فاقعة

2- اختيار السنيكرز المناسب للوك:

مهما كان اللوك اللي انتي لبساه هتلاقي سنيكر يمشي عليه سواء لابسة جيبة قصيرة او ميدي او طويلة او بنطلون جينز كل استايل لبس ليه السنيكر اللي يمشي معاه ويليق عليه.

– لو انتي لابسة جيبة قصيرة او انكل جينز يبقى انسب سنيكر للوك ده هو اللي بتكون رقبته قصيرة عشان يبين الرجل بشكل اطول.

– بالنسبة للسنيكرز اللي برقبة عالية بيجي بشكلين رقبة رقيقة, او سميكة ممكن يتلبس مع الجينز السكيني او الجيبات او الليجينج.

– السنيكرز اللي رقبته عالية ورقيقة بيكون افضل انه يتلبس على البنطلونات اللي بتكون واسعة شوية من تحت, والسنيكرز اللي رقبته عالية وسميكة ممكن يتلبس مع الجيبات القصيرة, او تلبسيه على الجينز السكيني وتدخلي الجينز جواه.

اختيار السنيكرز المناسب للوك
اختيار السنيكرز المناسب للوك

3- ضيفي الاكسسوارات عشان تكملي اللوك:

عشان تكملي اللوك بتاعك متنسيش الاكسسوارات المكملة زي الاسورة والخواتم والشنطة, اختاريهم بستايل والوان تكمل اللوك وتظهره اكتر.

ضيفي الاكسسوارات عشان تكملي اللوك
ضيفي الاكسسوارات عشان تكملي اللوك

– تعالوا نشوف مع بعض مجموعة من احدث تريند للسنيكرز:

موضة مطرقعة نازلة في السنيكرز السنة دي هو الليد لايت سنيكرز Led Light Sneakers اللي بينور من تحت ونازل منه موديلات كتير منها اللي بينور بلون واحد او بلونين او اكتر, وفي اللي كل فرده منه بتنور لون مختلف عن التانية, ونازل منه كمان النور دورين فوق بعض, هو موديل جريء ومختلف وغير تقليدي ومناسب للبنات اللي بيحبو التغيير والتجديد وبيحبوا يكونوا مختلفين ومميزين.

 

شوفي كمان ستايل البوت القطيفة وازاي تدخليه في ال outfit بتاعك

ستايل البوت القطيفة وإزاي تدخليه في ال outfit بتاعك
ستايل البوت القطيفة وإزاي تدخليه في ال outfit بتاعك