20 نصيحه يساعدوكى فى تحسين شخصيتك وثقتك بنفسك ..اعرفيهم

آية حسان
آية حسان
7111

اوقات كتير ممكن نتحط فى مواقف تخلينا نتوتر و تبقى ردود فعلنا مش مناسبة ، او ممكن كمان المواقف دى تخلى ثقتنا فى نفسنا تتهز و تقل ونحس اننا مش عارفين ناخد قرار او نواجه المواقف اللى بتحصل معانا كل يوم، فى المقال ده بنات حوا هتقولك على 20 نصيحه سهلة و بسيطة لكنها هتساعدك فى تحسين شخصيتك و ثقتك بنفسك بشكل كبير و بخطوات مش محتاجه منك مجهود كبير ..

20 نصيحه يساعدوكى فى تحسين شخصيتك وثقتك بنفسك ..اعرفيهم

1- استخدمى السلم:

استخدام السلالم بدل الاسانسير هيساعدك تحرقى حوالى 11 كالورى فى الدقيقه فى المتوسط ، و ده بيعتبر تمرين مفيد زى الجرى الخفيف .

استخدمى السلم
استخدمى السلم

2- اشربي شاى بالنعناع :

كوباية من الشاى الاحمر او الاخضر بالنعناع بعد الاكل هتقوى صحتك وتساعدك تهضمى الاكل بشكل افضل و تمنع عنك عسر الهضم او الانتفاخ ، و بكده هتحسى انك مرتاحة بعد اى اكل و مش كسلانة .

اشربى شاى بالنعناع
اشربى شاى بالنعناع

3- متهمليش رجليكى :

الاهتمام بالرجلين والقدمين مهم زى اهتمامنا  بجمال اى حاجه تانية ، علشان كده بعد يوم شغل او دراسة طويل متهمليش رجليكى وحاولى تريحيها بانك ترفعيها شوية او انك تنقعيها فى مية دافية و بعدين تستخدمى عليها كريم مرطب . و كمن متنسيش التقشير كل فترة ، وافتكرى دايما انه راحة الجسم بتبدأ من القدمين .

اهتمى برجليكى
اهتمى برجليكى

4- اعملى تمارين لبطنك : 

علشان تخلى بطنك مشدودة و مسطحة متنسيش تعملى التمرين ده، نامى على الارض واتنى ركبك و ريحى راسك على يديكى وابدأى ارفعى جسمك لفوق و تحت . التمرين ده بيحرك عضلات بطنك و بالتالى مع الوقت بيقويها .

اعملى تمارين لشد البطن
اعملى تمارين لشد البطن

5- اعملى شعرك : 

اهتمى بجملك و بجمال شعرك ، افردى شعرك من وقت للتانى علشان هيخليكى تبانى ارفع بسبب مظهر الخطوط الرأسية المفرودة اللى بيشتت العين عن اى زيادة فى جسمك .

افردى شعرك
افردى شعرك

6- اختارى الوانك :

حاولى دايما تختارى الوانك و تحاولى يكون الطقم اللى هتلبسيه من نفس اللون ، سواء كان اللون اسود او اى لون تانى ، اللبس من اللون الواحد هيخليكى تبانى اطول و ارفع .

اختارى الوانك
اختارى الوانك

7- كلى فاكهه مجففه :

حاولى كل يوم تاكلى كمية من الفاكهه المجففه زى التين و الخوخ و المشمش ، الفاكهه دى غنية بالفيتامينات المهمة لصحتك و جمالك .

كلى فاكهه مجففه
كلى فاكهه مجففه

8- كلى نوع الشوكولاتة المناسب :

مهم تفتكرى دايما انه الشوكولاته الغامقة dark chocolate هى النوع الصحى ، لانها بتحتوى على كمية سكر قليلة و كمية كبيرة من الكاكاو حوالى 70% ، و كمان بتساعد فى التحكم فى سكر الدم و شهيتك لتناول الحلويات .

كلى نوع الشوكولاته المناسب
كلى نوع الشوكولاته المناسب

9- كلى بانتظام:

لو اضطريتى تفوتى الفطار و مفضيتيش تتغدى وفضلتى طول اليوم على سندوتش او سناك صغيرة جسمك مش هيبقى فيه اى طاقة علشان تفضلى جميلة و هيبقى شكلك شاحب و تعبان ، حاولى تاكلى بانتظام علشان تفضل بشرتك حيوية و شكلك جميل و بالتالى تحسين شخصيتك وثقتك بنفسك .

كلى فى مواعيد منتظمة
كلى فى مواعيد منتظمة

10- العبى رياضة :

الرياضة هتساعدك بشكل كبير فى تحسين شخصيتك وثقتك بنفسك ، افتكرى دايما انه المهم نوع الرياضة مش المدة اللى هتتمرنى فيها، ممكن تمرين مناسب و مكثف لمدة 10 دقايق كل يوم يساعدك فى تحسين شكل جسمك .

العبى رياضة
العبى رياضة

11- البسي كعب عالى :

الكعب العالى هيخلى رجلك تبان اطول و بيشد عضلات الرجل و بالتالى بتقوى رجلك بس حاولى تبعدى عن الكعب الرفيع اوى او اللى ممكن يسببلك الم و افتكرى دايما انه افضل طول كعب هو اللى تحت 5 سم .

ابسي كعب عالى
ابسي كعب عالى

12- متعمليش دايت زيادة عن اللزوم : 

خبراء الغذية بيحذروا دايما ان الدايت القاسي بيسبب خسارة كبيرة فى كتلة العضلات، و بيقلل من الميتابوليزم و ده معناه انه بيزود شهيتك لاكل الكربوهيدرات و الدهون ، علشان كده متعمليش دايت زيادة عن اللزوم و حاولى دايما يبقى نظامك الغذائى معتدل .

متعمليش دايت زيادة عن اللزوم
متعمليش دايت زيادة عن اللزوم

13- اضحكى اكتر :

الضحك بيخلى عضلات بطنك تتحرك و تنقبض  و كمان بيزود من سقتك فى نفسك و حيويتك، حاولى تضحكى اكتر .

اضحكى اكتر
اضحكى اكتر

14- كلى جريب فروت :

الجريب فروت بيعتبر مدر طبيعى للبول، و كمان بتحارب التورم و الانتفاخ وغنى جدا بفيتامين C . كوباية واحدة من عصير الجريب فروت الفريش كل يوم هتنشط جسمك و تخليكى مستعدة تبدأى يومك بثقة .

كلى جريب فروت
كلى جريب فروت

15- خدى بالك من السعرات الحرارية : 

تجنبى الاكل اللى الدهون فيه كتيرة زى البطاطس المقلية و الكيك، و بدلا منها كلى رز مسلوق و اكلات فيها صلصة طماطم و خضار .

خدى بالك من السعرات الحرارية
خدى بالك من السعرات الحرارية

16- خلى ضهرك مفرود :

وضعية كويسة لجسمك هتخليكى تبان اطول و تديكى احساس كبير بالثقة ، و بتساعدك تتنفسي بعمق و بااتالى تقللى من كمية الاكسجين الزيادة اللى بتدخل جسمك و كمان هتحافظ على ضهرك من الالم او التقوسات .

اقعدى و ضهرك مفرود
اقعدى و ضهرك مفرود

17- كلى بروتينات :

نظام غذائى غنى بالبروتين هيساعد جسمك فى انه يتحكم فى الشهية و كمان هتزود من  انتاج هرمون glucagon اللى بيحافظ على وزنك ، ولو عايزة جسمك يتخلص من الدهون و يحرقها بشكل اسرع كترى من اكل الحبوب و السمك .

كلى بروتينات
كلى بروتينات

18- حاربى السيلوليت :

علشان تبقى بشرتك ناعمة ومتألقة ارجعى لدكتورك و اطلبى منه حبوب لعلاج السيلوليت ، ده هيساعدك تقضى على اى علامات تمدد فى جلدك و بالتالى هتحسي انك جميلة وواثقة فى نفسك .

حاربى السيلوليت
حاربى السيلوليت

19- خدى بالك من اللى بتشربيه :

المشروبات الغازية بتعتبر سبب اساسي لزيادة الوزن و ظهور الكرش، حاولى تتخلصى من المشروبات الغازية او على الاقل تخفى منها علشان تحافظى على جسمك و وزنك ، و حاولى تشربى مية معدنية كتير .

خدى بالك من اللى بتشربيه
خدى بالك من اللى بتشربيه

20- متضغطيش على نفسك :

نصيحة تانية هتساعدك  فى تحسين شخصيتك وثقتك بنفسك انك لو  بتعملى دايت يبقى ضرورى متضغطيش على نفسك بشكل كبير، فلة كلتى ايس كريم زيادة مثلا مش لازم تحسي بالذنب لانه اوقات الجسم بيحتاج تغيير ، الافضل تحاولى فى اوقات الاكل متكليش لوحدك و تاكلى مع عيلتك او صحباتك لانه الشعور بالوحدة او انك تاكلى لوحدك ده هيخليكى تاكلى كمية زيادة عن اللى جسمك محتاجها .

متضغطيش على نفسك
متضغطيش على نفسك

بكده تكونى عرفتى معانا 20 نصيحة تساعدك فى تحسين شخصيتك وثقتك بنفسك جربيهم و مع الوقت هتحسي بفرق كبير :) 

مقالات متعلقه

8 طرق تزودي بيهم ثقتك في نفسك

8 طرق تزودي بيهم ثقتك في نفسك

علامات تقولك انك في علاقة غير صحية وانك لازم تفكري فيها من جديد

علامات تقولك انك في علاقة غير صحية وانك لازم تفكري فيها من جديد

7 حاجات مش حقيقية عن نفسك لازم تبطلي تصدقيهم

7 حاجات مش حقيقية عن نفسك لازم تبطلي تصدقيهم