20 عادة لو عملتيها هتخلي بشرتك متألقة ونضرة وصحية !

بقلمريهام محمود فيبشرة visibility24176

البشرة النضرة والجلد الصحي هي حلم كل بنت بس المشكلة اننا مش بنعرف نوصل لده ازاي, ده غير عوامل الجو اللي بتأثر على بشرتنا كل يوم بشكل سلبي وبتضرها, ايه بقى اللي المفروض نعمله عشان نحمي بشرتنا ونحافظ عليها دايما نضرة وصحية ؟ ده اللي هنعرفه النهاردة من خلال المقال بتاعنا من خلال 20 عادة لو عملتيهم هتحافظي على بشرتك نضرة وشباب على طول.

20 عادة تحافظي بيهم على جمال ونضارة البشرة:

20 عادة تحافظي بيهم على جمال ونضارة البشرة
20 عادة تحافظي بيهم على جمال ونضارة البشرة

1- تقشير الجسم بانتظام:

حافظي على تقشير الجسم بشكل منتظم مرة في الاسبوع, افركي الجسم باستخدام السكر وزيت الزيتون وبليفة خشنة بحركات دائرية عشان تتخلصي من خلايا الجلد الميتة.. ممكن تشوفوا من هنا وصفات طبيعية لتقشير الجلد.

تقشير الجسم بانتظام
تقشير الجسم بانتظام

2- ترطيب البشرة:

رطبي البشرة بشكل يومي بكريم مرطب لنوع بشرتك وكل ما تغسلي البشرة لازم ترطبيها على طول.. شوفوا من هنا الطريقة والوقت الصح لاستخدام الكريم المرطب.

ترطيب البشرة
ترطيب البشرة

3- استخدمي قناع الجيلاتين لازالة الرؤوس السودا:

استخدمي قناع الجيلاتين بانتظام كل 15 يوم عشان تتخلصي من الرؤوس السودا, اخلطي الجيلاتين مع اللبن وحطيه في الميكروويف لمدة 10 ثواني وحطيه على بشرتك لحد ما ينشف وبعدين قشرية من على البشرة, وممكن تشوفوا من هنا بالتفصيل خطوات ماسك الجيلاتين لازالة الرؤوس السودا.. شوفوا من هنا طريقة ماسك الجيلاتين لعلاج الرؤوس السودا.

استخدمي قناع الجيلاتين لازالة الرؤوس السودا
استخدمي قناع الجيلاتين لازالة الرؤوس السودا

4- اغسلي بشرتك قبل النوم:

قبل ما تنامي اغسلي وشك بالغسول المناسب لبشرتك او بمية دافية عشان تنضفي المسام من الاتربة والبكتيريا.. شوفوا من هنا افضل انواع غسول البشرة.

اغسلي بشرتك قبل النوم
اغسلي بشرتك قبل النوم

5- حطي صن بلوك:

لو بتنزلي في الشمس لازم متنسيش الصن بلوك قبل ما تعرضي بشرتك للشمس عشان تحميها من الاشعة فوق البنفسجية لانها من اكتر الاسباب اللي بتسبب التجاعيد المبكرة للبشرة, وبقع الجلد, والنمش, وحتى سرطان الجلد.. تقدروا تشوفوا من هنا افضل انواع الصن بلوك لكل نوع بشرة.

حطي صن بلوك
حطي صن بلوك

6- اشربي مية كتير:

اشربي كمية كفاية من المية يوميا لان ليها دور مهم جدا في ترطيب البشرة وحمايتها من الجفاف, وبتنقيها من الشوائب.

اشربي مية كتير
اشربي مية كتير

7- استخدمي جل الصبار:

جل صبار الالوفيرا من الحاجات المفيدة جدا للبشرة, ممكن تحطي منه يوميا تحت العين وحوالين الفم وتنامي بيه وتغسليه الصبح, الطريقة دي بتحمي البشرة من التجاعيد والخطوط الرفيعة اللي بتظهر في الاماكن دي بشكل خاص, ممكن تكرري الوصفة من مرتين لتلات مرات في الاسبوع.

استخدمي جل الصبار
استخدمي جل الصبار

8- اتخلصي من القلق:

حاولي انك تتخلصي من القلق والتوتر والاجهاد لان الحالة النفسية من اكتر الحاجات اللي بتأثر بشكل سلبي جدا على البشرة.

اتخلصي من القلق
اتخلصي من القلق

9- زيلي المكياج:

متنسيش خطوة ازالة المكياج قبل النوم يعني منكسلش ابدا وننام بيه لانه بيسد مسام البشرة وبيسبب ظهور الحبوب وبيخلي شكلها مش صحي.. ممكن تشوفوا من هنا طرق لعمل مزيل المكياج في البيت بمكونات طبيعية.

زيلي المكياج
زيلي المكياج

10- اشربي ديتوكس:

حاولي على الاقل مرة في الشهر اشربي مشروب الديتوكس اللي بيسموه دايما مشروب الجمال لانه بيطرد السموم من الجسم وبيحافظ جدا على نضارة البشرة, ممكن تخلطي بنجر مع عصير برتقان وجزر وتفاح ونص خيارة وشوية كرفس اضربيهم مع بعض في الخلاط واشربيهم المشروب ده بيرطب البشرة وبيطرد السموم.. ممكن تشوفوا من هنا 5 وصفات لمشروبات الديتوكس.

اشربي ديتوكس
اشربي ديتوكس

11- مارسي رياضة:

الرياضة مهمة جدا مش بس لصحة الجسم كمان لصحة البشرة لانها بتعزز عملية الايض وده بيحفز عملية تجديد البشرة وهيحافظ عليها دايما صحية.

مارسي رياضة
مارسي رياضة

12- قشري البشرة:

حافظي على تقشير البشرة بانتظام كل 15 يوم باي كريم مقشر او بمقشر طبيعي باستخدام مكونات طبيعية زي خلط الزبادي والسكر وفرك البشرة في حركات دائرية, ده بيساعد على تقشيرها وتجديد خلايا الجلد.. شوفوا من هنا طريقة تقشير البشرة في البيت بمكونات طبيعية كأنك في ال SPA.

قشري البشرة
قشري البشرة

13- نامي كويس:

خدي ساعات كافية من النوم يوميا لان قلة النوم بيخلي البشرة مجهدة ومرهقة وباهتة, عشان كده لازم ننام كويس جدا ونوم عميق متواصل مش متقطع.

نامي كويس
نامي كويس

14- اعملي ماسكات للبشرة:

اهتمي انك تعملي ماسكات طبيعية للبشرة من مرتين لتلات مرات في الاسبوع, بالنسبة للبشرة الدهنية ممكن تستخدموا ماسكات بالشوفان, وللبشرة الجافة ممكن تستخدموا قناع الافوكادو لانه مغذي للبشرة وبيرطبها, ولو بشرتك مختلطة ممكن تستخدمي ماسك العسل والبابايا.

اعملي ماسكات للبشرة
اعملي ماسكات للبشرة

شوفوا من هنا 10 وصفات بالشوفان لجمال البشرة والشعر.

15- خدي بيوتين:

البيوتين من اكتر انواع الفيتامين اللي بتعزز عملية تجديد البشرة وبتحافظ عليها صحية وكمان مفيدة جدا لصحة الضوافر وبتخليها تنمو بشكل اسرع, ممكن تاخدي كبسولة واحدة كل يوم الصبح, والبيوتين هو فيتامين سولوتابل وده موجود بشكل طبيعي في المية عشان كده لازم نشرب كمية مية كفاية يوميا.

خدي بيوتين
خدي بيوتين

16- استخدمي الطين:

طين البحر الميت من الحاجات المفيدة اوي للبشرة وخصوصا الدهنية وللي بيعانوا من الدهون في منطقة التي زون T-Zone اخلطي الطين بالمية وحطيه على البشرة, واستخدميه بانتظام من مرتين لتلات مرات في الاسبوع.

استخدمي الطين
استخدمي الطين

17- استخدمي الخيار:

الخيار يعتبر صديق البشرة لانه بيرطبها وبيفتحها وبيحافظ على نضارتها, وزي ما كلنا عارفين شرايح الخيار من الحاجات المعروفة جدا لعلاج الهالات السودا, وعصير الخيار مفيد جدا للبشرة بشكل عام لو انتظمتي على استخدامه لانه يعتبر بلسم ومرطب للبشرة وبيساعد على تجدديها.

استخدمي الخيار
استخدمي الخيار

شوفوا من هنا 15 وصفة من الخيار لجمال بشرتك.

18- استخدمي اكياس الشاي:

اكياس الشاي مفيدة اوي للهالات السودا وعلاج انتفاخات العين, حطيه على عينك لعلاج الهالات وللانتفاخات ممكن تحطيه في التلاجة شوية قبل ما تحطيه على العين هيجيب معاكي نتيجة احسن, وممكن تستخدمي الشاي الاخضر مرتين في الاسبوع للبشرة كلها بيساعد على شد المسام وبيحمي البشرة من الشيخوخة وكمان ليه تأثير مضاد للبكتيريا.

استخدمي اكياس الشاي
استخدمي اكياس الشاي

شوفوا من هنا وصفات للبشرة من الشاي الاخضر.

19- اتجنبي رش البرفيوم على البشرة:

لما تيجي ترشي البرفيوم خلي بالك انك ترشي بعيد عن البشرة لان المكونات اللي فيه ممكن تضرها وتكسر الكولاجين اللي تحت الجلد.

اتجنبي رش البرفيوم على البشرة
اتجنبي رش البرفيوم على البشرة

20- اختاري نوع المكياج بعناية:

لما نيجي نختار المكياج ومستحضرات العناية بالبشرة بشكل عام لازم نختار انواع وماركات مضمونة ومعروفة عشان منضرش بشرتنا وافتكري دايما ان الجلد بيمتص على طول اي حاجة بتتحط عليها عشان كده لازم نخلي بالنا من اي حاجة بنحطها على البشرة ونختار الحاجات اللي متضرهاش.

اختاري نوع المكياج بعناية
اختاري نوع المكياج بعناية

لو مشينا على الحاجات دي وخليناها اسلوب حياتنا على طول بشرتنا هتختلف خالص وهتفرق معانا اوي وهنلاقي البشرة بقى شكلها صحي جدا ونضرة على طول.

12 مكون طبيعي هيساعدك تحافظي على بشرتك شباب على طول

12 مكون طبيعي هيساعدك تحافظي على بشرتك شباب على طول
12 مكون طبيعي هيساعدك تحافظي على بشرتك شباب على طول