ايه هو صابون النوتيلا nutella soap و ازاى تعمليه بالصور و الفيديو !

تقريبا محدش فينا مبيحبش شوكولاتة نوتيلا nutella  و كتير بندخلها فى السندوتشات او وصفات الحلو، و الحقيقة انه النوتيلا مش بس للاكل .! فى المقال ده بنات حوا جايبالك وصفة جديدة خالص للنوتيلا مكنتيش تعرفيها قبل كده . هتعرفى معانا ايه هو صابون النوتيلا للايدين nutella hand wash soap  وازاى تعمليه فى 3 خطوات سهلة و بسيطة بالصور و الفيديو ..

ايه هو صابون النوتيلا Nutella Soap و ازاى تعمليه بالصور و الفيديو !

الادوات اللى هتحتاجيها :

-علبة نوتيلا فاضية . 
– مسدس شمع .
– حوالى معلقتين اكل من الكاكاو او مقدار مساوى من شوكولاتة نوتيلا.
-اى نوع صابون للايدين تحبيه .

طريقة التحضير : 

1- فى طبق فاضى هتحطى مقدار مناسب من اى صابون للايدين بتحبيه و تضيفى عليه حوالى معلقتين اكل من الكاكاو اوشوكولاتة نوتيلا او استخدمى  مقدار مناسب لكمية الصابون و تقلبيهم ببعض كويس لحد ما يندمجوا تماما. 

2- فى الخطوة الثانية هتفضى خليط الصابون و الكاكاو فى علبة نوتيلا فاضية و مغسولة من قبل كده .

3- هاتى غطاء علبة النوتيلا و pump او مضخة من اى علبة صابون او شامبو قديمة عندك و الزقى المضخة فى الغطاء بانك تعملى فتحة صغيرة فى الغطاء و تعدى منها المضخة و بعدين تثبتيها كويس بمسدس الشمع .

بكده يبقى صابون النوتيلا جاهز عندك و تقدرى تستخدميه !

شوفى كمان فيديو كامل لكل الخطوات ، جربى الوصفة و قوليلنا رايك :)