ستايلات أنيقة للبس الجاكت والبالطو القطيفة SUEDE JACKETS

بقلمآية حسان فيموضة وأزياء visibility6288

موضة القطيفة هى الموضة المسيطرة أو المنتشرة في ملابس الخريف و الشتاء للسنة دى، و لانه مينفعش ييجى الشتاء من غير ما يبقى فيه جاكت يدفينا وسط الجو الساقعه ، و كل شتاء بتبقى الجواكت كتيرة بأنواعها و خاماتها و الوانها المختلفة،  الجاكت والبالطو القطيفة ظهر جدا فى دور و عروض الازياء الكبيرة و هنشوفها كتير الشتاء ده . شوفى معانا ستايلات أنيقة للبس الجاكت والبالطو القطيفة suede jackets و اختارى منهم الستايل اللى يناسبك .

ستايلات أنيقة للبس الجاكت والبالطو القطيفة ..

ممكن تلبسي الجاكت او البالطو القطيفة مع اى حاجه تحبيها. لانهم متوفرين بتصميمات و ستايلات متنوعة علشان كده اكيد هتقى واحد يناسبك . اكتر الوان بنلاقيها منتشرة فى الجاكت او البالطو القطيفة هى درجات اللون البنى و خصوصا البنى الكريمى، البيج و درجات البنى الغامقة. و لو عايزة تلبسي لون مختلف و مميز ممكن تختارى الجاكت القطيفة باللون الاخضر، الكحلى و الاحمر . البسى الجاكت القطيفة مع سكينى جينز و توب مناسب او ممكن تلبسيه مع فستان و بوت برقبة لفوق الركبة . شوفى معانا البوم كامل لستايلات الجاكت القطيفة ..

تقدرى  كمان تلبسي البالطو القطيفة suede coat و هتلاقيهم  متوفرين بالوان و ستايلات مختلفة، و مناسبين للشغل او الخروجات الفورمال شوية و ممكن تلبسيهم مع بوت برقبة قصيرة او برقبة عالية على جينز حسب ما تحبي .  و تلبسي مع الجاكت او البالطو القطيفة البوت القطيفة او الـ suede boots لانه النوع ده من الشوز معمول من نفس خامة الجاكت او البالطو فهيكملوا بعض و هيبقى شكلهم متناسق و مثالى .

شوفى معانا كمان افكار مختلفة لـستايل  الجاكت المنفوخ Bomber Jacket و ازاى تلبسيه !