6 تمارين ممكن تعمليهم قبل ما تقومي من السرير لتنشيط الجسم وتحسين المود

بقلمريهام محمود فيصحة visibility2195

التمارين الرياضية انواعها كتير وبتختلف في منها لتخسيس الجسم كله او لمناطق معينة لكن في نوع كمان من التمارين مفيد في ناحية تانية خالص وهي انها بتخليكي مستعدة لليوم وبتحسن مزاجك جدا, وبتظبط عمل اجهزة الجسم كله, ومفيدة جدا كمان للعمود الفقري والتمارين دي هتعمليها وانتي لسه في سريرك قبل ما تقومي يعني اول حاجة هتعمليها اول ما تفتحي عينك هي التمارين دي عشان تهيئي نفسك وجسمك ومودك لليوم, وهو ده اللي هنعرفه من خلال مقالنا النهاردة.

6 تمارين ممكن تعمليهم قبل ما تقومي من السرير لتنشيط الجسم وتحسين المود:

تمارين تعمليهم قبل ما تقومي من السرير
تمارين تعمليهم قبل ما تقومي من السرير

1- التمرين الاول:

اول حاجة هتشيلي المخدة من تحت راسك خالص قبل ما تبدأي في التمارين وهتجيبي فوطة تبرميها وتستخدميها في التمارين.

اول تمرين هنجيب الفوطة نحطها تحت منطقة الضهر ونخلي الذراعين مفرودين لورا وجسمنا كله مفرود, وحاولي انك تسترخي خالص وتبتسمي اثناء التمرين, واثبتي على الوضع ده لمدة دقايق.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

2- التمرين التاني:

في التمرين ده هنحط الفوطة تحت الرقبة, هنفرك الكفين في بعض لحد ما نلافيهم بقوا دافيين وبعدين تبدأي تفركي وشك بكفك كأنك بتغسليه ومنطقة الجبهة ومؤخرة الرأس وبعدين تروحي حولين منطقة الاذن, واعملي نفس الطريقة لمنطقة الرقبة والصدر والبطن هتفركي الكفين وتبدأي تفركي المناطق دي.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

3- التمرين التالت:

هنحط الفوطة تحت الرقبة, هترفعي ايدك اليمين لفوق وتمسكيها بايدك الشمال بقوة وتبدأي تدلكي بيها الايد من اول الصوباع الصغير وتنزلي واحدة واحدة لحد الكوع وتنزلي تدلكي باقي الذراع من تحت لحد ما تنزلي عند خط الوسط, وتكرري نفس التمرين للايد التانية.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

هنعمل نفس التمرين للرجل هترفعي رجلك اليمين تسنديها على الرجل الشمال وتدلكيها كلها من اول الصوباع الكبير وتنزلي على منطقة الكاحل والساق والفخد, وتعملي نفس التمرين للرجل التانية.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

4- التمرين الرابع:

زي ما انتي نايمة على ضهرك وحاطة الفوطة تحت الرقبة هتتني الركبتين, وتمسكي الرجل اليمين من عند منطقة الصوابع والكعب وتبدأي تفركيها بقوة, يعني اضغطي على المناطق اللي بتلمس الارض وانتي ماشية اللي هي متركزة عند الصوابع والكعب.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

5- التمرين الخامس:

هتفردي جسمك وتخلي ايديكي مفرودة ورا راسك وتشبكي صوابعك في بعض, هتشدي الايد وفي نفس الوقت ترفعي صوابع رجلك لفوق والكعب لتحت, وبعدين تنزلي الذراعين ببطء وتنزلي صوابع الرجل وتعمليهم زي حركة راقصة البالية, وتكرري الحركة اكتر من مرة.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

الجزء التاني من التمرين هتتني الرجل الشمال للجنب وتخلي الايد الشمال مفردة لورا والايد اليمين جنبك والرجل اليمين مفرودة, وبعدين تعملي نفس الحركة للرجل والايد في الجنب التاني, وتكرري الحركة اكتر من مرة.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

6- التمرين السادس:

بردو زي ما انتي نايمة على ضهرك والفوطة تحت رقبتك هتفردي الذراعين للجنب وتتني الركبتين وتميليهم ناحية اليمين بزاوية بسيطة وفي نفس الوقت تلفي راسك ناحية اليمين, وتكرري نفس الحركة للجنب التاني هتميلي الركبتين ناحية الشمال وتلفي الراس ناحية اليمين.

تمارين تعمليهم قبل ما تقومي من السرير
تمارين تعمليهم قبل ما تقومي من السرير

كده بعد ما خلصتي التمارين تقدري تقومي من على السرير وهتبقي مستعدة ليومك جدا بكل نشاط وايجابية.

شوفي كمان 10 تمارين تعمليهم في البيت هيساعدوكي تحرقي calories اكتر طول اليوم

10 تمارين تعمليهم فى البيت هيساعدوكى تحرقى calories اكتر طول اليوم
10 تمارين تعمليهم فى البيت هيساعدوكى تحرقى calories اكتر طول اليوم