Bomber Jacket تلبسي ايه اليومين دول! جربي الجاكت المنفوخ
الجاكت المنفوخ او الـ Bomber Jacket هو المسيطر على موضة الجواكت لملابس خريف و شتاء 2017 ، المميز فيه انه متوفر بأسعار مختلفة و مناسبة و كمان الوانه و اشكاله كتيرة و متنوعة،يعني ممكن تختارىه بالالوان الموحدة او تختارىه بشكل تريندى أكتر بنقشات او الوان متداخلة مع بعضها.
و الميزة المهمة فى الجاكت المنفوخ انه مرن وممكن تلبسيه على اكتر من ستايل و فى مناسبات مختلفة بالنهار او بالليل ، فى الشغل او فى الجامعه و كمان فى خروجاتك مع اصحابك او المناسبات اللى مبتقاش محتاجه لبس فورمال او لبس محدد.
محتارة تلبسي ايه اليومين دول ! جربى الجاكت المنفوخ Bomber Jacket ..
زي ماقلنا إنتي ممكن تلبسي الجات المنفوخ باكتر من ترند أو ستايل يعني ممكن تخلي اللوك باعك رياضى تماما لو لبستي معاه تشيرت و جينز و شوز فلات أو sneakers ، و لو عايزة لوك شيك وفورمال أكتر البسي الجاكت المنفوخ مع شوز بكعب عالى و توب مناسب مع سكينى جينز ، و ممكن كمان تلبسيه على الـ dresses النهارية او الكاجوال . و اكبر ميزة للجاكت المنفوخ انه تقدرى تلبسيه مهما كانت طبيعة جسمك مليانة او رفيعه و سواء كنتى طويلة او قصيرة و بيطلع شكله شيك و حلو.
شوفى معانا كمان البوم لستايلات و اشكال مختلفة للجاكت المنفوخ Bomber Jacket ..
شوفى معانا كمان 10 افكار ازاى تلبسي لون الروز باستيل المسيطر على الموضة السنة دى