ستايل البوت القطيفة وإزاي تدخليه في ال outfit بتاعك

بقلمآية حسان فيموضة وأزياء visibility5268

دخلنا خلاص فى الخريف وبدأنا نجهز لبس الشتا و ستايل مهم جدا فى لبس الخريف والشتاء هو ستايل البوت القطيفة سواء كانت برقبة قصيرة أورقبة كاملة او Half / Ankle  Boot . فى موضة شتاء 2017 البوت القطيفة او الـ suede boots  منتشر بشكل كبير جدا و علشان كده بنرشحهولك انه يبقى موجود ضمن دولابك السنة دى.. هتلاقيه متاح بألوان و اشكال مختلفة تقدرى تختارى بينهم ، فى المقال ده هنوريكى البوم كامل لستايل البوت القطيفة وإزاي تدخليه في ال outfit بتاعك بأكتر من ستايل عشان تختارى منهم اللى يناسبك .

ستايل البوت القطيفة وإزاي تدخليه في ال outfit بتاعك

افكار ل outfits بـboots فوق الركبة :

خبراء الازياء بيعتبروا دايما انه البوت الطويل لحد فوق الركبة قطعه اساسية لازم تبقى موجوده فى هدوم الشتاء، النوع ده من البوت القطيفة بتلاقيه متوفر باشكال و الوان مختلفة و بأسعار متنوعة لكن لازم تخدى بالك انك تشترى البوت اللى على مقاسك و مناسب لشكل رجلك بالضبط و ميكونش واسع او فارق عن الرجل، ممكن تلبسيه مع جينز او مع فستان او جيبة قصيرة. و لو مبتحبيش تلبسي البوت كتير ممكن تكتفى بأنك تشترى واحد باللون الاسود علشان تقدرى تلبسيه اكتر من مرة فى اكتر من outfit ستايل البوت القطيفة ..

اما ستايل البوت القطيفة اللى بيبقى لحد الكعب او الـhalf boot بيبقى شكلهم حلو جدا مع البنطلونات الـskinny سواء الجينز او القماش و ممكن تلبسيهم على الفساتين و الجيبات الماكسى الطويلة ، بنلاقيهم منتشرين اكتر من البوت اللى رقبته طويله لانهم اسهل فى اللبس و عمليين اكتر و بيناسبوا البنات الطوال او القصيرين  ..