16 حيلة لشفايف جميلة ومغرية !

ريهام محمود
ريهام محمود
في
مكياج
20869

كل البنات دايما بيحبوا يدوروا عن كل حاجة خاصة بجمالهم وازاي يطلعوا باحلى لوك وايه الطرق الصح اللي تطلع الميك بتاعنا بشكل مثالي وحلو, عشان كده احنا دايما بنجيب لكل بنات حوا كل حاجة تخليهم احلى واجمل والنهاردة هنقولكم على 16 حيلة هتخلي شفايفكم جميلة ومغرية.

16 حيلة هتخلي شفايفك جميلة ومغرية:

1- حطي زبدة كاكاو:

من الحيل واسرار المكياج اللي هتخلي شفايفك تطلع شكلها احلى انك تحطي زبدة كاكاو قبل الروج او احمر الشفايف كأساس ليه هيطلع الروج بشكل احلى ده غير انه هيرطب الشفايف جدا.

حطي زبدة كاكاو
حطي زبدة كاكاو

2- للون روج طبيعي:

لو عندك لون روج وحاسة انه فاقع او اوفر اوي وعايزاه يكون اخف ممكن تعملي حيلة بسيطة جدا انك تحطي منه طبقة رقيقة اوي على نص الشفايف وتفرديها بصوابعك على شفايفك كلها بالطريقة دي اللوك هيطلع طبيعي اوي.

للون روج طبيعي
للون روج طبيعي

3- لشفايف ممتلئة:

لو عايزة شفايفك تبان ممتلئة اكتر, كل اللي هتعملية انك هتحطي طبقتين من الروج, الطبقة الاولى على شفايفك كلها بلون غامق, والطبقة التانية بلون افتح على نص الشفايف بس وامزجي اللونين مع بعض بصوابعك او بفرشة الروج بالحيلة دي الشفايف هتطلع شكلها ممتليء.

لشفايف ممتلئة
لشفايف ممتلئة

4- عشان تخلي الروج مات:

لو عندك لون روج بيلمع وعايزة تخليه مات ممكن تحوليه بطريقة بسيطة جدا, هتحطي الروج بتاعك عادي وبعدين تجيبي بودرة شفافة تحطيها على شفايفك وتسيبيها لمدة دقيقة وبعدين بالفرشة شيلي اي بودرة زيادة من على الشفايف هتلاقي اللون بتاعك اتحول لمات وكمان هتثبت الروج لفترة اطول.. شوفي من هنا 6 اسباب هيخلوكي تحبي الروج المات.

عشان تخلي الروج مات
عشان تخلي الروج مات

5- اعملي الروج بنفسك:

ممكن تعملي روج بنفسك باي لون انتي عايزاة باستخدام الفازلين والايشادو, كل اللي هنعمله هنجيب الفازلين واي لون ايشادو عندك عايزة تعملي منه روج وتخلطيه مع الفازلين وكده يبقى الروج جاهز عندك تستخدميه على شفايفك بالفرشة او بصوابعك.

اعملي الروج بنفسك
اعملي الروج بنفسك

6- قلم تحديد الشفايف:

قلم تحديد الشفايف اختياره مهم جدا عشان يطلع الشفايف شكلها حلو, المفروض انه قلم التحديد يكون نفس درجة لون الروج مش اغمق عشان كده احسن حاجة حاولي تشتري قلم التحديد مع الروج عشان تجيبيه نفس الدرجة.. اعرفي من هنا طريقة تحديد الشفايف زي المحترفين.

قلم تحديد الشفايف
قلم تحديد الشفايف

7- عشان تحددي الشفايف بدقة:

عشان ترسمي الشفايف بخط دقيق ومظبوط ممكن بعد ما ترسميه تستخدمي منديل او عود قطن او وسادة قطنية عشان تظبطي الرسمة وتمسحي اي حاجة مش مظبوطة.

عشان تحددي الشفايف بدقة
عشان تحددي الشفايف بدقة

8- اعملي تحديد الشفايف بلون جديد:

لو عندك اكتر من قلم تحديد وزهقتي منهم كلهم وعايزة لون جديد ممكن تعملي ميكس بينهم يعني حطي اكتر من لون على بعض هيطلع معاكي لون جديد ومختلف خالص عن اللي عندك.

اعملي تحديد الشفايف بلون جديد
اعملي تحديد الشفايف بلون جديد

9- استخدمي طريقة الاومبري:

من الحيل اللي بتطلع شكل الشفايف احلى وبتبرز جمالها اوي هي طريقة رسم الشفايف اومبري اللي بتعتمد على تدريج لون الشفايف ما بين الغامق والفاتح, ممكن تخلي مثلا الزوايا الخارجية للشفايف غامقة وفي النص افتح.. شوفي من هنا طريقة تلوين الشفايف اومبري بالخطوات.

استخدمي طريقة الاومبري
استخدمي طريقة الاومبري

10- لشفايف اكبر:

لو شفايفك رقيقة اوي وعايزة تبينيها بحجم اكبر ممكن تعملي ده بحيلة بسيطة اوي انك بعد ما تحطي الروج جيبي ملمع شفايف وحطيه على منطقة نص الشفايف بس هيدي حجم اكبر لشفايفك.. شوفي من هنا طرق طبيعية لتكبير الشفايف.

لشفايف اكبر
لشفايف اكبر

11- عشان تثبتي الليب جلوس lip Gloss:

من المشاكل اللي بتقابلنا مع الليب جلوس او ملمع الشفايف انه بعد ما نحطه بفترة قصيرة بيتلخبط ويسيح وبيخلي شكل الشفايف مش حلو وعشان نحل الموضوع ده بعد ما نحطه ممكن نحط عليه طبقة رقيقة من البودرة الشفافة ونستخدم منديل على الشفايف بطريقة الضغط عشان نشيل بيه اي بودرة زيادة.

عشان تثبتي الليب جلوس
عشان تثبتي الليب جلوس

12- اعملي لمعان طبيعي للشفايف:

لو عايزة لمعان طبيعي للشفايف ممكن تستخدمي الهايلايتر تحطي منه طبقة رقيقة على منطقة نص الشفايف.

اعملي لمعان طبيعي للشفايف
اعملي لمعان طبيعي للشفايف

13- عشان تبرزي شفايفك:

لو عايزة تبرزي شكل الشفايف اكتر, ارسمي خط بقلم تحديد الشفايف فوق رسمة شفايفك الاصلية وبعدين املي اللي انتي حددتيه بالروج, الحيلة دي بتبرز شكل الشفايف اوي وبتخلي شكلهم اكبر.

عشان تبرزي شفايفك
عشان تبرزي شفايفك

14- ابعدي عن الروج الغامق:

لما تيجي تختاري الوان الروج حاولي انك تبعدي عن الالوان الغامقة اوي لانها بتبين شكل الشفايف اصغر.

ابعدي عن الروج الغامق
ابعدي عن الروج الغامق

15- عشان تخلي شفايفك ناعمة:

عشان تحافظي على شفايفك دايما ناعمة وشكلها حلو, قشريهم بانتظام باستخدام فرشة السنان افركي بيها الشفايف عشان تشيلي الجلد الميت وتحافظي عليها ناعمة وصحية.

عشان تخلي شفايفك ناعمة
عشان تخلي شفايفك ناعمة

16- حطي الروج وملمع الشفايف بطريقة صح:

لو هتستخدمي روج بألوان فاتحة ومنورة او ملمع شفايف حطيه بطريقة صح وهو انك تبدأي تحطيه من نص الشفايف الاول وبعدين للزوايا, ده هيخلي الشفايف يطلع شكلها احلى وممتليء اكتر.

حطي الروج وملمع الشفايف بطريقة صح
حطي الروج وملمع الشفايف بطريقة صح

شوفي كمان 10 نصايح لوضع الروج هيفرقوا معاكي

نصايح لوضع الروج
نصايح لوضع الروج

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

7 حيل مكياج محتاجة تعرفيهم هتحسن مكياجك

7 حيل مكياج محتاجة تعرفيهم هتحسن مكياجك

خدعة فعالة بالآيلاينر ترفعي بيها الجفون المترهلة في 3 ثواني

خدعة فعالة بالآيلاينر ترفعي بيها الجفون المترهلة في 3 ثواني