اكتشفي شخصيتك من لون المانيكير المفضل عندك !

لو بتحبى لون معين من الوان المانيكير و بتحسي انه مهما تجربى الوان دايما بترجعيله.. وعلشان المانيكير مش مجرد لون لكن كمان بيقول الكتير عننا . فى المقال ده  هتتعرفى معانا على شخصيتك من لون المانيكير المفضل عندك و كل لون بيحكى ايه عن شخصيتك ..

اكتشفي شخصيتك من لون المانيكير المفضل عندك !

اللون الاصفر – الدهبى : 

اللونين الاصفر و الدهبى بدرجاتهم بيختاروهم الناس اللى دايما واثقين و فخورين بنفسهم و تصرفاتهم نبيلة و متمسكين بمبادئهم، اللى بيفضلوا الالوان دى عادة بيكونوا شخصيات جرئية و منطلقة . 

2- اللون الاخضر : 

محبين المانيكير باللون الاخضر محبوبين جدا بين قرايبهم ودايرة معارفهم، و اصدقائهم، معروفين بالتفاؤل و الديبلوماسية و بيعتبروا نفسهم اشخاص مبدعين و بيحبوا يجربوا كل و اى حاجه .

3- اللون الازرق : 

محبين المانيكير اللون الازرق بدرجاته المختلفة بيعتبروا شخصيات منطلقة و محبة للحرية، و بيحبوا الناس جدا . و كمان بيتمتعوا بالسلام الداخلى بدرجة كبيرة و متصالحين مع نفسهم.

4- البمبى و الـ pink : 

الالوان دى بدرجاتها بتفضلها البنات اللى شخصياتها متحفظة، جادة و انطوائية شوية .

5- اللون الاحمر : 

المانيكير باللون الاحمر بيختاروه البنات اصحاب الشخصيات المنطلقة اللى ماشيين منطق ” يا كل حاجه يا ولا حاجه “، و بيحبوا يكملوا فى اى حاجه بيعملوها للاخر. مغامرين و بيسعوا للى عايزين يحددوه .

6- الالوان الهادية ” الطبيعيه ” :

الالوان الطبيعيه و الهادية او الوان الباستيل بيختاروهم الشخصيات العملية اللى عايششين بمادئهم و قواعدهم الشخصية، و لو حد كسر قواعدهم الشخصية فى التعامل معاهم بيتفاجئوا و بيغضبوا جدا .

7- اللون الاسود : 

المانيكير باللون الاسود بيفضلوه البنات اللى شخصياتهم حادة و قوية ، و دايما بيحاولوا يوصلوا لحل وسط لكن ده مش معناه انهم بيتنازلوا. العكس بيدافعوا عن حقوقهم الشخصية وارائهم للاخر . 

8- الاضافر بدون مانيكير : 

البنات اللى مبيحبوش يحطوا مانيكير على ضوافرهم هما الشخصيات اللى بيحاولوا يتحصلوا على اكتر استفادة من كل حاجه بأقل مجهود ممكن و تفكيرهم عملى زى الرجاله و نشيطين جدا .