طريقة عمل سبراى لعلاج الشعر الجاف فى البيت بخطوات سهلة و بسيطة
الشعر الجاف مشكلة صعبة و بتقابل كتير مننا و بتبقى مزعجة ، لانه جفاف الشعر بيخلى شعرنا دايما مجهد و شكله تعبان و بيفقده اللمعان و النعومة ، علشان كده فى المقال ده بنات حوا هتساعدك تحلى مشكلة الشعر الجاف ، هتعرفى معانا اسباب الشعر الجاف و ازاى تعملى سبراى لعلاج الشعر الجاف بنفسك فى البيت و بسهولة علشان تحافظى على شعرك متغذى و مرطب بدون اى مواد كيميائية و بمكونات طبيعية 100 %
اعرفى معانا طريقة عمل سبراى للشعر الجاف فى البيت بخطوات سهلة و بسيطة
خلينا فى الاول نتكلم عن اسباب جفاف الشعر :
الشعر الجاف بيتكون بسبب حاجات كتير ، و مش لازم يكون شعرك جاف بطبيعته لكن ممكن يكون كان ناعم و صحى و يتحول لشعر جاف للاسباب دى :
– عالية المسامية ” مسام فروة الرأس كتيرة ” .
– الغسيل المفرط للشعر مع الصابون أو الشامبو
– المناخ الجاف والحار (الهواء الجاف)
–امراض خلل الغدة الدرقية
– سوء التغذية
– الإفراط في استخدام مجففات الشعر” السيشوار و المكواة ” .
– فقدان الشهية
– تصفيف الشعر الزائد
– التعرض لأشعة الشمس
– السباحة في المياه المعالجة بالكلور
– عدم ترطيب الشعر بشكل مناسب
– استخدام العلاجات الكيميائية المفرطة ، زى صباغات الشعر.
ايه هى أعراض الاصابة بجفاف الشعر؟
– عدم وجود بريق وتألق.
– نسيج الشعر هش و بيتكسر بسهولة.
– الشعر متشابك.
– شعر خشن.
– تكسر الشعر.
– حكة فروة الرأس.
طريقة عمل سبراى للشعر الجاف :
وصفات سبراى للشعر الجاف هتساعدك فى تقوية الشعر، معالجة الاطراف المتقصفة و هتخلى شعرك يلمع. جربى معانا الوصفات دى :
1- سبراى الشعر الجاف لتقوية الشعر:
هتحتاجى حوالى 250 ملل من منقوع البابونج او الكاموميل “بيتحضر بانك تغلى البابونج و صفيه و تاخدى المياة بتاعته” ، 20 نقطة من زيت بذؤة الكتان، 5 نقط من اى زيت عطرى تفضليه. امزجى المكونات دى مع بعضها و حطيهم فى ازازة سبراى، استخدميه على شعرك من مرتين ل، 3 مرات فى اليوم ، مع الاستخدام المنتظم شعرك الجاف هيبدأ يتسحن وهيبقى جميل ولامع، الخليط ده صالح لمدة شهر .
2- وصفة سبراى للشعر شديد الجفاف:
هتحتاجى 5 مل من المية المعدنية ، معلقتين اكل من عصير الليمون، 10 نقط من اى زيت عطرى تفضليه . امزجى كل المكونات دى مع بعضها كويس و استخدميه على شعرك مرة او مرتين كل يوم ، السبراى ده هيمد شعرك الجاف بالترطيب اللى محتاجه و صالح للاستخدام لمدة اسبوع .
3- سبراى الليمون و المية المعدنية لتصفيف الشعر الجاف:
هتحتاجى كوباية مية معدنية ، نقطتين من الكحول و ليمونة، قطعى ليمونة شرايح و حطيها فى طاسة وحطى عليها كوباية المياة و حطيهم على النار و سيبيه تغلى لحد ما حجم المية يقل للنص ، ضفى المية من الليمون و بعدين ضيفى الكحول على المياة ، استخدمى السبراى ده بوفرة قبل ما تصففى شعرك باستخدام السيشوار او المكواة .