حللي شخصيتك من نوع القهوة اللى بتحبيها !

بقلمآية حسان فيمنوعات visibility5229

تقريبا مفيش حد فينا مبيحبش القهوة ، مش بس لانها ضرورية فى يومنا و لازم الصبح نشرب قهوة علشان نصحصح و نقدر نكمل اليوم ، و لكن لان القهوة كتير بتبقى هى الحاجة اللى محتاجينها علشان نعدل مزاجنا ونستمتع بوقت معين فى اليوم و يا سلام لو معاها مشغلين المزيكا اللي بنحبها، عشان كده فيه دراسة اتعملت هتورينا القهوة ممكن تقول ايه عن شخصية كل واحد فينا ، فى المقال ده هتعرفى معانا نوع شخصيتك من نوع القهوة اللى بتحبيها واختيارك للقهوة بيقول ايه عنك !

شوفي تحليل لشخصيتك علي حسب نوع القهوة اللى بتحبيها !

اعرفى معانا ايه هو نوع شخصيتك من نوع القهوة اللى بتحبيها !
اعرفى معانا ايه هو نوع شخصيتك من نوع القهوة اللى بتحبيها !

1- القهوة التركى و الاسبريسو : 

محبين القهوة التركى و القهوة الاسبريسو بيميلوا للبساطة والجو الكلاسيك فى حياتهم عموما. مش بمعنا انهم قدام فى اختيارتهم لكنهم بيميلوا للهدوء و البعد عن الدوشة فى كل امورهم خاصة فى اختيار الملابس و بيميلوا للستايل الكاجوال و الستايل الكلاسيك، و كمان عقلانيين جدا فى قرارتهم . معروفين بالتزامهم و لما بيلتزموا بحاجه صعب اقناعهم يسيبوها ، ممكن يبقوا نقاد و صعب يسامحوا الناس على ضعفهم ، لكن مخلصين جدا لاصحابهم و عندهم استعداد يعملولهم اى حاجه .

2- القهوة السادة : 

عندهم قدرات ذهنية ممتازة و مبدعين ، و بيقدروا يشوفوا الحلو و المختلف فى اى حاجه . 

3- الكابتشينو : 

محبين الكابتشينو رومانسيين وحالمين بطبيعتهم، حساسين جدا واحيانا زيادة عن اللزوم لكن بيقدروا مشاعر الناس من حواليهم . بيقدروا الصدق و الاخلاص فى اصحابهم و مبيرفضوش انهم يناقشوا اى حاجه جواهم ، و دايما بيختاروا شغل فيه مساحه من الابداع و اللى بيبقى ليه علاقة بعلم النفس او الثقافة، لانهم بيبقوا مهتمين جدا يعرفوا الناس و يفهموهم.

نوع شخصيتك من نوع القهوة اللى بتحبيها
نوع شخصيتك من نوع القهوة اللى بتحبيها

4- اللاتيه و الموكا : 

اللى بيحبوا اللاتيه والموكا شخصياتهم بتبقى عفوية وهايبر جدا ، بيحبوا الالوان و الحفلات والرقص و الخروج للاكل فى المطاعم و معروفين وسط دايرتهم بشكل كبير، و بيحولوا كل يوم لحفلة ! بيقدروا يشتغلوا فى الشركات الكبيرة و معندهومش مشكلة فى انهم يتكلموا عن نفسهم و يتريقوا على حياتهم الشخصية، متفائلين جدا و سهل التعامل معاهم واى وقت معاهم بيبقى وقت حلو و ممتع. عدوهم الرئيسى هو الرتابة و الملل وانهم ممكن ينخدعوا بسحر اى شخص بسرعه و من غير ما يفكروا لكن بيقدروا يتعاملوا مع اى مشاكل بتقابلهم و يحلوها .

5- الامريكان كوفى American coffee:

فى حياتهم عموما بيميلوا للحلول الوسط، عقلانيين و متزنين و بيعرفوا ازاى يوازنوا بين تناقضات الحياة، و ازاى يبعدوا عن المشاكل و الصراعات و صادقين جدا و بيلتزموا بمبادئهم. بيحبوا الراحة و ده ممكن يخليهم يشتروا عربية غالية جدا لمجرد انها مريحة ، و يقضوا اجازة فى ففندق 5 نجوم و يجهزوا شقتهم بأغلى و احدث الاهزة ، بيصرفوا كتير و مبيفضلوش اى حاجه على راحتهم . و عموما بيحبوا الحرية فى علاقاتهم بأصدقائهم او نصهم الثانى و مبيطيقوش الكدب ، عقلهم بيحلل كل حاجه و بيفكروا فى كل حاجه بشكل عميق ، و غالبا بيحبوا يشتغلوا فى البنوك او الاحصائيات و الدراسات .

6- القهوة المثلجة cold coffee drinks:

محبين مشروبات القهوة المثلجة معروفين بحيويتهم و دايما مستعجلين و مبيعرفوش الانتظار، مزاجيين ، فضوليين و بيعرفوا يشاركوا بحماس مع الافكار او الشخصيات الجديدة. بيقدروا يدافعوا عن الحاجات اللى بيؤمنوا بيها بشكل ممتاز ، مبيعملوش حساب لكلام الناس و بيعبروا عن آرائهم بشكل مباشر. دمهم الحامى و رغبتهم فى انهم يقولوا الحقيقة اوقات كتير بتعملهم مشاكل، لكنهم معندهومش مشكلة فى ده و شايفين انه الحقيقة دايما اهم، الشئ الاساسى بالنسبه لهم انهم يؤمنوا بحاجه ، و اما بيؤمنوا بحاجه و يبقوا عايزين ينفذوها بيقدروا بحماسهم يحركوا الجبال !

بكده تكونى عرفتى معانا نوع شخصيتك من نوع القهوة اللى بتحبيها ، قوليلنا بتحبى قهوتك ازاى و ايه رأيك :D