افضل اوضاع للتصوير هتطلعك زي الموديلز في الصور .. شوفيهم معانا
لكل بنات حوا اللي بيحبوا التصوير جايبنلكم النهاردة افضل اوضاع التصوير اللي ممكن تعمليها وانتي بتتصوري, والحركات دي مش بس للتجديد في الصور كمان هي تعتبر افضل اوضاع اللي هتبينك بشكل حلو في الصور وهتبرز مميزات الوش والجسم وهتداري الديفوهات او العيوب يعني حتى البنات اللي مش بيحبوا التصوير عشان مش بيعرفوا يظبطو الصور او بيحسوا ان صورهم بتطلع مش حلوة لو جربتو الحركات دي هتحبو انكم تتصوروا.
ياللا نشوف مع بعض افضل اوضاع ممكن تعمليهم وانتي بتتصوري:
ال pose ده من البوزات الحلوة اوي اللي هيبينك ارفع في الصور, تقفي بالجنب وترفعي كتفك لفوق شوية ودقنك لتحت.
الوضع ده بتركزي وزن جسمك كله على رجل واحدة او على جنب واحد بس.
الوضع ده مناسب اوي لو عايزة تاخدي بورتريه او صورة كبيرة.
اللقطة ده مع البنات اللي شعرهم طويل هتطلع تحفة اوي تميلي راسك بزاوية لورا مع تأثير الهوا على الشعر اللقطة هتطلع تحفة اوي جربوها.
الحركة دي مريحة اوي وممكن تاخدي اللقطة دي في اي مكان سواء كنتي في البيت او في الاستديو او في مكان مفتوح.
ممكن تاخدي لقطة زي دي وانتي قعدة على الكنبة ورافعة رجلك الاتنين لفوق.
ممكن تجربي لقطة زي دي تتصوري وشك مواجه الكاميرا ومربعة ايدك بتبقى لقطة ناعمة اوي.
ممكن تجربي الوقفة دي ايديكي الاتنين جنبك وايد تبقى لورا شوية ومتنسيش دايما وزنك يبقى متركز على جنب واحد او على رجل واحدة.
الوقفة دي مناسبة اوي للصور الطولية او اللي بالطول اقفي وحطي ايدك كلها او بشكل جزئي في جيبك.
ممكن تجربي كمان البوز ده اقفي وحطي ايدك ورا ضهرك وممكن تعملي الحركة دي كمان وانتي واقفة قدام حيطة مثلا.
البوز ده ممكن تعمليه بره او جوه البيت وانتي ساندة على اي حاجة.
البوز ده انثوي جدا وكمان مناسب للصور اللي بالطول.
البوز ده كمان حلو وانثوي اوي بردو ومختلف ممكن تجربوه.
البوز ده حلو اوي وعشان يطلع احلى البسي كعب عالي هيظهر جمال الصورة اكتر.
اللقطة دي كمان مناسبة للصور الطولية ولازم تكوني وقفتك في نص الصورة عشان تطلع احلى.
اللقطة دي ممكن تاخديها وانتي قعدة على حرف الكرسي او على الكنبة او على السرير وتميلي لقدام شوية.
اللقطة دي حلوة وناعمة اوي بتقفي بالجنب بزاوية شوية وتبصي للكاميرا وتكون الدقن فوق الكتف.
اللقطات اللي بتتاخد بحركة بالايد بتبقى حلوة اوي زي اللقطة دي كده, وتكون حركة الايد مرنة مش مشدودة عشان تطلع احلى وتبقى ناعمة وتباني مرتاحة في الصورة.
البوز ده كمان مميز اوي ممكن تقعدي على كرسي او على كنبة وتسندي ايدك على الضهر واللقطة تتاخد من الجنب.
ممكن تجربي لقطة مختلفة وتاخدي الصورة وانتي نايمة على الارض.
دي كمان من اللقطات اللي ممكن تاخديها وانتي على الارض وبتبقى حلوة اوي لما تكون في مكان مفتوح بين زهور او زرع او على البحر.
البوز ده كمان من اللقطات الحلوة اوي للصور اللي بالطول.
دي كمان من الصور اللي ممكن تتاخد على الارض في مكان مفتوح على الزرع او على البحر ويكون التركيز فيه على الوش.
البوز ده حلو وبيظهرك عندك ثقة في نفسك.
ممكن تجربي الحركة دي كمان حلوة اوي للتصوير وتبقى حلوة اوي في اي مكان مفتوح.
الحركة دي بتقفي تكون ايد جنبك والايد التانية لورا شوية وساندة على جنبك او ممكن تحطي ايدك في جيوبك اللي ورا.
ممكن تجربي البوز ده هيبينك ارفع في الصور, ارفعي الايد لفوق وركزي وزنك على جنب واحد.
اللقطة دي كمان مناسبة للصور اللي بالطول وممكن تغيري وضعية الايد زي ما انتي عايزة مع الوقفة.
ممكن تجربي اللقطة دي تسندي على الحيطة وتسترخي بجسمك كله وترفعي رجل لفوق.
ممكن تجربي البوز ده كمان ترجعي راسك لورا شوية وتحطي ايدك ورا رقبتك وايدك على الجنب.
ياللا يا بنات قولوا لنا اكتر حركات عجبتكم وهتجربوها :) .
