طريقة عمل المانيكير الدانتيل Lace Nail Art بالصور و الخطوات

آية حسان

في

4805

موضة و اشكال المانيكير على طول بتتجدد وعلشان بنات حوا ديما بتعرفك على احدث الصيحات فى كل حاجه ، فى المقال ده هتعرفى معانا شكل جديد من موضة مانيكير 2017 و هى موضة المانيكير الدانتيل Lace Nail Art وازاى تعمليها بالصورو الخطوات و كمان هنوريكى البوم كامل لاشكال بتصميمات والوان مختلفة منه.

يلا نبدأ خطوات عمل الـ Lace Nail Art أو المانيكير الدانتيل فى البيت؟

الادوات اللى هتحتاجيها :

فرشة مانيكير .
مانيكير شفاف .
مانيكير بلون ابيض .
مزيل مانيكير ” اسيتون ” .
قطعة من قماش الـ Lace ، ممكن تستخدمى الجُبير او الدانتيل .
حبة زمرد صغيرة او لؤلؤ ” زى اللى بنحطهم على الهدوم ” ، اختيارى .

الخطوات :

1- ابدأى المانيكير بتاعك بانك تعملى مانيكير فرنش french manicure بسيط و بالطريقة المعروفة ، بعد ما تخلصى حطى عليه طبقة من المانيير الشفاف علشان تبقى اساس للـ lace manicure . و سيبيها تنشف كويس اوى .

2- فى الخطوة الثانية هتحطى قطعة من القماش على قد مساحة الضافر اللى انتى عايزه تغطيها ، بس خدى بالك وانتى بتحطيها انه ايدك متتهزش او تتحرك علشان المانيكير ميكلكعش . هنستخدمها كورقة رسم سعنى هنحطها و بعدين نمشي عليها تانى بالمانيكير الابيض او اى لون تفضليه و بعد ما ينشف هنشي قطعة القمش بالراحة اوى و نستخدم مزيل المكياج علشان نتخلص من اى زيادات او لغبطة .

3- اخر خطوة هى انك تكملى تزيين ضوافرك بانك تلزقى حلة لؤلؤ او زمردة صغيرة على الضافر زى ما باين فى الصورة .