شوفى معانا موضة فساتين سوارية 2017 من دار الازياء الاسبانية PRONOVIAS
لو عندك مناسبة قريبة مهمة او لو كانت خطوبتك قربت و بتدورى على فستان شيك و مختلف يبقى انتى فى المكان الصح ، فى المقال ده ” بنات حوا ” هتعرفك على موضة فساتين سواريه 2017 من دار الازياء الاسبانية برونوفياس Pronovias اللى لسه معلنه عن تصميماتها للفساتين السواريه للسنة الجديدة . فى المقال ده هتشوفى معانا صور لفساتين بألوان و خامات مختلفة منها الكريب اللى اعتمدته الدار بأنه يكون الخامة الاساسية لموضة فساتين 2017 ، و كمان خامة الجُبير او الـ lace و الجُبير الممزوج بالتل .
شوفى معانا موضة فساتين سهرة 2017 من دار الازياء الاسبانية برونوفياس PRONOVIAS ..
معظم الفساتين فى المجموعة دى ضهرها مفتوح و قصة الصدر بأشكال كتيرة ومعظمها على شكل حرف V وفيه منها كمان شكل الحملات المضفرة ، لو هنتكلم علي الألوان الكولكشن فيه تنوع كبير والالوان معظمها دافى و بتتنوع بين الاحمر ، الموف ، الازرق ، البرتقانى او فساتين بلونين متداخلين فى بعض زى الابيض و الاسود و التصميمات بتبين انه هى دى الالوان اللى هتبقى منتشرة فى موضة فساتين سوارية 2017 .
يلا اتفرجي علي التصميمات وشاركينا رأيك إيه أكتر موديل عجبك؟