12 مكون طبيعي هيساعدك تحافظي على بشرتك شباب على طول

ريهام محمود
ريهام محمود
في
بشرة
10086

زمان على ايام جداتنا كان جمالهم طبيعي وبشرتهم حلوة بالرغم انه منتجات العناية بالبشرة مكنتش زي دلوقتي وده لانهم كانوا بيعتمدوا على الحاجات الطبيعية او منتجات التجميل الشعبية اللي هي بالخلطات الطبيعية عشان كده احنا بدأنا تاني دلوقتي نرجع للحاجات الطبيعية دي وبقى كتير من البنات بيتجهوا للمنتجات الطبيعية في العناية بالبشرة , واحنا النهاردة جايبين لكل بنات حوا 12 مكون طبيعي هيساعدوكي تحافظي على بشرتك جميلة وشباب على طول وكل مكونات بسيطة وتقريبا متوفرة في كل بيت, والميزة ان المكونات دي رخيصة وفي نفس الوقت نتايجها فعالة على البشرة لو دخلناها في نظام العناية ببشرتنا يوميا.

12 مكون طبيعي هيساعدك تحافظي على بشرتك شباب على طول:

1- الطماطم:

– الطماطم من الحاجات المفيدة جدا للبشرة بتعالج البشرة المجهدة وبتشد الجلد وبتخلي البشرة نضرة وبترطبها, قطعي الطماطم شرايح رفيعة ونامي على ضهرك وحطيها على البشرة وسيبيها 20 دقيقة, كرري الوصفة دي مرة في الاسبوع.

– لو عندك اي التهاب في الجلد او احمرار افركي الوش كله بعصير الطماطم وسيبيه على بشرتك دقايق وبعدين اغسليه.

– لتفتيح البشرة وتحسين لونها ممكن تخلطي طماطم مهروسة مع شوية زيت زيتون وتحطي الماسك على بشرتك وتسيبيه 20 دقيقة وبعدين تغسليه.

الطماطم
الطماطم

2- البطاطس:

البطاطس علاج فعال جدا للحفاظ على شباب البشرة, ولتفتيح لون البشرة, وحمايتها من التجاعيد.

– ممكن تستخدمي شرايح البطاطس على البشرة, او تبشريها وتحطيها على بشرتك, او تاخدي العصير بتاعها وتسيبيها 15 دقيقة على البشرة وبعدين تغسليه.

– ولو عايزة تعملي تنضيف وترطيب للبشرة, اخلطي عصير البطاطس مع عصير الليمون بكميات متساوية وحطيهم على البشرة وسيبيه 15 دقيقة وبعدين اغسليه.

البطاطس
البطاطس

3- الليمون:

الليمون يعتبر من اكتر العلاجات الطبيعية الفعالة لتفتيح البشرة وعلاج البقع وآثار حب الشباب.

ممكن تستخدمي عصير الليمون يوميا على بشرتك كتونر طبيعي لتنضيف البشرة وتفتيحها وكعلاج للبقع, او تجيبي نص ليمونة وتفركي بيها البشرة يوميا.

الليمون
الليمون

4- جل صبار الالوفيرا:

جل الالوفيرا من الحاجات الفعالة والمفيدة اوي للبشرة بيجددها, وبيعالج البقع السودا وندبات حب الشباب, وبيعالج كمان حروق الشمس, ممكن تستخدمي الجل يوميا كغسول للبشرة, او تعمليه كماسك تسيبيه 10 دقايق على بشرتك وتغسليه وتكرري الماسك مرة واحدة في الاسبوع.

جل صبار الالوفيرا
جل صبار الالوفيرا

5- الخيار:

الخيار يعتبر علاج فعال جدا في علاج حب الشباب والحفاظ على نضارة البشرة, قطعي الخيار شرايح وحطيها على بشرتك 15 دقيقة على الاقل, او ممكن تاخدي العصير بتاعه وتحطيه على البشرة, كرري الوصفة من مرتين لتلات مرات في الاسبوع.

الخيار
الخيار

6- صودا الخبز “الكربوناتو”:

صودا الخبز او الكربوناتو بينشط وبينقي البشرة, وبيجدد خلايا البشرة.

– ممكن تعملي بيه سكراب للبشرة اخلطي كميات متساوية من صودا الخبز وزيت الزيتون وافركي بيه بشرتك لمدة دقايق وبعدين اغسليه, وكرري السكراب ده مرة واحدة في الاسبوع.

– او تستخدميه كماسك اخلطي معلقة صغيرة من صودا الخبز مع معلقة صغيرة لبن قلبيهم مع بعض كويس لحد ما تتكون عندك عجينة افرديها على البشرة وسيبيها 10 دقايق وبعدين اغسلي البشرة بالمية, بعد الماسك ده هتشوفي الفرق وهتلاقي بشرتك مشدودة ومنورة وناعمة.

صودا الخبز
صودا الخبز

7- العسل:

العسل يعتبر واحد من افضل المرطبات الطبيعية للبشرة لانه غني بالمعادن والعناصر اللي بتساعد على ترطيب الجلد, بيساعد كمان على تجديد خلايا البشرة بسرعة, بيعالج التجاعيد حتى التجاعيد العميقة في البشرة.

– ممكن تستخدمي العسل لوحده تدهنيه على البشرة وتسيبيه 20 دقيقة وبعدين تغسليه بمية دافية.

– ولو عايزة تستخدميه لمكافحة الشيخوخة والتجاعيد اخلطي كميات متساوية من العسل والقرفة المطحونة وافردي الماسك على وشك وسيبيه 15 دقيقة واغسليه.

العسل
العسل

8- زيت جوز الهند:

زيت جوز الهند بيغذي ويرطب البشرة, بيعالج تقشر الجلد وبيخلي البشرة ناعمة ونضره, والميزة فيه انه بيدي نتايج فورية من اول استخدام هتحسي بالفرق على بشرتك.

ادهني بشرتك بزيت جوز الهند وسيبيه 5 دقايق وبعدين امسحيه بمنديل بس من غير ما تغسليه.

زيت جوز الهند
زيت جوز الهند

9- زيت الزيتون:

زيت الزيتون من اكتر الحاجات الفعالة للحفاظ على شباب ونضارة البشرة, بيحمي البشرة من التجاعيد, وبيرطبها وينعمها وبيخلي شكلها مخملي.

– ممكن تدهني بشرتك يوميا بزيت الزيتون الصبح وبالليل كبديل لمرطب البشرة.

– ممكن تدهني طبقة رقيقة من الزيت تحت العين للتخلص من تجاعيد تحت العين كبديل لكريمات العين.

– او ممكن تحطي منه كام نقطة على اي ماسك هتعمليه لبشرتك, او تحطي منه كام نقطة على الكريم المرطب العادي اللي انتي بتستخدميه بشكل يومي.

زيت الزيتون
زيت الزيتون

10- فيتامين E:

فيتامين E بيساعد على تجديد الجلد, وتحسين لون البشرة, وبيشد البشرة, وبيقلل من التجاعيد.

ممكن تستخدميه بانك تضيفي كمية صغيرة منه لاي منتج عناية بالبشرة انتي بتستخدميه, او حطي منه على الكريم المرطب اللي بتستخدميه كل يوم, وممكن كمان تدهني بيه شفايفك هيخليها ناعمة وهيرطبها جدا.

فيتامين E
فيتامين E

11- زيت الورد:

زيت الورد يعتبر اكسير الشباب, لو استخدمتيه بشكل منتظم بيساعد على علاج تجاعيد البشرة, وعلاج تجاعيد تحت العين, وبيزيل اي علامات شيخوخة على الوش

امسحي بشرتك يوميا بقطنة فيها زيت ورد, او ضيفي كام نقطة زيت ورد لاي ماسك لبشرتك, او للكريم المرطب.

زيت الورد
زيت الورد

12- السكر:

السكرعلاج فعلا جدا لتنقية البشرة, وتطهير وتغذية البشرة, وبيساعد على ترطيبها وتنعيمها.

ممكن تعملي بيه سكراب للبشرة بلي بشرتك بالمية وافركيها بشوية سكر في حركات دائرية لمدة دقايق وبعدين اغسليها هتلاقي بشرتك بقت ناعمة زي بشرة الاطفال, وممكن تضيفي على السكر شوية زيت زيتون, كرري الوصفة دي مرة واحدة في الاسبوع.

السكر
السكر

شوفي كمان 5 ماسكات طبيعية لجمال ونضارة بشرتك

ماسكات طبيعية لجمال ونضارة بشرتك
ماسكات طبيعية لجمال ونضارة بشرتك

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير