7 تمارين يوجا فعالة جدا لشكل صدر جميل ومثالي

بقلمريهام محمود فيصحة visibility22116

الصدر هو يعتبر من علامات انوثة وجمال اي بنت لكن في بنات كتير بيكونوا مش راضيين عن حجم وشكل الصدر وبيتمنوا انه يكون حجمه وشكله مثالي, ومن الحاجات الفعالة اوي في تحسين شكل وحجم الصدر هي تمارين اليوجا’ والتمارين دي مش بس مفيدة لتحسين شكل وحجم الصدر لكن كمان مفيدة للرئتين وبتأثر بشكل ايجابي على الصحة بشكل عام وهتخليكي اقوى وبصحة احسن.

7 تمارين يوجا فعالة جدا لشكل صدر جميل ومثالي:

1- Pose المحارب:

التمرين ده بيكبر حجم الصدر وبيقوي العضلات بشكل عام.

هتقفي وتخلي رجليكي متباعدين عن بعض, وبعدين اتني الركبة الشمال ولفي القدم الشمال ناحية الشمال 90 درجة, والقدم اليمين للداخل, ارفعي الذراعين وخليهم في مستوى الكتفين, لفي الراس ناحية الشمال بحيث تكوني باصه للمعصم, اعملي نفس التمرين للجنب اليمين, كرري التمرين من 7 – 10 مرات لكل جنب.

pose المحارب
pose المحارب

2- Pose المثلث:

التمرين ده مفيد اوي لتحسين شكل وحجم الصدر, ولتقوية العمود الفقري, وبيحسن عملية تدفق الدم في الجسم كله.

اقفي وخلي رجلك متباعدين, لفي القدم الشمال ناحية الشمال 90 درجة, ولفي القدم اليمين ناحية الشمال بزاوية 15 درجة يعني لفة صغيرة بس, المسي الكاحل الشمال بالايد الشمال ” والمفروض مع الاستمرار على التمرين مع الوقت انك تحطي راحة الايد مفتوحة على الارض”, وبعدين هترفعي الايد اليمين لفوق في خط مستقيم, وحافظي على الركبتين والعمود الفقري بشكل مستقيم, لفي الراس لفوق بحيث تكوني باصه لصوابع ايدك, كرري التمرين للجنب التاني, وكرريه عدد مرات على قد ما تقدري.

Pose المثلث
Pose المثلث

3- Pose الكوبرا:

التمرين ده بيمدد عضلات الصدر وبيحسن شكله, وبيقوي عضلات البطن, وبيساعد على زيادة حجة الرئة.

نامي على بطنك وخدي نفس عميق وارفعي الجذع ببطء, وفي نفس الوقت حافظي على الجزء السفلي من الجسم على الارض, وخلي الذراعين مسنودين على الارض وارفعي راسك لفوق, اتنفسي ببطء, وكل ما تكرري التمرين حاولي انك تزودي في الوقت بتاعه, وكرري التمرين عدد مرات على قد ما تقدري.

Pose الكوبرا
Pose الكوبرا

4- Pose القوس:

التمرين ده غير انه بيحسن شكل الصدر كمان مفيد جدا للي بيعانوا من آلام في الضهر, وبيساعد على تمدد العمود الفقري.

نامي على معدتك وخدي نفس, اتني الركبتين وارفيعهم وامسكيهم بايدك عند منطقة الكاحلين, ومتنسيش النفس ببطء طول التمرين, اسحبي الذراعين والرجلين لفوق على قد ما تقدري, والوركين والصدر يكونوا مرفوعين من على الارض, والتوزان يكون على منطقة المعدة, خليكي بالوضع ده لمدة 30 ثانية, كرريه عدد مرات على قد ما تقدري.

Pose القوس
Pose القوس

5- Pose العجلة:

بيساعد على امتداد الصدر والعمود الفقري والرقبة, وكمان يعتبر علاج مفيد جدا للصداع.

نامي على ضهرك, وخلي الرجلين متباعدين اوسع من مستوى الكتفين, وخلي الذراعين ورا الراس, وكف ايديكي لجوه يعني صوابعك ناحية الضهر, وبعدين ارفعي الوركين والصدر لفوق بحيث يكون الذراعين مفرودين على قد ما تقدري, خليكي في الوضع ده 30 ثانية, وكرري التمرين على قد ما تقدري.

Pose العجلة
Pose العجلة

6- الوقوف على الايدين:

التمرين ده غير فايدته لشكل الصدر مفيد كمان للاربطة وعضلات العمود الفقري والقفص الصدري, وبيحسن التنفس وتدفق الدم, بس التمرين ده مناسب اكتر للمتمرسين في الرياضة يعني اللي يكونوا اصلا بيمارسوا رياضة باستمرار.

في البداية اسندي على ركبتك وخلي ايديكي على الارض واشبكي الصوابع في بعض وحطي راسك على الارض بحيث يكون الجزء الخلفي للرأس عند ايديكي, وبعدين ارفعي رجلك عن الارض, وخليكي في الوضع ده من 30 ثانية ل 2 دقيقة على حسب قدرتك.

الوقوف على الايدين
الوقوف على الايدين

7- Pose الجمل:

التمرين ده بيحسن شكل الصدر وبيقويه, وفعال جدا في علاج آلام الضهر, وبيساعد في زيادة حجم الرئة.

انزلي بركبك على الارض, وانحني ببطء لورا بحيث ان ايديكي تلمس كعب الرجل, والضهر يكون واخد شكل قوس, واسحبي راسك لورا ناحية الارض, خليكي في الوضع ده لمدة 30 ثانية.

Pose الجمل
Pose الجمل

كده يبقى خلصنا التمارين بتاعتنا وطبعا مش لازم نعملهم كلهم ممكن نختار تمرين واحد نستمر عليه او اكتر, وكل واحدة تختار من التمارين اللي تقدر تنفذها او الاسهل بالنسبة لها.

اعرفي كمان 9 فوايد لليوجا هيخلوكي تبدأيها حالا

اليوجا
فوايد اليوجا