7 الوان لموضة مانيكير 2016 و ايه هى افضل أشكال للضوافر اللي تليق مع كل لون
لو إنتي من البنات اللي بتحب المانيكير وبتحب تغيير وتجرب كل جديد, بنات حوا جايبلكم النهرده 7 الوان مهمين و trending جدا في موضة السنة دى لازم تعرفيهم وتجربيهم وكمان شوفي ايه افضل الماركات ايه هى افضل الماركات اللى ممكن تستخدميها
اعرفى معانا 7 الوان من موضة المانيكير فى سنة 2016 و ايه هى افضل الماركات
1- البيج الدافى او الـ warm beige :
اللون ده من بيفرض نفسه على ساحة الموضة كل سنة ، وده لانه بيدى منظر طبيعى و بيبقى شكله شيك سواء فى اللبس ، فى المكياج او الاكسسوار . السنة دى درجات البيج الدافى او الـ warm beige موجودة بشكل كبير و متنوع ف المانيكير و بيبقى شكلها جميل على الضوافر اللى رسمتها بسيطة او فى الفرنش .
2- احمر التفاح او الـ apple red :
اللون الاحمر اساسي دايما فى اى موضة و مهما كان صيف ولا شتاء ، درجة احمر التفاح او الـ apple red تقدرى تحطيه مع اى لوك او استايل و ايا كان شكل ضوافرك ، قصيرة او طويلة, مدورة أو مدببة.
3-اخضر بلون الموج seafoam green :
الدرجات دى من اللون الاخضر شوفناها كتير السنة دى و بتعتبر من الوان الباستيل ، اللون خفيف و مريح جدا للعين لما بتشوفه ده غير انه المكياج المناسب ليه بيبقى بسيط و جميل ، و اللون ده بيمشى مع اى شكل لضوافرك و ايا كان حجم صوابعك و ايديكى خصوصا الضوافر المربعة والمدورة , كمان نازل من الستايل المات أو الغير لامع وبيبقي شكله رائع.
4- الفضى الميتاليك silver metalic :
موضة المانيكير فى سنة 2016 مينفعش تخلى من لون ميتاليك ، اللون الفضى الميتالك بيعتبر من الالوان المميزة و بيدى لمعة جميلة و ملفته و التركيز السنة دى على اللون الفضى ، لو حبيتى تحطى من اللون ده جربى تعملى ضوافرك بحيث يكون شكلها طبيعى و قصيرة .
5- الازرق الغامق dark nave blue :
اللون ده جريء شوية وبيبقي صعب وإنتي بتحطي منه عشان تظبطي الحروف وانه ميلتخطش حوالين الضوافر, بس لون يستاهل تجربيه لانه بيطلع شكله حلو جدا . ممكن تحطيه على ضوافرك و تحطى فوقه بقة خفيفة من الجليتر بنفس اللون علشان تكسريه شوية ، اللون ده مناسب جدا للضوافر المربعه .
6- الفضى بدرجة الفحم او الـ charcoal grey :
لو بتدورى على لون عميق و غامق لكن مش اوى يبقى الفضى المتفحم او الـ charcoal grey هو اللون المناسب ، اللون شكله طبيعى و بيدى لوك حلو للضوافر خصوصا اللى معمولة على شكل نص دايرة او المستطيلة على طويل .
7- طبقة الجليتر او الـ glitter topping :
طبقات التغطية اللى بتتحط فوق المانيكير مهمة ، وبما اننا اتكلمنا عن اهم الوان موضة المانيكير فى سنة 2016 لازم نتكلم عن طبقات الجليتر ، الطبقات دى هتخلى المانيكير بتاعك يدوم لوقت اطول و هتحافظ عليه من انه يتقشر او يتشقق ، و كمان هتحط لمعة اضافية عليه فهتبقى مناسبة جدا للوك بتاعك لو رايحة سهرة أو عندك مناسبة .
اما افضل انواع المانيكير اللى ممكن تستخدميها فهى :
- ORLY
- Bourjois
- H&M nail polish
- Flormar
- Cybele