افكار لستايلك فى الجامعة تمشي مع لوك مكياج طبيعى
الصيف قرب يخلص و خلاص الشتاء داخل والدراسة هتبدأ ، و ده معناه انه جه الوقت علشان نبدأ نجهز دولابنا لهدوم الشتاء و نجهز للكليه ! علشان يبقى اول يوم ليكى فى الكلية او فى سنتك الجديدة مختلف و مميز و تسيبيى انطباع حلو و قوى عند الناس اللى هتقابليهم لاول مرة و هيبقوا اصحابك بعد كده ، علشان كده فى المقال ده ” بنات حوا ” هتقولك على افكار علشان ستايلك فى الجامعة تمشي مع لوك مكياج طبيعى هيخليكى مميزة من اول يوم .
شوفى معانا افكار علشان ستايلك فى الجامعة تمشي مع لوك مكياج طبيعى
1- الـ Ripped jeans مع البوليرو الصوف :
Ripped jeans راجعه بقوة فى موضة خريف و شتاء السنة دى ، و ممكن تلبسيه مع اى توب او بلوزة سوداء مع كارديجان او بوليرو صوف او معمول تريكو مع مكياج بألوان بنية خفيفة و ممن يكون smokey خفيف ، مع بوت برقبة صغيرة باللون البنى ، الجملى او الاسود . الستايل ده بيعتبر من احلى الستايلات الكاجوال المناسبة للبس بالنهار و هتخلى ستايلك فى الجامعه مميز و مختلف .
2- قميص مع sneakers :
ممن تلبسى قميص كاجوال او تلبسي denim jeans لو حابة تظهرى بلوك كاجوال بكل تفاصيله . البسى قميص مع شوز ابيض مع lipstick بلون فاتح اورانج أو coral و اكسسوار بسيط زى سلسلة او ساعه .
3- البسى البنى ، البيج و الـ nude colors :
اللون البنى بدرجاته بقى تريندى فى الفترة الاخيرة ، و بيليق تقريبا على كل الوان و درجات البشرة و مبيطلعش شكله وحش ابدا ،ده غير انه مكياجه بيبقى بألوان خفيفة و زى درجات ابنى و البيج و بيبقى خفيف مش محتاج منك مجهود و مناسب لجو الجامعه . حاولى تجربى تلبسي طقم بالالوان الـ nude و هتلاحظى انه اللوك بتاعك طلع مميز جدا .
4- الـ nerdy لوك :
ممكن كمان تعملى الستايل الـ nerdy و اللى بيبقى كاجوال لكنه خفيف من غير تفاصيل كتيرة و بيبقى شكله شيك ، جربى تلبسي قميص او تيشيرت مع بنطلون و cat eyeliner مع كوتشى مناسب .
5- تيشيرت مع جينز :
فكرة تانية سهله علشان ستايلك فى الجامعة هى انك تلبسى تيشيرت مع جينز ، لو فى يوم مش ساقعه او الشمس فيه حامية و حبيتى تلبسي حاجه خفيفة ، البسي تيشيرت مخطط مع جينز بلون مناسب و اكسسوارات بألوان مختلفة علشان تزينى اللوك بتاعك و مكياج خفيف ألوان مناسبة وركزي مع البلاشر أو مكياج الخدود .
6- lazy day look :
معظمنا بنصحى الصبح متأخرين و معندناش وقت و مش قادرين نهتم بتفاصيل كتيرة للوك بتاعنا و خصوصا فى ايام الشتاء الساقعه ، ممكن كمان تعملى lazy day loo بأنك تلبسى بلوفر مع جينز و سكارف مناسب ، اللوك ده غير انه شكله حلو و مبياخدش منك وقت او مجهود لكن كمان مريح و مناسب لايام الشتاء و مبيحتاجش منك تعملى مكياج معقد لانك ممكن تكتفى بكونسيلر و ماسكارا و روج خفيف .
بكده تكونى عرفتى معانا اكتر من فكرة علشان ستايلك فى الجامعة ، جربيهم وقوليلنا ايه رايك :D