15 طريقة مبتكرة لعمل تسريحة الضفيرة

بقلمريهام محمود فيشعر visibility6185

تسريحة الضفيرة من التسريحات السهلة والعملية اوي وفي نفس الوقت بتدي لوك حلو, بس لو زهقتي من شكل الضفيرة التقليدية ونفسك تغيري احنا النهاردة جايبين لكل بنات حوا مجموعة تسريحات مبتكرة  للضفيرة تقدري تختاري منها اللي تحبيه ويناسبك اكتر.

15 طريقة مبتكرة لعمل تسريحة الضفيرة:

التسريحة 1:

هناخد خصلة من الشعر من قدام نضفرها وخصلة تانية من اخر الشعر من تحت عند منطقة الرقبة ونعملها ضفيرة كمان, هنلم الضفيرة اللي قدام مع باقي الشعر باستك ونعملها كحكة منخفضة وناخد الضفيرة اللي تحت نلفها على الكحكة ونثبتها بالبنس.

تسريحة الضفيرة
تسريحة الضفيرة

التسريحة 2:

هناخد خصلة من الشعر من قدام من الجنب هنربطها باستك وبعدين ناخد خصلة تانية ورا الخصلة الاولانية ونربطها باستك تاني, الخصلة الاولانية هنقسمها اتنين ونحط الخصلة التانية بين الخصلتين وبعدين نربط الشعر باستك تاني, وناخد خصلة تانية ونعملها بنفس الطريقة هنفضل ناخد خصلات ورا بعض لحد ما تلف على الشعر من ورا, وبعدين نشد الشعر بصوابعنا بالراحة عشان نوسع الضفاير ونديها حجم اكبر.

تسريحة الضفيرة
تسريحة الضفيرة

تسريحة الضفيرة

التسريحة دي نفس طريقة اللي فوق بس الفرق اننا هناخد الضفيرة نضفر معاها باقي الشعر على ورا.

تسريحة الضفيرة

 التسريحة 3:

هناخد خصلة شعر من قدام من الجنب ونبدأ نضفرها وطول ما احنا بنضفر ندخل فيها خصل من الشعر لحد ما الضفيرة توصل للجنب التاني ونربطها في الاخر باستك.

تسريحة الضفيرة
تسريحة الضفيرة

التسريحة 4:

هناخد خصلة من الجنب نضفرها لحد ما توصل لنص الشعر من ورا نثبتها ببنسة وناخد خصلة شعر من الجنب التاني ندخلها تحت الضفيرة من ورا.

تسريحة الضفيرة
تسريحة الضفيرة

التسريحة 5:

هناخد خصلة شعر من الجنب نبدأ نضفرها وناخد خصل من الشعر ندخلها مع الضفيرة لحد ما نخلص الخصلة كلها نشبكها باستك وبعدين نلفها على الشعر من ورا ونثبتها ببنسة, ونعمل نفس الطريقة للجنب التاني ونلمها على ورا مع الضفيرة التانية.

تسريحة الضفيرة
تسريحة الضفيرة

التسريحة 6:

التسريحة دي مناسبة اوي للشعر القصير, هنضفر الشعر من قدام من الجنبين ونشبك كل ضفيرة باستك, وباقي الشعر من ورا نلمه على فوق باستك وبعدين نلم الضفيرتين مع بعض على ورا ونثبتهم بالبنس.

تسريحة الضفيرة

التسريحة 7:

هنضفر الشعر ضفيرة من الجنب وبعدين نلمها مع باقي الشعر ورا ونعمله ديل حصان عالي.

تسريحة الضفيرة

التسريحة 8:

هنضفر الشعر من الجنب ونشد الشعر عشان نوسع الضفيرة, ونعمل نفس الطريقة للجنب التاني وبعدين نلم الضفيرتين مع بعض على ورا مع باقي الشعر ونعملهم ديل حصان منخفض ونلف خصلة شعر على ديل الحصان ونثبته بالبنس.

تسريحة الضفيرة

التسريحة 9:

هنجيب الشعر كله للجنب ونقسمه خصلتين وناخد خصلة منهم نربطها باستك وناخد الخصلة التانية ندخلها بين الشعر, وبعدين نبدأ نضفر الشعر وبعد ما نخلص الضفيرة نشد الشعر لبره عشان نوسع الضفيرة ونديها حجم اكبر.

تسريحة الضفيرة

التسريحة 10:

هناخد خصلة شعر من الجنب نضفرها لحد النص ونشبكها باستك ونسيبها سايبة مع باقي الشعر.

تسريحة الضفيرة

التسريحة 11:

هنقسم الشعر من النص وناخد كل جنب نقسمة خصلتين, ناخد كل خصلة نبرمها ونلف الخصلتين على بعض ونربطهم باستك, ونعمل نفس الطريقة للجنب التاني, وبعدين نلف الشعر على قدام عكس بعض ونثبتهم بالبنس.

تسريحة الضفيرة

تسريحة الضفيرة

التسريحة 12:

هناخد خصلة شعر من قدام نضفرها ضفيرة ديل السمكة, وناخد باقي الشعر نلمه كله على جنب واحد ونضفره, وبعدين نلف ضفيرة ديل السمكة على الشعر من ورا وندخلها جوه الضفيرة التانية اللي احنا عملناها ونثبتها بالبنس.

تسريحة الضفيرة

تسريحة الضفيرة

التسريحة 13:

هنضفر الشعر من الجنب ضفيرة رفيعة وندخلها في نص الشعر ونجيب الشعر كله في جنب واحد ونبدأ نلف الضفيرة على الشعر ونشبكه من تحت باستك.

تسريحة الضفيرة

التسريحة 14:

هنعمل ضفيرة من الجنب وبعدين نلمها من مع الشعر كله على ورا ونعمله ديل حصان, وبعدين ناخد خصلة  شعر سميكة نلفها على ديل الحصان ونثبتها بالبنس.

تسريحة الضفيرة

تسريحة الضفيرة

التسريحة 15:

هناخد خصلة شعر من الجنب نضفرها وبعدين لما الضفيرة توصل لباقي الشعر من تحت ناخدة نضفره مع الضفيرة ونربطه في الاخر باستك.

تسريحة الضفيرة

تسريحة الضفيرة

شوفي كمان 15 طريقة مبتكرة وسريعة لعمل تسريحة ديل الحصان

15 طريقة مبتكرة وسريعة لعمل الشعر تسريحة ديل الحصان
15 طريقة مبتكرة وسريعة لعمل الشعر تسريحة ديل الحصان