اعرفي معانا 7 طرق ازاي تدخلي الالوان الميتاليك في اللوك بتاعك ويطلع بشكل انيق جدا

بقلمريهام محمود فيموضة وأزياء visibility2614

الالوان الميتاليك او المعدنية من الالوان اللي بتبقى حلوة جدا سواء في اللبس او الميك اب لكن كتير مننا بيخافوا او يترددوا انهم يلبسوه او يستخدموه في مكياجهم وبيشوفوا انه محتاج جراءة, عشان كده احنا النهاردة جايبين لكل بنات حوا نصايح وافكار ازاي تدخلي الالوان الميتاليك في اللوك بتاعك ويطلع بشكل شيك وانيق جدا.

تعالوا نشوف 7 طرق ازاي تدخلي الالوان الميتاليك في اللوك بتاعك:

1- الاحذية الميتاليك:

ممكن تختاري اللون الميتاليك للشوز بتاعك بيدي لوك حلو جدا وكمان الميتاليك طالع موضة اوي السنة دي في الشوزات نازل الشوزات الكلاسيك الميتاليك والاحذية الرياضية الميتاليك, وعشان اللوك يطلع حلو نسقي الشوز الميتاليك مع الوان لبس محايدة.

ولون الميتاليك كمان اختاريه حسب لون بشرتك يعني لو بشرتك فاتحة او بيضا اختاري الميتاليك اللي على فضي, ولو بشرتك سمرا اختاري الميتاليك اللي على دهبي, لما تلبسي اللوك كله وتنسقيه صح هيطلع شيك جدا في الاخر.

الاحذية الميتاليك
الاحذية الميتاليك

2- الاكسسوارات الميتاليك:

ممكن نختار الميتاليك للاكسسوارات بس عشان يطلع اللوك متناسق نختار عقد او حلق باللون الميتاليك يعني حاجة واحدة منهم مينفعش نلبس عقد كبير ومعاه حلق الاتنين ميتاليك لان اللوك هيطلع اوفر اوي, وممكن تحطي كمان اكسسوارات شعر ميتاليك, ومتلبسيش الاكسسوار الميتاليك مع الوان لبس زاهية لانها ممكن تبوظ لك اللوك خالص, وانسب مكياج يمشي معاه هو الالوان الغامقة.

الاكسسوارات الميتاليك
الاكسسوارات الميتاليك

3- اللبس الميتاليك:

ممكن ننسق قطعة واحدة بس في اللوك بتاعنا بالالوان الميتاليك يعني نلبس التوب او الجيبة او البنطلون بس ميتاليك وننسق معاها لون محايد عشان اللوك يطلع حلو.

اللبس الميتاليك
اللبس الميتاليك

4- اكسسوارات اللبس باللون الميتاليك:

الاكسسوارات المكملة للبس اللي هي الحزام والشنطة والشوز, لو انتي مش حابة تلبسي هدوم باللون الميتاليك ممكن تكتفي بيها في اكسسوارات اللبس يعني تدي بس تاتش ميتاليك للوك بتاعك.

اكسسوارات اللبس باللون الميتاليك
اكسسوارات اللبس باللون الميتاليك
اكسسوارات اللبس باللون الميتاليك
اكسسوارات اللبس باللون الميتاليك

5- المكياج الميتاليك:

ممكن نستخدم الالوان الميتاليك في المكياج بتطلع حلوة جدا, ممكن تستخدمي للشفايف لون روج كلاسيكي او عادي وتحطي له ملمع باللون الميتاليك هيديه لوك حلو اوي.

مكياج العيون ممكن تستخدمي الميتاليك الفضي او الدهبي لمكياج مناسب جدا للسهرة او اي مناسبة.

المكياج الميتاليك
المكياج الميتاليك

6- المانيكير الميتاليك:

الالوان الميتاليك بتبقى حلوة جدا في المانيكير, ممكن نحط اللون كله ميتاليك او نختار لون مات ونعمل معاه مانيكير فرنش باللون الميتاليك بيدي شكل حلو جدا للضوافر.

المانيكير الميتاليك
المانيكير الميتاليك

7- صبغة شعر باللون الميتاليك:

الالوان الميتاليك للشعر طالعة موضة جدا وبتدي لوك جذاب وحيوي جدا للشعر,ودلوقتي نازلة صبغة الكريزي الـ Crazy color هتلاقو فيها مجموعة الوان ميتاليك حلوة اوي.

صبغة شعر باللون الميتاليك
صبغة شعر باللون الميتاليك

ياللا قولوا لنا هتجربوا اي فكرة من الافكار دي باللون الميتاليك :).

المرة الجاية اللي تلبسي فيها اسود جربي تعملي الحاجات دي

المرة الجاية اللى تلبسي فيها اسود جربى تعملى الحاجات دى !
المرة الجاية اللى تلبسي فيها اسود جربى تعملى الحاجات دى !