وصفات علاجية بمكونات طبيعية من البيت لعلاج الم العضلات

مفيش حد فينا مجربش الم العضلات بعد يوم شغل طويل او بعد تنضيف البيت و طبعا بعد التمارين او الجرى، لانه الم العضلات شائع فى مختلف الاعمار و بيبقى وجع شديد..  فى المقال ده هتعرفى معانا وصفات بمكونات طبيعية لعلاج الم العضلات و انتى فى البيت هتساعدك تتخلص من اى الم بسرعه و ترجعى تانى لنشاطك و حركتك ..

وصفات علاجية بمكونات طبيعية من البيت لعلاج الم العضلات

خلونا الاول نتكلم عن الطرق الطبية السهلة اللى ممكن تطبيقيها لوحدك فى البيت 

1- الضغط :

اضغطى على المنطقة اللى فيها الالم بايدك او يفضل برباط ضاغط . الضفط بيساعدك تتحكمى فى انه ميبقاش الم او ضرر اكبر مع الوقت و كمان بيمنع التورم . و ممكن تستخدمى leg / foot support  لو مفيش رباط ضاغط و ده بتلاقيه بسهولة فى الصيدليات لكنه بيستخدم لحالات الم العضلات المتقدمة شوية و موجود كمان للايدين و الذراعين .و بيستخدم للضغط برده لكن بنسبة اكبر . لفى الرباط الضاغط كويس حوالين العضلة اللى بتوجعك بس خدجى بالك انك متربوطيهوش بزيادة اوى علشان ممكن يحبس الدم و يمنع مروره. لو بعد شوية حسيتى بتورم او خدر ” تنميل ” مكان الرباط يبقى ريحى الربطة شوية .

2- الرفع : 

لو رفعتى المنطقة اللى فيها الم على مخدة مثلا ده هيساعدك فى تخفيف الالم بشكل كبير و كمان هيساعدك تتحكمى فى التورم ، لانه الرفع بيساعد السوائل الزيادة فى المنطقة المصابة انها تتحرك و بالتالى بيخفف الضغط عن العضلة .

3- الثلج : 

اول حاجه لازم تعمليها اول ما تتصابى او تحسي باى الم فى اى عضلة هى انك تحطى عليها ثلج ، و سيبيه حوالى 10 دقايق ، الثلج بيخدر الالم و بيقلل من نسبة انه يحصل التهاب . استمرى فى استخدام اكياس الثلج على العضلة المصابة من وقت للتانى اول 3 ايام . لكن لو مصابة بالسكرر او امراض الاوعية الدموية يبقى لازم ترجعى للدكتور قبل استخدام الثلج كعلاج .

4- الراحة :

الراحة مهمة علشان تسرع عملية علاج العضلات ، حاولى متشيليش اى حاجه تقيلة او تحملى وزن على العضلة المصابة بانك تريحى جسمك و متعمليش اى مجهود اول 48 لـ 72 ساعة من الاصابة ، و ممكن تعملى تمارين خفيفة علشان تساعدى باقى العضلات فى انها تسترخى و ترتاح من غير ما ترهقى العضلة المصابة .

 وصفات منزلية لعلاج الم العضلات : 

1- وصفة زيت اللوز : 

امزجى ملعقة من زيت اللوز مع ملعقة من زيت الثوم و ادعكى بيهم المنطقة المصابة علشان تقللى الالم و التورم . 

2- وصفة زيت الكافور : 

زيت الكافور بيساعد فى انه يقلل من وجع الاصابات و العضلات المشدودة ، استخدمى زيت الكافور الممزوج بزيت اللوز بنسبة حوالى 2% و اعملى بيهم مساج للعضلة المصابة، و ممكن تمزجى زيت الكافور كمان مع زيت الروزمرى علشان تزودى من تدفق الدم فى العضلة المصابة و تعالجى العضلات اسرع . 

3- وصفة البصل : 

قطعى بصلة حلقات و لفيها بشاش و بعدين لفى الشاش حوالين العضلة اللى بتوجعك ، الطريقة دى بتسرع من علاج العضلات .

4- عصير الاناناس : 

عصير الاناناس بيساعدك تتحكمى فى الم العضلات ، لانه بيحتوى على انزيم البروملين اللى له خصائص علاجية للعضلات . ادعكى العضلة المصابة بشوية من زيت الاناناس لكن خدجى بالك انه الانزيم ده له اثار جانبية لانه ممكن يعمل حساسية او يكون حبوب فلو لقيتى بشرتك بدأت تحمر او تضايقك بطلى استخدام زيت الاناناس . 

5-  وصفة البقدونس : 

خدى شوية من البقدونس و تلجيهم او اعملى بيهم كمادات تلج و دلكى بيهم العضلة المصابة ، البقدونس بيساعد فى علاج الم العضلات بشكل كبير و كمان لو فى علامات زرقاء من الاصابة على الجلد هيخليها تروح . 

6- زيت الزعتر : 

خدى حوالى 5 نقط من زيت الزعتر و اخلطيهم بالمية ، و دلكى بيهم العضلة المصابة لتخفيف الالم . 

7- وصفة معجون الكركرم : 

الكركم بيعتبر مسكن طبيعى للآلام و مضاد للالتهابا ت، اعملى معجون من الكركم ، اخلطى حوالى معلقتين اكل من الكركم و اخلطيهم بمعلقة من عصير الليمون و ضيفيلهم مقدار مناسب من المية المغلية و قلبيهم كويس لحد ما يعملوا معجون سميك ، افردى المعجون ده على العضلة المصابة و اربطيها ببلاستيك لف الاكل او بقطعة قماش نضيفة و سيبيها فترة .