وصفات لتبييض الرجل في اسبوع واحد بس ! اعرفيها معانا
لو بتعاني من غمقان الرجل بسبب الشمس او بسبب الجلد الميت المتراكم على البشرة او جفاف الجلد ومش بتعرفي تلبسي اي حاجة مفتوحة, من النهاردة هتتخلصي من المشكلة دي مع مجموعة وصفات طبيعية هتخلصك نهائيا من غمقان الرجل وهتفتح البشرة في اسبوع واحد بس.
وصفات لتبييض الرجل في اسبوع واحد بس:
1- سكراب السكر والليمون:
المكونات:
– ليمونة.
– معلقة كبيرة سكر.
الطريقة:
اغسلي رجلك كويس وانقعيها في مية دافية لمدة 5 دقايق , اقطعي الليمونة نصين وخدي نص رشي عليه السكر وافركي بيه القدم بالراحة في حركات دائرية لمدة من 5 – 10 دقايق وسيبي الليمون والسكر على الرجل خمس دقايق كمان وبعدين اغسليها بالمية, وممكن تعمليه تعصري الليمون على السكر وتفركي بيه الرجل وبعدين تغسليها وترطبيها بكريم مرطب, كرري الوصفة دي يوميا بعد اسبوعي واحد بس هتحسي بالفرق.
2- وصفة اللبن:
اللبن من الحاجات الفعالة جدا اللي بتساعد على التفتيح لانه بيحتوي على حمض اللبنيك اللي بيجدد ويحسن خلايا الجلد وكمان بيرطب البشرة وبيديها ريحة حلوة.
المكونات:
– كوباية لبن.
– 2 معلقة كبيرة مية ورد.
– 2 كوب مية دافية.
الطريقة:
انقعي رجلك في مية دافية لمدة 20 دقيقة, هندفي اللبن شوية على النار وبعدين نضيف عليه المية ومية الورد وخلطهم مع بعض كويس وننقع الرجل في الخليط لمدة 20 دقيقة وبعدين نغسلها بالمية, وممكن تعمليه بطريقة تانية بدل ما تنقعي رجلك هاتي قطنة واغمسيها في اللبن وامسحي بيها الرجل وسيبيه 20 دقيقة وبعدين اغسليها.
3- وصفة دقيق الحمص:
المكونات:
– 2 معلقة كبيرة دقيق حمص.
– معلقة كبيرة عصير خيار.
– معلقة كبيرة عصير طماطم.
– 2 معلقة صغيرة عصير ليمون.
الطريقة:
اغسلي رجلك كويس, اخلطي كل المكونات كلها مع بعض كويس وبعدين حطي الخليط على الرجل ودلكيها لمدة 5 دقايق وبعدين سيبي الخليط على رجلك من 20 – 25 دقيقة وبعد ما ينشف خالص جيبي فوطة مبلولة وافركي الخليط واغسلي الرجل بالمية ورطبيها بكريم مرطب.
4- وصفة خل التفاح:
خل التفاح تقريبا بيساعد في حل معظم مشكلات الجلد لانه بيحتوي على معادن وفيتامينات بتساعد على تفتيح البشرة وبتنضف الجلد.
المكونات:
– معلقة كبيرة خل تفاح.
– معلقة واحدة مية.
الطريقة:
اغسلي الرجل, اخلطي خل التفاح والمية وبلي قطنة بالخليط وامسحي بيه الرجل, سيبيه لمدة 20 دقيقة وبعدين اغسلي الرجل بمية باردة ورطبيها بكريم مرطب, كرري الوصفة يوميا.
5- وصفة زيت الزيتون والسكر:
المكونات:
– 2 معلقة كبيرة زيت زيتون.
– معلقة كبيرة سكر.
– عصير نص ليمونة.
الطريقة:
انقعي رجلك في مية دافية لمدة 10 دقايق ونشفيها, اخلطي المكونات كلها مع بعض كويس وافركي الرجل بالخليط لمدة 6 دقايق سيبي الخليط 5 دقايق كمان وبعدين اغسلي الرجل بالمية, كرري الوصفة يوميا.
6- وصفة صودا الخبز واللبن:
المكونات:
– معلقة كبيرة صودا الخبز “الكربوناتو”.
– من 3 – 4 معالق كبيرة لبن.
الطريقة:
اغسلي رجلك, اخلطي الكربوناتو واللبن مع بعض كويس لحد ما الخليط يبقى على شكل عجينة سميكة, حطي الخليط على الرجل وافركيها بيه لمدة 3 دقايق وسيبيه على الرجل 10 دقايق كمان وبعدين اغسليه بالمية ورطبي البشرة.
الوصفات كلها تتكرر يوميا عشان توصلي لنتيجة فعالة وسريعة, ونخلي بالنا لما نخرج بحاجة مفتوحة مننساش نحط صن بلوك على الرجل عشان نحميها من الشمس ونحافظ على نتيجة الوصفات.
شوفوا كمان 6 وصفات طبيعية لتنعيم وتبييض الايد
