طريقة وضع الفاونديشن بشكل طبيعى لمكياجك

آية حسان
آية حسان
12684

مفيش بنت فينا مش نفسها انه مكياجها يبقى مثالى ومناسب ليها و مفيش فيه ولا غلطة ، و لانه مفيش مكياج حلو من غير اساس قوى ومظبوط فى المقال ده بنات حوا هتقولك ازاى تحطي الفاونديشن طبيعى لمكياجك علشان تضمنى انه اللوك بتاعك طالع مثالى من غير ولا غلطة ..

يلا نبدأ طريقة وضع الفاونديشن بشكل طبيعى لمكياجك؟

الفاونديشن foundation معروف انه من اصعب ادوات المكياج لانه صعب تحددى الدرجة والنوع المناسبين ليكى و كمان صعب تستخدميه على وشك بالطريقة الصحيحة، علشان كده مهم تعرفى ازاى تختارىي و ازاى تستخدميه علان يدارى العيوب كويس و فى نفس الوقت يبان شكله  فاونديشن طبيعى كأنك مش حاطه حاجه ، خلينا نبدأ الاولى بطريقة اختيار الفاونديشن المناسب ليكى ..

اعرفى معانا ازاى تعملى فاونديشن طبيعى لمكياجك بالصور و الفيديو
اعرفى معانا ازاى تعملى فاونديشن طبيعى لمكياجك بالصور و الفيديو

1- دورى على النوع الانسب ليكى : 

لما تيجى تدورى على الفاونديشن المناسب حاولى تتأكدى انك بتختارى التركيبة المناسبة لطبيعة بشرتك و كمان درجة اللون المناسبة ، خبراء التجميل بينصحوا انك لما تيجى تختارى الدرجة الانسب ليكى اختبرى الفاونديشن بانك تاخدى نقطة صغيرة و تشوفى كثافتها على ايدك و بعدين تجربى اللون على خط الفك علشان تقارنيه بلون رقبتك ، معظمنا بيجربوا الفاونديشن على ايديهم و ده غلط لانه درجة اللون فى الايد بتبقى اغمق من  الرقبه و الوجه . اعرفى معانا انواع كريم الاساس المناسبة لكل بشرة . و دايما دورى على فاونديشن طبيعى لبشرتك بحيث  يفضل مخلى بشرتك فريش و نضرة حتى لو حاطاه بقالك ساعات، و التزمى بالقاعدة اللى بتقول انه كل ما حطيتى فاونديشن اقل كل ماكان افضل لانه المفروض انك متحطيش فاونديشن على وشك كله ، لكن على المناطق اللى محتاجة تغطية بس.

دورى على النوع الانسب ليكى
دورى على النوع الانسب ليكى

2- جهزى بشرتك : 

لو مجهزتيش بشرتك كويس الفاونديشن هيعمل عكس وظيفته ، يعنى بدل ما يخفى العيوب هيظهرها ، علشان كده لازم تبدأى تعملى الخطوات دى بدل ما تطبقى الفاونديشن على وشك : 

1- نضفى بشرتك بعمق باستخدام غسول منظف ، شوفى افضل أنواع مقشر و غسول البشرة بالأسعار.

2- بعد ما تغسلى وشك ، باستخدام قطنة ازالة المكياج امسحى وشك كويس لكن مش بعنف و نظفى الزوايا زى عند الفم و الانف .

3- بين الخطوة الاولى و الثانية استنى دقيقة او اتنين علشان تسمحى لبشرتك انها تتشرب المواد المنظفة كويس و كمان تبقى مرتاحة .

4- بعد تنضيف البشرة ، ابدأى حطى طبقة خفيفة من الكريم المرطب او الـsun block اللى بتستخدميه ، او ممكن تستخدمى برايمر لو بشرتك دهنية ، و افضل طريقة هى انك تدعكى الكريم بايدك علشان تدفيه و بعدين تضغطى بايدك على وشك ، و بعدين تبدأى تفردية بحركة دائرية علشان تعملى مساج لوشك و تنشطى الدورة الدموية . وافتكرى دايما انه ضرورى ترطبى وشك كويس بكريم مرطب او تونر علشان الفاونديشن ميتشققش على وشك و يدوم لوقت اطول .

جهزى بشرتك
جهزى بشرتك

3- استخدمى الادوات المناسبة :

و انتى بتحطى الفاونديشن لمكياجك افتكرى دايما انه كل اللى انتى عايزاه هو انك تتخفى العيوب و تبقى طبقة الفاونديشن خفيفة ، ناعمة ومتساوية . علشان كده فى  ناس بتفرد الفاونديشن على بشرتهم بالفرشة و فى ناس بتفرد بصوابعهم ، المميز فى استخدام الصوابع انها بتدفى الفاونديشن و بتخليه يختلط مع بشرتك كويس و من غير تكتلات ، لكن لو انتى بتعرفى تفرديه احسن بالفرشاة يبقى استخدميها فورا. لكن اختارى الفرشة الناعمة و المخصصة لتطبيق الفاونديشن ، و حاولى تكون حجمها صغير علشان تخليكى تفردى الفاونديشن احسن خصوصا فى الزوايا الضيق زى حوالين الفم و الانف , و لو بتستخدمى فاونديشن اساه مية يبقى مينفعش تستخدمى معاه سفنجة لانها هتتشرب الفاونديشن .

استخدمى الادوات المناسبة
استخدمى الادوات المناسبة

4- اختارى التغطية المناسبة : 

طالما الهدف بتاعنا هو فاونديشن طبيعى يبان و كأنك مش حاطه حاجه يبقى مهم تختارى تغطية مناسبة ، الفاونديشن السائل هو انسب نوع لكن وانتى بتختارى فاونديشن سائل ابعدى عن المات اوى او المضئ اوى، و لو لقيتى نفسك حطيتى كمية زيادة عن اللزوم استخدمى فرشة البودرة وحط عليها كميلة قليلة اوى من المرطب و مرى بيها على بشرتك فى نفس الاتجاه اللى حطيتى بيه الفاونديشن .

اختارى التغطية المناسبة
اختارى التغطية المناسبة

5- استخدمى الكونسيلر و البودرة :

علشان تدارى النمش و العيوب التانية اللى ممكن تكون موجودة فى بشرتك زى الحبوب و البقع استخدمى كونسيلر او مصحح لون و ممكن تدمجيه على بشرتك باستخدام صوابعك ، بعد ما تحطى الكونسيلر استخدمى كمية قيلة اوى من البودرة و امشي بيها على وشك خصوصا فى الـ T zone اللى هى منطقة الجبهة و خط الانف لان دى اكتر منطقة بتعرق فى وشنا و المكياج بيروح من عليها بسرعة . البودرة هتخلى شكل فاونديشن طبيعى اكت و هتخلى مكياجك يفضل على بشرتك مدة اطول و حاولى تستخدمى البودرة على فرشة صغيرة ، و لو بتقلقى من استخدام البودرة افتكرى دايما انه كل ما كانت الكمية اقل كل ما كان افضل . 

استخدمى الكونسيلر و البودرة
استخدمى الكونسيلر و البودرة

6- اطلعى فى ضوء طبيعى:

لو انتى فاكرة انك كده خلصتى فاونديشن مكياجك تبقى غلطانة ، خطوة مهمة لازم تعمليها هى انك اطلعى فى ضوء النهار الطبيعى و تبصى على وشك فى المراية ، علان تتأكدى انه شكل مكياجك طبيعى مش مبالغ فيه و انك استخدمتى كمية مناسبة . و كمان علشان تتأكدى انه الفاونديشن بتاعك و الكونسيلر مندمجين كويس مع بشرتك من غير اى تكتلات او مناطق تقيلة و كمان انه لون بشرتك واحد . 

اطلعى فى ضوء طبيعى
اطلعى فى ضوء طبيعى

7- استخدمى ميست لوٍشك facial mist : 

حاولى دايما يبقى فى ميست للوش او facial mist معاكى فى شنطتك علشان من وقت للتانى تجددى مكياجك و تخليه يبان كل ما تحتاجى .

استخدمى ميست لوشك
استخدمى ميست لوشك

انواع كريم الاساس المناسبة لكل بشرة وازاي تحطيه صح

انواع كريم الاساس المناسبة لكل بشرة
انواع كريم الاساس المناسبة لكل بشرة

مقالات متعلقه

التخلص من كريم الاساس الزيادة في 3 خطوات بسيطة

التخلص من كريم الاساس الزيادة في 3 خطوات بسيطة

كل اللي محتاجة تعرفيه عن تكنيك استخدام اكتر من نوع كريم اساس Multi-foundation

كل اللي محتاجة تعرفيه عن تكنيك استخدام اكتر من نوع كريم اساس Multi-foundation

8 حيل مكياج تعمليهم لو اشتريتي كريم اساس اغمق من لون بشرتك

8 حيل مكياج تعمليهم لو اشتريتي كريم اساس اغمق من لون بشرتك