8 طرق يساعدوكى ترجعى علاقتك مع صديقتك لو بعدتوا مع الوقت
مع الوقت بنتشغل ومسؤولياتنا بتزيد وبيبقى وقتنا ضيق وعلاقتنا مع بعض الناس وخصوصا اصدقائنا ممكن تقل او تختفى ! بس ده مش معناه انه مبقاش ينفع ترجعى علاقتك مع صديقتك او تقويها من جديد حتى لو كان عدا وقت كتير ، لانه علاقتك مع صديقتك تستاهل تتعبى علشانها علشان فى الاخر الاصحاب هما اللى بيعرفونا كويس و مبنقدرش نستغنى عنهم ابدا و الوحيدين اللى بنلجألهم فورا لو وقعت قدامنا اى مشكلة من غير ما نتردد . لكن علشان ترجعى علاقتك مع صديقتك لازم تلاقى طريقة مناسبة علشان تتواصلوا من جديد و دى الحاجه اللى ممكن تبقى صعبة لانه عدا فترة من اخر مر8 طرق ترجعى بيهم علاقتك مع صديقتك مهما كان الوقت اللى مر ..
8 طرق يساعدوكى ترجعى علاقتك مع صديقتك لو بعدتوا مع الوقت
1- ابعتيلها رساله على الـ facebook :
انك تتواصلى مع صاحبتك او صديقتك عن طريق الانترنت بتعتبرواحدة من اسهل الطرق و اسرعها علشان تتكلموا و تعرفوا اخبار بعض ، ابدأى رسالتك بانك تحكى قد ايه انتى كنتى مشغولة و احكيلها شوية تفاصيل عن اللى عمتيه فى حياتك الفترة اللى فاتت، انك تشاركى الحاجات اللى حصلت فى حياتك مع صاحبتك هيشجعها ان هى كمان تحكيلك عن اللى حصل معاها. واول ما تلاقيها بترد و الكلام بدأ يفتح بينكم اقترحى عليها انكم تتقابلوا فى اقرب وقت ممكن علشان تتقابلوا بشكل شخصى و تقعدوا تتكلموا face to face ، وافتكرى دايما انه النت او السوشال ميديا مش كفاية علشان تبنى صداقة مع حد .
2- اتكلموا عن موقف قديم او ذكرى حلوة جمعتكم :
واحدة من الحاجات المفيدة فى انك ترجعى علاقتك مع صديقتك هى انكم تتواصلوا بالكلام عن موقف قديم او ذكرى حلوة جمعتكم و تحكوا تفاصيلها لبعض ، لانه المواقف زى ما جمعتكم قبل كده هتجمعكم ببعض دلوقتى و تخليكم تتواصلوا من تانى و تقربكم من بعض .
3- ابعتيلها اهداء على كارت:
الكلمة المكتوبة دايما بتبقى صادقة و بتوصل ، و خصوصا لو مكتوبة بخط الايد ، علشان كده جربى تكتبيلها اهداء صادق من قلبك بخط ايدك على كارت و ابعتيهولها على البيت كمفاجأة تفتح سكة ليكم علشان تتواصلوا من جديد، و متستنيش لحد ما يبقى فى مناسبة او عيد علشان تبعتيلها ، كل ما اتاخرتى ك ما كان الوضع اصعب ! و حاولى يكون الكلام بسيط و صادق ، و حاولى تتجنبى تحديد مواعيد معينة تتقابلوا فيها فى الكارت بتاعك ، لكن سيبيى الكلام مفتوح و اديها فرصة ترد عليكى و قولى فيها انك فاضية تتغدوا سوا او تتقابلوا تشربوا حاجه خلال الاسبوعين الجايين مثلا ، و فكريها برقمك او افضل طريقة تقدر هى تتواصل بيها معاكى .
4- اتصلى بيها و اتفقوا على ميعاد تتقابلوا فيه:
انك تتصلى بصاحبتك و تسمعى صوتها على التليفون بتعتبر افضل طريقة تتواصلوا بيها من جديد ، لكن ممكن يبقى صعب خصوصا لو كان مر وقت طويل من اخر مرة اتكلمتوا علشان بتبقا مشغولين و الاوقات اللى ممكن تتكلموا فيها على التليفون مختلفة ، علشان كده افضل حاجه انكم تبقوا متفقين على ميعاد تكلموا بعض فيه من قبل كده، او انك تسيبيى voice mail . ممكن صاحبتك تستغرب انك اتصلتى بيها فجأة لكنها هتتفهم و هتقدر انك بتحاولى تتواصلى معاها من جديد و اول ما ترد عليكى استغلى الفرصة فى انكم تتفقوا على ميعاد تتقابلوا فيه و تتكلموا .
5- اعمليلها مفاجأة غير متوقعة:
حاولى تعمليلها حاجه لطيفة و غير متوقعة زى انك تبعتيلها هدية معمولة بالايد او انك مثلا تعمليلها كيك تكون بتحبه ، المفاجأت و الهدايا الصغيرة بتعبر عن حبك لصديقتك وانك فعلا حريصة على انك نرجعوا علاقتكم ببعض ، الحركة دى هتخلى صديقتك تفتحلك قلبها و تبقى عايزة تتكلم معاكى ، لكن حاولى تبعتى حاجخه بسيطة ومتكونش اوفر .
6- اعملى حفلة صغيرة:
لو بتحاولى ترجعى علاقتك بأكتر من صديقة يبقى افضل حل هو انك تعملى حفلة صغيرة زى حفلة شاى مثلا او عشاء و تعزميهم ، التجمعات الصغيرة دى هتساعدك ترجعى علاقتك بأكتر من صديقة فى وقت واحد و حاولى كل اللى تعزميهم يكونوا بيعرفوا بعض حتى لو مش اوى علشان يفضل طول الوقت فى مواضيع مشتركة تفتحوها و تتكملوا فيها .
7- اعزميها على مناسبة:
ممكن كمان تعزميها على مناسبة مثلا لو عيد ميلادك او سبوع طفلك ، او حتى خطوبة او مناسبة لاخواتك . و كمان لو عندك تذكرة لحفلة او event لحاجه هى بحبها او مهتمة بيها ، العزومة دى بتبقى خفيفة و بتديلك فرصة طبيعية اكتر علشان ترجعى تفتحى كلام مع صاحبتك من غير ما تتوتروا او تتحرجوا من بعض .
8- حاولى تشاركيها تجربة جديدة:
حاولى يبقى فى فرصة انك تخلقى معاها ذكريات جديدة من خلال انك تشاكيها تجربة ، زى انكم تسافروا سوا او تطلعوا يوم سفارى او تقضوا يوم فى ملاهى و تلعبوا مثلا ، الطريقة دى حلوة جدا علشان ترجعى علاقتك مع صديقتك بطريقة مرحة و خفيفة و فرصة كمان تكونوا على طبيعتكم من غير اى احراج او توتر .
شوفى معانا كمان نصايح مفيدة و افكار علشان ستايلك وقت خروجك مع اصحابك
