10 تمارين تعمليهم فى البيت هيساعدوكى تحرقى calories اكتر طول اليوم

بقلمآية حسان فيتخسيس الوزن visibility8608

اوقات كتير وسط مشاغل الحياة الكتيرة بيبقى مفيش وقت تروحى الجيم تلعبى رياضة او تجري علشان تحافظى على رشاقة جسمك و صحته ، بس متقلقيش ” بنات حوا 0″ جابتلك الحل . فى المقال ده هتعرفى معانا ازاى تعملى 10 تمارين تعمليهم فى البيت هيساعدوكى تحرقى calories اكتر طول اليوم و انتى بتعملى شغل البيت فى نفس الوقت !

10 تمارين تعمليهم فى البيت هيساعدوكى تحرقى calories اكتر طول اليوم

1- وانتى بتشيلى الغسيل اعملى step workouts : 

لو البيت عندك بسلالم يبقى حاولى و انتى بتشيلى الغسيل او اى حاجه من الدور اللى تحت للدور اللى فوق انك تعملى تمرين الـ step workouts ، قسمى الحاجات اللى انتى عايزة تشيليها على 5 اجزاء واعملى 5 رحلات من الدور اللى تحت للدور اللى فوق، و فى اخر كل مرة ارفعى سبت الغسيل او الحاجه اللى انتى شايلاها لمستوى كتفك و نزليها ، كررى الحركة دى 5 مرات .

الهدف من التمرين : تقوية القلب و الاوعية الدموية – تقوية عضلات الذراع .

step-workouts
step-workouts

2- على ما القهوة بتاعتك تبرد : تمرين الـ wall sit :

لحد ما القهوة بتاعتك تبرد ممكن تعملى تمرين بسيط لكن مفيد ، اسندى ضهرك و رقبتك و راسك على الحيطة بحيث يكونى رجليكى على مسافة حوالى 30 سم بعيد عن جسمك ، و بعدين اتنى ركبك و انزلى بجسمك ناحية الارض لحد ما تحسى انه عضلات الفخذين بدأت تشد و اثبتى على الوضعبة دى 15 ثانية ، و كررى التمرين لحوالى دقيقة .

الهدف من التمرين : تقوية و شد عضلات الفخذين .

 تمرين الـ wall sit
تمرين الـ wall sit

3- وانتى بتنضفى الاطباق : تمرين الـsquats :

كل مرة و انتى بتطلعى طبق او كوباية من غسالة الاطباق بدل ما توطى اعملى حركة الـsquat زى ما تكونى هتقعدى على كرسي بالضبط ، انزلى كأنك هتقعدى و خدى الطبق من غسالة الاطباق و بعدين ارفعى نفسك وانتى على نفس وضعية الجلوس و خدى بالك انه ركبك تبقى على نفس مستوى اصابع الرجلين مش مايلة عنها .

الهدف من التمرين : تقوية الجزء السفلى من الجسم .

تمارين تعمليهم فى البيت
squats

4- وانتى فى العربية او راكبة مواصلات : تمرين شفط البطن : 

وانتى سايقة عبيتك او راكبة اى مواصلة لاى مشوار استغلى الوقت ده فى انك تعملى تمرين مهم لبطنك و هو انك تشفطى بطنك لجوه و تفضلى على الوضع ده ق ما تقدرى و بعدين تاخدى نفس و تكررى تانى .

الهدف من التمرين : تقوية عضلات البطن و تخسيس الكرش .

 تمرين شفط البطن
تمرين شفط البطن

5- وانتى بتغسلى ايدك : تمرين الـ standing push-ups :

وانتى بتغسلى ايدك اقفى بعيد عن الحوض بحوالى 50 سم و افردى ايدك بارتفاع كتفك و امسكى فى الحوض و افردى جسمك بحيث يكون فى خط مستقيم مايل على الحوض ، و اعملى 20 ضغط على الواقف.

الهدف من التمرين : تقوية عضلات الصدر و الذراعين.

 تمرين الـ standing push-ups
تمرين الـ standing push-ups

6- وانتى قاعدة على المكتب : تمرين الـ desk pushes : 

اقعدى على الكرسي و قربيه اوى من المكتب و افتحى ايديكى و امسكى بيهم طرف المكتب من تحت ، و زقى نفسك قريب من المكتب على قد ما تقدرى و كأنك هتشيلى المكتب من على الارض واثبتى لمدة 30ثانية ،و بعدين ارتاحى 10 ثوانى و كرى نفس الحركة مرة تانية .

الهدف من التمرين : تقوية الجزء العلوى من الجسم .

تمرين الـ desk pushes
تمرين الـ desk pushes

7-و انتى بتكلمى فى التليفون : تمرين رفع الرجلين : 

تمرين سهل من تمارين تعمليهم فى البيت وانتى بتتكلمى فى التليفون اقعدى بشكل مستقيم على طرف المكتب او الكرسي و اتنى رجلك الشمال تنية خفيفة، و افردى رجلك اليمين و ارفعيها عن الارض، افضلى على الوضع ده من 15لـ30 ثانية ، بعد مرور الوقت بدلى الرجلين ، او حركى رجليكى زى ما تكونى بتجري فى مكانك . 

الهدف من التمرين : تقوية القلب و عضلات المعدة.

 تمرين رفع الرجلين
تمرين رفع الرجلين

8-وانتى بتطبخى : تمرين الـ back claps :

اقفى فى نص المطبخ و خلى الدراعين مستقيمين و لفيهم وراء ضهرك و صقفى ، هما ايديكى مش هتصقف فعلا لكن هتقرب من بعضها و يمكن يتلامسوا ، و بعدين رجعى ايديكى قدامك و صقفى ، اعملى 50 تصقيفة من دول و بعدين ارتاحى 10 ثوانى و اعملى دورتين كمان .

الهدف من التمرين: تقوية عضلات الـ triceps وعضلات الصدر .

 تمرين الـ back claps
تمرين الـ back claps

9- و انتى نايمة فى السرير : تمرين الـ half bridges :

نامى على ضهرك من غير مخدة اتنى ركبك و ارفعيهم و خلى القدمين flat على السرير، شدى عضلات بطنك و اضغطى عضلات الفخذين و ارفعيهم بحيث يكون جسمك فى خط مستقيم من الفخذين للكتفين ، اثبتى 15 ثانية و بعدين لرجعى لنفس الوضعية و اثبتى عليها مرة تانية لمدة 30 ثانية ، و بعدين ارتاحى لمدة 10 ثوانى . كررىيها 3 مرات .

الهدف من التمرين : تقوية عضلات البطن و الضهر .

half bridges
half bridges

10- انتى بتلعبى مع اولادك : تمرين الـplank :

نامى على الارض بحيث يكون وشك للارض و ارفعى جسمك على الكوعين بحيث تكون صوابع رجلك لامسة الارض ” زى وضعية تمرين الضغط ” لو صعبة عليكى ممكن تتنى ركبك و تخليها تلمس الارض ، بكده هيكون التمرين اسهل . و لو اولادك صغيرين ممكن تخليهم يركبوا على ضهرك بحيث يشكلوا مقاومة اكبر .

الهدف من التمرين : تقوية عضلة القلب .

تمرين الـ plank
تمرين الـ plank

بكده  تكونى عرفتى معانا 10 تمارين تعمليهم فى البيت بسهولة و فى وقت قليل ، جربيهم و شاركينا النتيجة :)