نصايح مفيدة و افكار علشان ستايلك وقت خروجك مع اصحابك

آية حسان
آية حسان
5419

مفيش شك انه خروجتنا مع اصحابنا اخر كل اسبوع بعد ايام طويلة من الشغل و التعب بتبقى من الاوقات المفضلةعندنا و اللى بنستناها من اسبوع للتانى ، خصوصا لو اتجمعتوا على الغدا او العشا و قعدتوا تتكلموا و تعرفوا اخباربعض . و لانه ” بنات حوا ” عايزاكى طول الوقت مميزة و مختلفة حتى لو فى خروجة بسيطة زى خروجات الاصحاب ، و كمان تبقى مرتاحة . فى المقال ده هنقولك على نصايح مفيدة و افكار علشان ستايلك وقت خروجك مع اصحابك هتخليكى دايما شيك و واثقة فى اللوك بتاعك ..

نصايح مفيدة و افكار علشان ستايلك وقت خروجك مع اصحابك

 حاولى يبقى اللوك بتاعك شيك و كاجوال 

الحلو فى الصحاب انك مبتبقيش مضطرة تتعبى نفسك فى التفكير و هتلبسي ايه و الطقم ده ينفع ولا لا ، بس كمان ممكن تكون خروجتك مع صحابك هى فرصتك فى انك تدلعى نفسك و تتشيكى لانه ممكن تكون الفرصة دى مبتجيش كتير وسط زحمة الشغل و البيت ، و لانه اهم قاعدة فى اللبس هى انك تكونى مرتاحة ، معظم المشاكل اللى ممكن تقابلك لما تيجى تختارى  ستايلك وقت خروجك مع اصحابك الحلول ليها بسيطة  ..

1-النصيحة الاولى : 

لو بتحبى تلبسي الـ skinny jeans حاولى يبقى شكلهم شيك و مش كاجوال اوى : 

skinny jeans
skinny jeans

البنطلونات الجينز السكينى او الـ skinny jeans المميز فيها انك دايما تقدى تعتمدى عليها فى ستايلك وقت خروجك مع اصحابك ، الخدعة فى انك تخلى شكلهم شيك و مش عادى و تبعدى عن انه شكلهم يبقى كاجوال اوى .

نصيحتنا ليكى : 

حاولى تلبسي قميص فورمال مع كعب عالى على الـskinny jeans و هتلاقى الستايل اتغير تماما ، و ممكن كمان تتنى رجل البنطلون علشان يبقى شكل ستايلك cool و تريندى .

البسى قميص فورمال مع كعب عالى و بنطلون سكينى
البسى قميص فورمال مع كعب عالى و بنطلون سكينى

2- النصيحة الثانية :

لو بتحبي تلبسي هدوم سادة او بنقشة خفيفة و عايز شكلهم يطلع WOW !

لوانتى من البنات اللى مبتحبش تلبس هدوم فيها تفاصيل او نقشات كتيرة و بتفضلى الهدوم السادة او اللى بلون واحد ، او عندك قطع ملابس اساسية كتيرة زى القمصان او البلوزت يبقى الحل علشان تخلى اللوك شكله WOW و تريندى هو انك تستخدمى الاكسسوارات و روج بلون فاتح . 

لو بتحبي تلبسي هدوم سادة او بنقشة خفيفة
لو بتحبي تلبسي هدوم سادة او بنقشة خفيفة

نصيحتنا ليكى : 

خلى الاكسسوار فى الطقم السادة او الطقم بلون واحد هو القطعه الاساسية فى الطقم ، لانه هيحيي اللوك بتاعك و يخليه على الموضة . كمان لما تيجى تحطى مكياج على طقم بلون واحد متنسيش يبقى الروج بتاعك بلون فاتح ، الروج من لون فاتح هيخلى وشك ينور بسهولة ، و ممكن كمان تجربى نضارة شمس بحجم كبير و كوليه او سلسلة مناسبة تظهر الطقم بتاعك و تكسر من حدة اللون الواحد ، و علشان تختارى كوليه صح و انتى بتجربيه خلى بالك انه يكون اقصر من خط الرقبة بحوالى 2 سم او بيعدى خط البلوزة بتاعتك بـ2 سم . شوفى معانا كمان ازاى تستغلى الاكسسوارات فى تحسين اللوك بتاعك؟!

خلى الاكسسوارات هى اللى تظهر الطقم بتاعك
خلى الاكسسوارات هى اللى تظهر الطقم بتاعك

3- النصيحة الثالثة : 

لو عايزة تلبسي حاجه خفيفة على السريع : 

لو عايزة تلبسى حاجه خفيفة على السريع
لو عايزة تلبسى حاجه خفيفة على السريع

كلنا بتمر علينا ايام بنبقى مجهدين و مش قادرين نظبط لبس او نهتم بتفاصيله اوى ، لانه وقت خروجات اصحابنا بنبقى على طبيعتنا و بنحس اننا مش محتاجين نلبس حاجه تاخد مننا وقت او مجهود ، و كمان فى اوقات الـ period لما بنبقى مش قادرين و عايزين نستخبى فى اى حاجه وخلاص فممكن نلبس بلوزة او بلوفر واسع او فستان مقاسه مش مناسب فبيبان شكلنا مش حلو و يمكن مبهدل :/ علشان كده النصيحة دى هتفيدك  لو قررتى يبقى ستايلك وقت خروجك مع اصحابك بسيط .

نصيحتنا ليكي : 

اول حاجه انسي المفهوم الغلط اللى بيقول انه علشان تبانى ارفع وشكلك مرتب يبقى البسي ضيق ، الكلام ده مش صحيح . كل اللى هتحتاجى تعمليه انك ببساطة تلبسى اكتر من طبقة فوق بعض زى مثلا انك تلبسى قميص او بلوزة و فوقيه بلوفر او توب قصير ، الستايل ده بيحدد منطقة الوسط و بيبين طولك بشكل حلو من غير ما يبين اى defaut فى منطقة البطن و ممكن كمان تلبسي boot بكعب صغير علشان تكملى اللوك بتاعك و تلمى الاكمام لفوق و تدى اللوك بتاعك الشكل الـ cool .

البسي قميص مع توب قصير و جينز
البسي قميص مع توب قصير و جينز

 شوفى معانا كمان خليكى شيك وغيري ستايلك فى 5 خطوات بس!

مقالات متعلقه

14 قاعدة ملابس اساسية محتاجة تعرفيها

14 قاعدة ملابس اساسية محتاجة تعرفيها

ازاي تعملي Outfit Formulas وتختاري قطع ملابس تقدري تلبسيهم بأكتر من طريقة

ازاي تعملي Outfit Formulas وتختاري قطع ملابس تقدري تلبسيهم بأكتر من طريقة

افضل دليل لقواعد اللبس الاساسية لكل الاوقات والمناسبات

افضل دليل لقواعد اللبس الاساسية لكل الاوقات والمناسبات