7 نصايح هتخليكي جميلة في أسرع وقت .. اعرفيهم معانا !

ريهام محمود
ريهام محمود
في
مكياج
27013

كلنا دايما بنبقى عايزين نطلع بشكل حلو ولوك مثالي بأسهل واسرع الطرق بس مش بنبقى عارفين نعمل ايه, احنا ممكن نعمل حاجات بسيطة جدا وسريعة بس في نفس الوقت تغير في اللوك بتاعنا وتطلعنا بشكل حلو, وده اللي هنعرفه النهاردة من خلال المقال ده هنقولكم على 7 نصايح هتخليكي جميلة في أسرع وقت وتقدري تنفذيهم في اي وقت بسهولة جدا.

تعالوا نعرف 7 نصايح هتخليكي جميلة في أسرع وقت:

1- البسي هدوم على شكل الجسم:

قطع الملابس اللي بتكون على شكل الجسم بتدي لوك حلو جدا سواء كان الجزء اللي فوق بادي او بلوزة او البنطلون, ممكن تختاري الاتنين يكونوا على شكل الجسم او تختاري قطعة واحدة بس تكون على شكل الجسم البلوزة او البنطلون, والاختيار يكون على حسب الجزء اللي عايزة تظهريه اكتر والجزء اللي عايزى تداريه على حسب جسمك يعني لو عايزة تظهري الجزء اللي فوق يبقى تختاري تلبسي حاجة على شكل الجسم وتحت تلبسي استايل مختلف والعكس.

البسي هدوم على شكل الجسم
البسي هدوم على شكل الجسم

شوفوا كمان اهم 9 قطع ملابس هيغيروا اللوك بتاعك.

2- غيري استايل شعرك:

ممكن تغيري استايل شعرك بحاجات بسيطة وفي نفس الوقت هتدي لوك حلو ومختلف, يعني مثلا لو انتي شعرك كيرلي او مجعد ممكن تلمي شعرك وتعمليه كحكة عالية High bun وتضيفي لها اكسسوار للشعر عشان تديها شكل حلو, او لو انتي شعرك مفرود ممكن تجربي تعمليه كيرلي خفيف وتلبسي مثلا برنيطة عليه لو خارجة الصبح في الشمس, لو شعرك طويل هيساعدك اكتر انك تنوعي في التسريحات وتعملي كل يوم تسريحة مختلفة, ممكن تعملي ديل حصان او كحكة بطرق مختلفة, حاولي بين كل فترة والتانية انك تغيري قصة شعرك وتجربي حاجات جديدة يعني اي تغيير بسيط هتلاقيه فرق معاكي جدا في اللوك بتاعك.

غيري استايل شعرك
غيري استايل شعرك

شوفوا من هنا 10 تسريحات سهلة ومتاخدش وقت.

3- اظهري الساقين:

لو انتي بتلبسي قصير فساتين او جيبات يبقى ركزي انك تظهري الساقين بشكل حلو ممكن تحطي لهم برونزر او هايلايت عشان تديهم لوك حلو, وده كمان هيساعد انه يخفي اي عيوب في الرجل.

اظهري الساقين
اظهري الساقين

4- استخدمي برفيوم جديد:

خلي دايما عندك اكتر من نوع برفيوم ومزيل عرق تستخدميهم في اوقات مختلفة يعني مش كل الاوقات تحطي نفس البرفيوم حاولي انك تغيري, يعني كل كام يوم مثلا حطي نوع جديد هتحسي انك بتنوعي وخرجتي نفسك من ملل استخدام نوع واحد, وممكن تستخدمي حسب مودك يعني يوم حابه تحطي نوع خفيف يوم حابة تحطي نوع تقيل شوية ومختلف, وممكن تغيري شوية في ايام تانية وتستخدمي معطرات الجسم او لوشن الجسم  بدل البرفيوم هتخلي جسمك كله ريحته حلوة لفترة طويلة.

استخدمي برفيوم جديد
استخدمي برفيوم جديد

اعرفي من هنا نصايح ازاي تختاري البرفيوم المناسب ليكي.

5- اعملي كونتور للوش:

من الحاجات السريعة اللي بتغير اللوك وبتدي شكل حلو هو الكونتور او نحت وتحديد ملامح الوش, حطي الاول طبقة كريم الاساس عشان تساعد على اخفاء اي عيوب في الوش وتخلي بشرتك جاهزة للمكياج وبعدين حطي الكونتور واختاري الدرجات المناسبة للون بشرتك.

اعملي كونتور للوش
اعملي كونتور للوش

شوفوا من هنا طريقة الكونتور.

6- البسي حلق مختلف:

الحلق من الحاجات اللي ممكن تغير شكل الوش, لو انتي متعودة دايما تلبسي الحلقان الصغيرة يبقى ده الوقت اللي لازم تغيري فيه وتجربي تلبسي الحلقان الكبيرة او اللي بيكون فيها اكسسوار نازل على الرقبة شوية, وحطي ماسكارا تكون بتكثف الرموش عشان تظهريهم, الخطوتين دول لوحدهم هيغيروا اللوك بتاعك وشكل وشك خالص بسرعة ومن غير اي مجهود.

البسي حلق مختلف
البسي حلق مختلف

شوفي من هنا ازاي تستغلي الاكسسوارات في تحسين اللوك بتاعك.

7- اهتمي بشفايفك:

الشفايف كمان من الحاجات السريعة اللي ممكن تغير في اللوك عشان كده لازم تهتمي بيهم , اعملي لهم دايما تقشير عشان يبقى شكلهم حلو وناعمين, وبعد التقشير ممكن تستخدمي حاجات طبيعية اللي بتساعد على تكبير الشفايف زي القرفة وزيت النعناع عشان تديهم شكل ممتليء, وبعد كده نيجي لخطوة الروج اختاري درجة اللون اللي تليق عليكي وتظهر شفايفك بشكل حلو.

اهتمي بشفايفك
اهتمي بشفايفك

شوفي من هنا طرق طبيعية لتكبير الشفايف.

شوفي كمان 7 خدع ونصايح سريعة لجمالك في الصيف

7 خدع و نصايح سريعة لجمالك في الصيف
7 خدع و نصايح سريعة لجمالك في الصيف

مقالات متعلقه

17 حيلة جمالية هتوفرلك في الفلوس كل بنت بتحب المكياج محتاجة تعرفهم

17 حيلة جمالية هتوفرلك في الفلوس كل بنت بتحب المكياج محتاجة تعرفهم

نصايح للمكياج اللامع عشان تطلعي بأحلى لوك

نصايح للمكياج اللامع عشان تطلعي بأحلى لوك

نصايح جمالية هتوفرلك في الوقت وتخليكي تطلعي بلوك حلو

نصايح جمالية هتوفرلك في الوقت وتخليكي تطلعي بلوك حلو